6月24日 賽前老點你
今次賽次冇上次咁好玩,好彩都仲有小小心水可以提供,但記住,季尾啦,玩下好啦.
第1場 新馬,冇心水,熱門又唔想提供,要玩就玩一隻冷P, 2再來旺財,玩下好啦,冇信心,搏搏下.
第2場 5班垃圾馬,心水就4隻,2好真意,3凱旋煌,4金寶駿,7霸王天下.先講2好真意,呢隻係今場唯一5班今季嬴過2次既馬,雖然嬴既係泥地,但冇理由草地唔識跑,同馬房仲有一隻7霸王天下,咁岩2隻都係由楊啟棠換上大師傅,好難估邊隻主力,要玩就一定要2隻都玩,唔係買錯隔離就激屎.3凱旋煌8歲老馬,今季都叫做嬴過一場同樣路程,8歲都好難保留,點知下季仲跑唔跑到.4金寶駿就搏2樣野,1,係由嚴顯強 換上柏寶,2係加左配備,質新馬有小小轉變可以有好大變身能力,但信心就講唔上,4隻馬大家自己諗,我就覺得可以唔玩呢場,分分鐘4隻唔見哂都仲得.. :095:
第3場 呢場太多跑得小既馬,好難估會跑成點,睇唔通,爛玩既話玩下12滿高W/P,起碼見過佢識嬴先.
第4場 7隻馬賽事,我睇就好簡單,1名店之星,2幸運輪,3山東名將呢3隻馬玩哂,原因係3隻都係插左班兼有表現既馬,其餘4隻未插班新馬次次都係晨操姿態跑完場馬,除非質素超高,如果唔係都幾難過1,2,3呢3隻馬,3隻之中我最喜歡3山東名將(因為中過佢呀嘛 :122: ),而且上場插班初對舊馬,都跑得非常好,如果唔係排檔唔好,可能上場已經嬴左囉.
第5場 又係垃圾馬對戰,勉強要玩就玩5圍彩百勝,早2場如果唔係排大外檔,我睇佢個場已經嬴得,再出2場冇影當佢回氣啦,呢組馬又係冇隻叻.5圍彩百勝轉左馬房又未交代,玩小小W/P啦,信心唔大.
第6場 5超理想有睇開我POST既朋友都知道我有跟開呢隻馬,呢隻馬在4班幾時都有小小著數,上場撞岩步速唔利,番黎先輸小小,今場又有機,主要係睇佢臨場點發揮.除左5超理想之外,呢場我有另一隻心水,12智勇非凡,揀佢原因都幾多,但我唔詳細解釋,簡單D黎講我覺得隻馬已試好,隨時出擊,唔敢話佢大超班,但我睇呢隻馬同5超理想有得鍊.
第7場 呢場只喜歡1隻 5印度之寶,呢隻我唔講大家睇賽績都知佢係機會馬,蔡房D馬搏唔嬴既就追啦,而且應該係跑一場好一場既馬,季尾出黎都應該係搏得就搏既心態.
第8場 除左3綠色駿威,我揀唔到第2隻,如果呢隻都嬴唔到既話,呢場乜馬都可以嬴囉..
第9場 我睇全日可能呢場最亂,又計唔到步速,又計唔到D馬既走位,如果爛玩就玩一隻冷門小小W/P,就係3茂年精英,原因唔講啦,因為係靠估.. :030:
第10場 呢場話就話一班賽事,但有好多2,3班馬一齊跑,亂到嘔:020: ,我只喜歡一隻馬,4力奇福星以一班身份在呢場賽事只負118磅,著數到嘔:020: ,唔買佢我都冇其他心水囉.
第11場 12威利來上次點嬴馬大家有眼睇,但個場係4班賽,而且冇步速先比佢在前面慢慢放,雖然嬴到冇馬跑,姿態極輕鬆,而且馬一定係好馬,但去到最後一場臨場咩形勢真係估唔到,太熱既話我寧願玩第2隻.2常歡笑,8步步勝,9果然好,14過關博士呢4隻我都覺得有機,最喜歡都係8步步勝多小小,上場嬴得靚之餘,仲係在3班嬴,面對今場12威利來,剩係講適應3班步速佢都著數過12威利來,加埋磅位又差唔多,有得鍊.
[ 本帖最後由 aanunes 於 2007-6-23 04:58 PM 編輯 ]