一開始T 先生俾我個感覺好攪笑,唔係因為佢成日講笑,而係佢講野把聲有啲低啞,有時講講下野又會清下喉嚨,又試過聽佢講野食左隻字後停左兩三秒講但係把聲又好似清亮左。或者應該係覺得可愛多過講笑,不過我聽好多男性朋友講話唔鐘意俾人講可愛?
但呢個係真實感覺
而且,對於我黎講,覺得一個人可愛係因為有種sweet 開心既感覺
因為呢種感覺,加左分。同埋佢個種低啞既聲音,會覺得似係係你耳邊細語,感覺其實幾sexy
雖然係咁,但都無諗過有咩再進一步既諗法。直至到有一晚......
其實好多時好多事都係講timing, 啱既時間做啱既事可以一擊即中。
個日心情真係非一般,身邊既人事物好似同自己作對咁,不停提醒你一啲唔想提既事,個感覺直到夜晚都係度。而咁啱,T 先生竟然問我去唔去佢屋企,時間已經係零晨兩點幾,望住個鐘,其實我知自己應該好耐都唔會訓得著,但係呢個時間去人屋企?撇除要同屋企人交代之外,亦知道代表咩,雖然... 唔一定發生。
心入面十五十六,T 先生補多句“唔答,即係想啦”,係丫,事實,但真係又想又唔想... 咁既情景,諗返起自己玩得有啲墮落既個一期,每次訓唔到,都會突然零晨兩三點去左人地度訓,希望有個人攬下錫下,渡過一個訓唔到既漫漫長夜... 呢刻一樣,好想有個人陪下自己,但係矛盾既係,真心只係想有個陪伴,唔想發生其他事,不過又覺得可能性極微... 因為聽過太多次,亦見識過...
可能誇張左,不過耳邊就好似天使惡魔交戰緊...愈諗得多,愈煩,愈十五十六,把心一橫,“好”,就應承左T 先生,因為真係想有一個人陪自己,與其話佢叫我過去陪佢,其實可能係我更加想佢陪我。曾經聽過有人討論,話女仔要小心啲,唔好蝕底俾啲男人,講到好似強迫,非自願性... 但更多既時候,我覺得反而係各取所需吧?
的士好快將我送到去T 先生度,180幾高既T 先生,著住causal wear 等我,其實幾warm, 就好似返到屋企有人接咁。落左車之後,跟住佢行到佢屋企,開門,入去,經過走廊,去到佢間房,陌生既地方,黑漆漆既房間,透過窗邊少少光,見到佢張床,我坐低左,放低啲野,佢訓低左,伸開手臂,示意我埃埋去訓...
180幾高既佢加上我160幾高,訓埋去,佢個人就好似包圍晒我咁,好有安全感,原本有少少繃緊既神經係呢個咁暗,望唔清楚對方既環境,我既心情開始放鬆,享受呢個溫暖既懷抱......
*續
由第一次影相開始,我就偏向鐘意影埋個咀,因為望上去感覺更加sexy。由於一路覺得相入面既唔似自己,所以...就連自己望到都覺得...