http://www.188channel.com/viewthread.php?tid=20085294&extra=page%3D1
明明係為左性，何解點都唔肯認?(27/7pm大結局 #1 他的底線原來係...)
之前識咗個男仔，因為果期大家都唔開心，所以成日傾計...
佢當時有個女友拍左幾年拖，但因為性方面唔協調吵架...男的不滿女友一個月都俾唔到佢一次，同埋次次做都得一條公式，覺得好悶喎...
我地傾左成個星期，覺得好岩傾，仲開始鍾意對方添...佢一直對我好著緊好細心，令我好開心...
雖然成日都好想見，但因為佢有女友，我地都怕出黎會撞到朋友俾人閒話，所以好少見面...
有日佢同我講：不如我地約去一個無咩人見到既地方，舒舒服服傾計吖...
我話：有咩地方呀? 周圍都係人...
佢講：酒店吖，又舒服又唔怕撞到人!
我話：去酒店做咩呀? 我話咗唔會同你有性關係佢...
佢講：你唔好諗埋一邊，去酒店唔一定要發生關係，唔好咁睇我!
跟住佢仲要嬲咗我，話我當佢係狗公...
過咗一段時間，佢同我伸話佢好dry，好耐無做...
又話好想見下我...我建議好多活動佢都好似無興趣...
直到有次我話不如去離島行行，佢話好
仲話：不如租間度假屋吖，行得耐可以沖吓涼休息吓...
我話：又租屋，行耐咗累咪走囉，仲休息沖涼呀? 你成日都想我同你上床啫，仲唔認!
佢話：講極你都唔信，你唔肯唔通我強姦你咩!
如是者，我同佢曖昧咗個幾月都無俾到佢...
佢開始對我冷淡，後來更加話因為覺得唔夾所以了斷關係，而且唔可以做朋友，要做只可以做情人咁話...
到最後我再問佢，佢都堅決話之前對我好並唔係想"呃蝦條"...
但我真係唔信囉...
佢認，我大大方方同佢做又如何，佢唔認，我仲俾佢我咪好豬
所以後來我試佢，結果俾我試到佢係咩人...(有嘢做之後再打)
------------------------
26/7 am 更新
唔好意思，依家先有時間update
咁多留言，回應少少先，我出呢個post係分享同'伸'的性質，無話自己係受害者或者自己好醒
當然寫得係到就預了有人批評，但同樣，我都可以唔認同某些批評，可以選擇唔回應或者反駁
講番正題...
自從個男仔表明大家只可以做陌路人後，我地已無聯絡，我亦有一段時間好唔開心，心裡面仲不停想到底佢有無少少鍾意我，還是只係為性?
身邊有個女性朋友見我咁叫我死心，但講就容易啫，要做到都要長D時間...
係分開一個月之後，我把心一橫，自己不停諗都唔會有結果，所以我決定試清楚佢!
個女性朋友幫我假意親近佢，開頭純粹表現對佢有興趣等佢無防範，後來更加扮鍾意左佢，但前後不過2日
個男仔話自己無拖拍半年，都好想正正經經識個女友，所以都有興趣同佢見下面(睇下佢變陣變得幾快丫!!!上次話自己同女友性生活唔好，但扼蝦條不成，今次即時改口!)
如是者佢地識了一星期後去街，而第一次出街個男仔就同個女仔講「我愛你」，跟住想攬住佢鍚囉!
個女仔雖則好有心幫我，但都無理由俾個男仔鍚架，交戲都唔需要咁肉緊，所以佢推開左個男仔...
好在，個男仔之後都無咩野，佢地兩個如是者繼續傾計，期間個男仔用返之前冧過我的說話，去討好個女仔，例如「我打扮係為了你架咋，見你唔到打扮來做咩?」、「你唔好要我擔心啦，小心D唔係我掛你做嘢都唔專心」...
見到呢D都知咩事啦，好明顯之前對我係虛情假意...
其實行動到此都可以收工，但我好好奇男人為了性到底可以做到有幾肉酸? 所以我做了個實驗...
又過了一個星期，夾到我父母周末返大陸玩，個女仔就咸住打俾個男仔，話自己同家人吵了，去了個女性朋友家(即係我屋企)，叫個男仔去陪佢...男的即時應承，仲要即到!
上到黎佢見到我當然呆哂啦，仲要扮唔識囉...
(返緊工，做野先)
