我一年半前都開始沉了
我地係qq認識的,有次係屋企無聊上qq交友見到佢張相,
就膽粗粗就去加佢,一日後佢上線,問我做咩加佢果d啦,
傾傾下,傾左好多日,咩都傾,通電話,都係呢d例行公事啦,
都傾左qq有2個多月吧,本人內向,唔太懂得溝女,
加上自己當時31歲,條女先23歲,不過本身一o的都唔out,
絕對唔會差過d後生仔.....哈哈哈
自己又有份好職業,收入都不錯,除去供車,停車埸,什麼什麼費,比媽媽家用外,
自己一個月都仲有1雞野用下(完全不是晒命,勿插)
有次唔記得咩假期,好似係7月1日放假吧,係屋企好無聊,
我就係果d唔洗返工就留係屋企打下機,上下網,唔鐘意出街既人,
就膽粗粗約條女出黎食飯,當時她住在南山姐姐的屋企,姐姐已婚,
就係甘就第一次見到她,更加把我吸引住,她當時是一個普通的文員.
一個月2000蚊,第一次見面就只係食飯,係樂園路食海鮮,完全無什麼開房既念頭,
因為畢竟人家都是一個正經女仔,之後個個星期日我都約佢食飯行街,
食完飯送佢返南山,真係好似係香港溝女咁,食完飯街完街就送人返屋企,
好sweet的,到了3個月我先敢問她可唔可以做的男朋友,她笑了,沒出聲,
我先敢拖拖佢隻手(無錯,係3個月先第一次仍拖佢隻手)
我只話比佢知我係一個普通的打工仔,一個月一萬蚊,
住公屋,手上的錶都是假的,她完全沒有介意,因為我成日上網見到d ching話d女好貪錢,
到了聖誕節,因為放2日假,所以我係深圳住了一晚,就係果晚我地發生第一次關係,
我地2個都好緊張,搞到我第一次派報紙,失禮晒,真係好緊張......
元旦同聖誕一樣,又係酒店過,我都仲係未比過錢佢,只係行街買小小野係我比錢,
食飯果d唔洗講啦,係男人都會比錢啦,元旦後,佢話要轉工作,轉做手機銷售,
即係好似手機批發咁上下,一個月都有5~6k,為左方便返工,所以想搬到深圳,我話我無錢wo,
佢就話搬屋唔洗我比,佢自己夠錢搬,只要之後我個個月幫手交下租就可以了,次次住酒店,
住一次都要400蚊一晚,不如自己租地方,有好多地方都包傢電的,我就推3推4果隻啦,
因為我都唔想比錢,之後佢都轉左工,仲係住姐姐南山果度,朝朝坐一粒鐘車去華強北返工,
到左過年,我出錢請佢去左北京玩左5日,洗左1雞野,夜機返到深圳,又係去租酒店,拎住晒d行李住酒店,
當晚佢又同我講,如果自己有地方住,就唔洗好似而家甘,夜媽媽周圍搵酒店,自己諗左一陣,
又好似係啊,次次都3,4舊,租一個月都係2000姐,就係咁,我地係3月已經有自己的家,
有一點不可不提的,就係租間屋我一蚊都無拎出黎,我一件行李都無幫手搬,都係佢自己出錢出力的,
租的地方2000蚊一個月,包傢電,有電梯的,環境唔錯,我次次返去佢都住好飯等我返去,
仲要係佢自己放左工飛去超市買野去煮,開頭我都係一個月比3000蚊比佢,星期日我就去超市入貨,
次次都打爆個冰箱,滿一滿,間中佢放左工去行東門,都會幫我買衫買褲,
搞到我而家大部份既衫褲都係佢買的,有次行過九如坊,見到條鍊幾好睇,
過左一排佢就買左比我,要成8舊水一條,好x貴,不過她都買了送比我,
佢生日我就送左一部4xxx既手機比佢,佢話我(我做手機架,洗乜你買手機比我呀?你自己用啦)
最後我自己拎返黎用,無生日禮物送比佢,佢沒有唔開心,仲話我陪佢過生日已經夠了,
我頂......係唔係真架.....(我個樣真係咁窮咩?)
舊年10月,佢申請左黎香港玩幾日,係我屋企訓,我媽咁岩又去左旅行,不過我妹,弟都係屋企,
佢黎到我屋企,見到我間房,仲話,你屋企環境真係麻麻,(香港間間屋都係咁上下大架啦,600呎)
我張床係單人床,佢望住張床問今晚點訓,我話一齊訓lor,你唔訓可以訓地下的,
香港3日遊,行下街,買下化妝品,買野用左3000蚊,我自己有車,上左山頂,淺水灣,黃金海岸,
去左好多地方,入下油,食下飯,洗左6000蚊咁上下,到左12月咁上下,自己一個月比4000蚊佢了,
因為佢成日都買野比我,佢自己買比自己更多,比多少少佢用,儲下都好既,
到了今年2月,無再租呢度了,租左第2度,2房一聽,2000蚊,無傢電,所以傢電都係佢出錢買,
全部新既,連租屋,按金佢都比好晒,果日佢打比我,問我買咩電視好,我話當然係要32吋lcd啦,
佢話唔夠錢,咁個電視就我買了,4700蚊,其他野都都比好晒錢了,直至到而家,我都係一個月比4000蚊佢,
有時我都覺得自己好似食軟飯咁,差d唔記得講,過年時我比左1雞野比佢寄返屋企過年,
呢個係我自己要求要寄既,唔係佢迫我,計計下我都唔太算食軟飯吧,(次次食飯都係我比錢的)
以上我都唔係晒命,只係分享
