又趕起一集.
當你心靈空虛、感情挫敗時,想搵人填補內心虛空的感覺,我們統稱作 “水泡” .
我知道當小盈係水泡是我不對,但當時我真的感到寂寞難耐,最想找的,還是小盈.直到現在,我也覺得小盈人品不錯,只是我不懂珍惜罷了.
第十二集: 同床異夢
上集講到我喜歡上小雪,卻不敢追求她,而把愛慕之情藏在心內,內心很是難受.吃過晚飯,我倆告別了.我一個人走在人煙漸少的東門步行街上,我突然不想回去,我怕晚上一個人睡,我怕寂寞.
驀然,我想起一個人,遂拿起手機,打給小盈.
「喂,小盈,做緊咩呀?」我低聲說.
「阿簡?你在大陸嘅?」小盈聽到我電話,有點訝異的說.
「係呀…我一個人喺東門,你出黎好嘛?」我說.
「點解你會喺東門嘅?」小盈問.
「唔好問咁多啦!我一個人…想見你…唔方便呀?」我有點不耐煩的說.
「唔係…你等我,一陣喺老地方見」小盈語畢即掛線了.
我在東門茂業等她,看著路邊的途人,等了好久,小盈坐小巴趕來了.
小盈一見我又問我何故在大陸,我求其作個藉口話掛住佢,內心仍掂念著小雪.我和小盈行街時,雙手插在牛仔褲裡,不想拖她的手.小盈見到我咁,有d唔開心.
我見夜了,便說:「夜啦,我今晚唔想返去.去你度過夜好嗎?」
「唔得呀,我朋友喺度呀.租酒店啦」小盈說.
就這樣,我們在附近酒店租左間房,上房後,我開電視一睇,是一個廣告,代言人是董潔.董潔是誰?電影《地下鐵》的女配角.我沒有看過《地下鐵》,這是我第一次看見董潔.
我一看,驀地覺得好像一個人,是小雪!
「你覺得廣告果個女仔點呀?」我問小盈.
「董潔?幾靚呀,小家碧玉囉…」小盈笑說.
小家碧玉…鄰家女孩…對了,小雪真的給人一種鄰家女孩的感覺!
一想起小雪,我的心又一下子揪緊…
我倆沖過涼後,我倘在床上,腦內仍不斷浮現今天和小雪遊歡樂谷的影像,小盈睡在我身旁,她見我有心事,問我:「做咩啦?有心事呀?」
「冇呀」我冷冷的說.
小盈突然抱著我,我下意識的一縮,問:「你做咩呀?」
「你唔想嘅咩?咁耐冇做那個…」小盈靦腆的說.
我望一望小盈,心想為何喜歡的人又不在自己身旁,而是小盈.
我開始不耐煩,但又不想對小盈 “發作” .我知道小盈對我唔差,從今晚我一call她即出來便知道.然而,我真正喜歡的人不是她,是小雪.當初與她一起,只是由憐生愛,只是為了消除我的內疚感,現在對小盈可說是冇晒感覺了.
遇上小雪,使我真正意識到: 我根本不喜歡小盈!
小盈見我剛才冇反應,又在我耳邊輕聲說: 「我未試過求男朋友架…你唔想做那個嗎?」
我擰轉身,背著她,冷冷地回了一句:「對唔住,今日我好攰,唔想做」
小盈沉默了,我知她唔開心,但又不想再跟她說甚麼,心裡只想著小雪.想下想下,睡著了.
這一夜,同床卻異夢.
下一集: 狠下決心
