打印

T後篇大結局 (Update 8)

收藏 | 訂閱

3.3k 90.4k

billybell

等待驗證會員

2831^# 大中小簡繁發表於 2012-5-22 只看該作者

Bear bear，人夾人架，有人想（你），亦有人唔想（L）！
而且好睇每個人既年齡經歷，廿零歲個時我同而家老婆（C）一齊時，我係衰人！覺得朋友重要啲，會想同朋友去玩多過同佢拍拖！個時既我要等？諗都唔洗諗啦！但係而家無論去邊，每晚我都係同老婆一齊返屋企架！

billybell

等待驗證會員

billybell

2832^# 大中小簡繁發表於 2012-5-22 只看該作者

L都唔係完全冇努力過既，係一次又一次平心靜氣去傾而佢逃避冇結果後，我亦都開始心淡而唔再提呢個男人，但條刺始終係度，每次佢話想自己行下靜下熄電話時，好自然會覺得佢兩個一齊，就搵其他野分散自己令自己唔諗。
管接管送照顧起居飲食亦由當初好溫馨慢慢變到公式化咁繼續做，當係自己對佢承諾過既責任掛，開始心淡但依然愛佢...
聖誕亦都同佢一齊請佢爸爸媽媽去大陸既短線旅行。
大家開始少左野講，一齊都以一份寧靜表代左當初熱烈既愛... 什至有時二人靜靜地擁抱著對方時，我既眼淚不其然流下，令呢段關係呢份愛由溫馨幸福逐漸被哀怨淒美所取代...
我不只一次問過自己撇脫啲自己離場成全佢地會唔會係對三個大都更好既解脫...
我已經分唔清自己既堅持係因為對呢段關係仲有憧憬呀，抑或係一份唔甘心所帶黎既執著...
更唔清楚L係想魚與熊掌兩兼徥呀，抑或只係唔想做衰人講出口...
呢段無言淒美既關係大約維持左兩個月，呢段時間入面我好似行尸走肉，而家都好似冇左個段記憶咁... 唯一仲記得既係L經常掛係女口邊既一番話”我覺得我好衰呀，好對唔住你兩個，我真係愛你架，但兩年既感情令我唔忍心再傷害佢，等別係睇住佢呢段時間不停為我改變！”
呢番說話令我對L更無言，亦令我明白我只係女佢感情路上既一個過客... L同我講過係錯既時間遇上啱既人係好痛苦，但我只感到從一開始佢只係因為我身上搵到佢一直渴求係呢個男人身上而又得唔到既感覺同需要，當我既出現成為佢兩個之間既催化劑令呢個男人感到危機而為L改變，我對L黎講只係令佢地之間有缺陷既感情可以磨合既同修補既療傷超能膠（我真係超級戇能膠呀）
但我始終放唔低唔捨得而繼續呢段已經唔知算咩既關係...
到2月過年啦，L就好似食神咁（你估佢唔到）初四佢黎我屋企食飯，初五我去佢屋企食飯，好地地食完佢仲送我去搭車，但當晚佢就同我講分開冷靜下！
我唔知佢係諗住開心過埋呢兩日先同我講呀，定係有心係最開心時一盤冷水淋埋黎等我呢世都唔會忘記...

billybell

等待驗證會員

billybell

2833^# 大中小簡繁發表於 2012-5-22 只看該作者

其實係我自己呃自己... 啱啱開始時佢既fb係同呢個男人engaged，開始左我覺得佢會處理我關係就改左佢，而且網上呢啲野唔可以認真，打出黎係訂婚又代表咩呀？結左婚都可以唔打出黎啦，三十幾歲人仲計較呢啲咩，但時間一日一日過去，佢既fb依然係咁，什至相簿入面都係佢同個男人既相！我開始難受！講過我同佢係同事！公司都知我地一齊，但同事就見到佢fb係同第二個男人訂婚，亦全部係同第二個男人既相，你地諗用戈咩感受... 或者佢係一方面唔斷留後路俾自己同呢個男人，另一方面係同事之間佢會有優越感...
到我忍唔住問佢，佢話一直冇乜點理所以唔記得改同del相喎... 但佢係日日玩fb個下一流！我自問我自己為左自己愛既人有信心同令佢放心，唔洗講都會自動自覺去做啦！結果係我同L一齊左4個月佢fb都係屬於佢同個男人既！（佢地兩個當年係fb認識既）
咁應該明晒自己同個男人係佢心入面地位係點啦...
到過年分手，我唔捨得！不停求佢唔好咁... 思想完全因為佢一句分開而崩潰... 完全輸晒水俾L... 思想亦俾佢主導晒變成一個傀儡...
佢什至令我為左唔分開而主動同佢講”只要唔分開就得，我唔介意同佢分享... 什至我做一個唔見得光既男朋友... 佢搵你時我消失，係佢唔得悶陪你壬山出現呀好冇...”
所有極盡侮辱男人尊嚴既說話我都講過... 呢刻亦唔想係度重覆啦... 總之當時我完全拋棄所有自尊甘心做佢腳下既爛泥...
亦係咁我同L就由男女朋友關係變左一種唔知咩既關係... 係人面前我地只係普通朋友... 但得兩個人時我地又會好親蜜，什至佢需要時會發生性關係...
當時我變左同個男人互換身份... 變左L既後路...
L什至同我講呢番說話”將來既事冇人知，我係愛你，呢一刻覺得同你唔夾分開，只係自己覺得唔work，唔關任何人事，或者遲啲我覺得都係你最好想同返你一齊呢，什至第時結左婚生埋仔都會離婚搵返你，你真係唔捨得我愛我既可以繼續等我架”

billybell

等待驗證會員

billybell

2834^# 大中小簡繁發表於 2012-5-22 只看該作者

呢段時間我同L變到朋友都不如，佢咁啱電話壞左要出過電話，佢就順便轉台出新號碼，但就堅持覺得而家唔適合俾我，當佢覺得適合時就會用新號碼搵我俾驚喜我... 全公司同事都知佢新號碼唯獨我唔知...
我仲好白痴咁因為佢講過話想儲錢，所以我每月俾錢佢同幫佢交一個我唔知號碼既電話費...
其實我知佢係因為同我呢段關係吸取到教訓，因為同ex冇斷到而令到呢段關係爛晒，佢想同返ex一齊唔會重蹈覆徹，所以唔係新號碼我等我想搵都搵唔到佢唔會破壞佢...
我知ex由我同L一開始就七死纏爛打已經篤中L既G點！
L可能差唔多三十歲，好恨快啲結婚，但我出現前ex根本冇諗過同佢結婚，所以我同佢開始左唔夠一個月L已經直認恨嫁，問我可唔可以一年後同佢結婚！而我出現後ex為左挽救，買晒花同介子去L樓下等佢向佢求婚，仲叫L陪佢去租樓婚後住... 唔知係咪因為咁L係ex 身上臢返憧憬而斷唔到...
係L同我變到朋友都不如時，每日係公司見住佢同個男人what's app，什至成班同事一齊食飯都掛住禁電話我同佢講野都扮聽唔到唔理我，要俾所有同事知我同佢分開左佢先同返ex一齊唔係衰人，但放工後個男人唔得閒陪唔到佢又瘭日搵我什至爆房發生關係...
我變得好空虛好失落，習慣左每日廿四小時奉獻晒俾L照顧佢陪佢到而家淪為隨傳隨到既替身... 多左好多時間出黎，我開始搵返朋友想尋求安慰...呢個時候一生最重要既人出現，C，我老婆！

billybell

等待驗證會員

billybell

2835^# 大中小簡繁發表於 2012-5-22 只看該作者

雀兄原來都係經常做啲傻事，但有時傻事先俾到人一份窩心同初戀一般既感覺！

friend_forever

等待驗證會員

friend_forever

2836^# 大中小簡繁發表於 2012-5-22 只看該作者

係時間的問題。我而家對男朋友係放任政策。我唔著緊他，他就著緊我。可能男人就係咁

引用:

原帖由 billybell 於 2012-5-22 08:04 PM 發表
Bear bear，人夾人架，有人想（你），亦有人唔想（L）！
而且好睇每個人既年齡經歷，廿零歲個時我同而家老婆（C）一齊時，我係衰人！覺得朋友重要啲，會想同朋友去玩多過同佢拍拖！個時既我要等？諗都唔洗諗啦 ...

billybell

等待驗證會員

billybell

2837^# 大中小簡繁發表於 2012-5-22 只看該作者

當日同L分開，到同C開始中間都經歷左幾個月，就好似postit師兄同F分開到同T 開始中間需要一段調整期...
當發覺自己同C分開10年後因為L既事唔開心搵朋友傾訴，朋友知C一直仲等緊我就開始約埋佢出黎。
慢慢發覺自己對C有返感覺，但始終未完全放低L，個人好迷茫，放左自己一個小假休息諗江抈楚對C係點，
今日係fb搵返當時因為C而寫過既一段感慨...

really feel that the puppy love feeling is figuratively like a mess...
its an extraordinary thing to meet someone u can bare your soul to !
its adorable ~
but sometimes life is pathetic in reality...
literally, insatiable for this feeling is weird and making u exhausted...
to chase it will seduce u to do creepy things...
am i spoiled by u... so greed for such redundant shadow...
what should i do my sugarbug...