引用:
原帖由 dark_sink0913 於 2009-5-13 12:16 PM 發表 
真正沉船既ching無一冇想同隻船結婚既衝動~而最後有冇結又係另一回事~
我估我可以俾到妳d建議~其實到底妳係妳口中果個囡囡~定係妳男友外面另外搵囡囡而拋棄妳呢?
以下是我的 Case:
我男朋友而家同一個大陸邪骨女拍緊拖,而且仲沉迷得好厲害,又包佢一半房租,而家仲要同我男友講話做到月中就唔做桑拿個份工轉行喎! 我從男友口中得知果條女好識氹佢,又體貼同開朗,完全對佢好似男朋友咁,直情講埋遲D見她的父母!
同佢一齊五年都不及他跟那個邪骨妹幾個月,我婚紗相都同佢影埋,原本諗住結婚,但一場金融風暴令我負債幾十萬,婚事變了沒了期! 唉! 點解尼兩年咁黑仔,首先就欠父母一筆債,然後佢又識左第二個,而家可以話錢又冇,人又冇!
我試過哭着打電話給她叫她放手,但那時我男友更惱我,之後更加速他們的發展(個日佢sent訊息比我男友扮晒同佢分手咁,之後我BF為了氹返佢,買了同我個隻一模一樣的情侶介指送比佢(之前佢未知道我存在時,我睇佢訊息知道果條女話想要一隻同佢手上一模一樣的介指),我真係唔明D男人點解可以將一樣屬於他和前女友的物品,又可以買過同一樣的送給第二個女仔?
之後佢就同返我男友一齊,仲話她是佢想要的人,同她一齊冇煩惱,我而家好矛盾,知道係要放手,但仲係好鍾意佢,唔捨得佢啊~
5月10日那天他上左去果條女屋企,本來諗住佢今日應該返緊工,於是今日下午打去揾佢,點知佢熄左機,我都知佢應該仲系上面ga 啦! 冇幾耐我又繼續再打,終於打通但冇聽到電話,後來又熄埋機,個刻我真係好種衝動想打去比果條女問佢我男友而家係咪同佢一齊,等條女又懷疑我男友而家仲同我一麼齊緊,但後來我冇咁做到,因我驚佢仲更加惱我,同埋之前我BF叫我唔好再搞佢,亦都諗過最終會得不償失的後果,所以就冇打去~
終於今晚我男友落返黎時,我又打比佢,佢話果條女病左,所以今日請假陪佢,之後佢更講左樣令我好絕望ge野,就係佢話諗佢同果條女結婚(暫定出年),今個月去撲二十萬首期返上去買樓,到層樓搞好晒就同佢結婚,佢亦到坦白地同果條女講左佢係HK欠銀行幾十萬要五年先還得清,但果條女冇嫌佢,仲話問佢阿媽借幾萬蚊尼買樓,當然佢阿媽梗係應承la,因佢阿媽想佢快D嫁~
唉! 我同我BF幾年佢都冇咁積極結婚,而家識左人幾個月就咁積極,因佢話我之前因投資失利而冇左我父母幾十萬,而家又要還債比佢地,所以搞到而家結唔到婚,
之前佢想組織一個家點至被我尼件事突然破壞左wow~而家佢同果條女想組織一個家,叫我唔好再搞事,破壞佢地wow~(因之前我打比果條女話佢比佢話我既存在)
果條女亦好識講野,佢就同返我男友一齊之後,sent SMS比我男友話"有什麼理由要離開你!",如果你地男仔/男人聽完係咪會好冧?
我男友重話同佢結婚件事就會解决啦喎~ 佢話起碼唔駛煩感情事先,唔駛擔心我又打比果條女破壞佢地,即係暗示唯有同她結婚我先對佢死心~
[
本帖最後由 unhappygirl123 於 2009-5-13 10:57 PM 編輯 ]
