第四十一章．諜對諜
同Newton玩完3P嘅第二日早上，Audree同助理好似平時咁上下時間返到公司，喺大堂又見到Joan等緊升降機，而Joan一見到佢地行埋黎，又好似上次一樣，微微彎身:「Audree，早晨。」
Audree望一望Joan:「你係...」Joan有啲失望:「我係Justin新請嘅行政助理，叫Joan，已經返左幾日工。」Audree望一望佢助理，助理就提示:「Justin同佢之前上過黎你office。」Audree諗左一下，先記返前兩日Newton上黎嘅事，嗯左一聲之後對Joan講:「畀心機做，你一定有發展嘅機會。」
Joan正想講一啲道謝說話嘅時候，Audree同佢助理已經行入高層專用升降機，Joan望住往上升嘅升降機，心中決定:「終有一日我都要搭呢架電梯，而且重要你記得我。」隱隱然萌生起要取代Audree個助理嘅野心。
原來佢第一日返工就遇到過Audree，估計Audree每日一定係差不多呢時間返公司，於是決定每一日都係呢個時候返工，希望日日都可以見到Audree，等佢對自己有印象，更希望有一日可以得到佢賞識。
「Justin真係唔怕麻煩。」Audree嘅助理喺升降機裡面話:「啲助理換完又換。」
「男人要玩想玩嘅女人，又或者唔想再玩已經玩厭左嘅女人。」Audree解釋:「又點會怕麻煩換來換去。」
「所以男人都係賤。」Audree嘅助理有啲忿然話:「完全信唔過。」
「女人把口成日都係噉講。」Audree忽然一笑話:「到最後又係畀男人呃。」佢個助理有啲奇怪，點解Audree講起畀男人呃嘅時候會笑，原來Audree咁啱諗起第一次畀Newton搞嘅情景。
「所以我情願一直單身。」Audree嘅助理無奈話:「都唔想畀男人呃。」
個助理叫May，因為辦事能力高而被Audree賞識，年紀已經差不多三十到尾，樣貌平庸而且身材一般，即使Audree要玩Les，都唔會考慮佢，佢亦有自知之明，所以只要有男人想追佢，佢都一定認為對方只係為左佢啲錢加以拒絕。
Joan返到office，沖好杯咖啡之後開始處理Justin交落黎嘅文件，一直做到十點幾先見到Justin返黎，Joan同佢打個招呼:「早晨，Justin。」Justin回應:「早晨，啲文件攪掂未?」Joan話:「差少少就可以畀你睇。」Justin又話:「唔使啦，你直接拎上去畀Audree。」轉頭行入房。
Joan心中高興，好快噉處理埋少少手尾，再重新檢查一次啲文件就上去Audree個office，去到Audree個office門口見到May，佢好恭敬叫一聲:「May姐。」May只係淡淡回應:「咩事?」Joan話:「Justin叫我攞啲文件上黎畀Audree睇。」遞啲文件夾畀May。
May接過啲文件夾:「你坐喺嗰度等一陣。」Joan就喺May個位對面嘅一張梳化坐低，May推門入Audree個office，Joan望住May張椅:「我遲早都要坐呢個位。」呢個時候May部手機響左一下，表示有訊息傳過黎。
Joan一時好奇，靜靜地行埋去May個位睇佢部手機，見到個訊息內容係:某某集團嘅工程已經開始，一切順利，Joan心諗:「點解外判商會向May報告工程進度嘅?」呢個時間佢聽到May行緊返出黎，好快噉坐返落梳化，攞起本雜誌扮睇。
May拉開度門出返黎，好嚴肅問Joan:「邊個叫你睇雜誌架?」Joan即刻放抵本雜誌:「sorry呀，May姐，以後唔會。」May又淡淡話:「Audree叫你入去見佢。」Joan又話:「唔該晒May姐。」
Audree等Joan行到佢要枱前面:「啲文件係你自己處理架?」Joan答:「係呀，知道你今日之內要睇，所以早啲返公司處理好佢。」Audree點點頭話:「嗯，都處理得唔錯，資料都好充足，有晒工程進度表。」Joan微笑:「多謝，Audree。」Audree再話:「今日喺咁多先，你可以返落去嘞。」
May其實喺出面偷聽，當聽到Audree讚Joan嘅時候，有啲唔忿氣，心想:「你憑咩咁快得到Audree嘅讚賞，以後我就要玩死你。」到聽見Audree話Joan可以走嘅時候，即時坐返正扮做嘢。
Joan攞住啲文件，一臉笑容拉開門行返出黎:「May姐，我落返去先啦。」其實心中已經決定要暗中追查嗰個訊息，而May望都唔望Joan一眼，只係嗯左一聲，心諗:「睇下你幾時衰係我手上。」
[
本帖最後由 netsee 於 2017-9-18 04:25 AM 編輯 ]
