「勝利飛駒」差一步就有Ｑ, 不過唔緊要, 「牛精褔星」真係超級勁, 「淺草田園」估唔到轉變咁大, 唔同o係香港o個次真係因為解鞍既問題? 最激氣既係上次買「駿馬繽紛」「壹子彈」2x3 W, 今次竟然跑番上黎, 可憐只中「駿馬繽紛」, 「壹子彈」上次明明話未能應付是日場地, 但今次場地好少少又得? :022: 至於銀行馬「喜皇寶」太熱真係有隱憂, 所以只係觀望, 唔知係場地丫, 負磅丫, 定係個直路二檔, 定係其後原因, 不過一定可以o係頂班企得隱。
今次繼續買上次博失既馬, 無錯就係「京城之光」, 上場10檔用力埋左欄之後竟然緊緊輸俾一檔慳晒位既「育成明駒」表現已算不俗, 不過經過上場後已能逃出生天, 戰意可能無上場咁好, 可幸今場排得五檔, 一檔「百威力」應該唔會同佢鬥搶 (上場同一情況而佢無搶) , 「馬中龍」更加唔會, 「神龍奏凱」望空即死, 「香港夢」是留後馬, 應該會順利搶到條欄, 其他馬唔會搶之下應該會放得幾舒服,稍嫌今仗唔係大熱就係次熱, 可能唔ARM馬房胃口, 不過論馬當是可勝之選。有機會贏到佢既馬應該不出「香港夢」, 上場排十二檔, 於谷草C跑道可以話未跑先輸, 但黎海榮好努力地克服12檔, 克服的分法唔係放就係Drop後, 當然選擇後者, 但此場「京城之光」突然從500米處發力, 佢o係後面慢慢俾馬群拋開, 到400米處已經落後十個馬位, 入正直路仲要抄出大外欄衝刺, 到二百米處仍然落後七八個馬位, 但最後只負頭馬二又二分一馬位, 造出23.7既末段, 表現令人驚訝, 今次排四檔更不用留得咁後, 更能採取主動守六七位, 以佢今季能在沙田贏「歡歡喜喜」既表現計, 當然有一爭之力, 而賠率必比「京城之光」好分, 122磅OK, 作膽似乎更穩健。其他馬分面, 「騰達」前仗表現出色, 「歡歡喜喜」夠準, 十一檔也可跟前拍住「京城之光」走二壘, 是正路配腳。
投注策略
「香港夢」「京城之光」對碰Ｗ
「香港夢」「京城之光」單棍Ｑ及ＱP
以上每注五十作基金投注。
