forssell427

引用:

原帖由 123man123 於 2007-9-17 01:14 AM 發表
如果唔係今日我男朋友講我知呢到有個幾好睇既story我都唔會入情色討論
我睇到17咋..不過好想追落去..但係聽日要番學..睇唔到啦

相中人好靚..我覺得佢係sara..
(cindy同sara相比..我中意sara多d)(暫時黎講. ...

多謝你，又多個新讀者。希望你唔介意我post左係情色板

nsr314

等緊你AR樓主

加油AR:smile_40:

胡迪巴斯

仲長編

123umb

嘩....我等左咁耐終於都等到妳呢篇野啦:smile_40:
一D都唔悶...仲好好睇添.
愛情唔係野野都講性既.
樓主妳寫得好精彩呀~
支持支持~:smile_38: :smile_38:

forssell427

係cindy同我講要去醫病之前，我一直都好似貼身膏藥甘痴住cindy，有時同sara拍拖都好似三人行甘，雖然sara表面上好似無咩意見，但我知佢心入面點都唔係甘鐘意。但我地都就呢個問題傾過，佢明白我甘做既目的，不過佢就話我關心佢家姐多過關心佢。唉......點解要呷d甘既醋呢，真無謂。我心入面鐘意你緊張你就得拉(雖然心入面仲有第二個人~~)不過今日出奇地我地無在三人行拉。因為sara去左咩交流營，3日2夜果隻。於是放左工我就同cindy去左食飯。果日亦都係cindy係公司既last day。我同佢食完飯，佢話唔想返去住，於是我地睇左場戲拉。睇完戲都成11點幾，佢都仲話唔想返去，橫惦又唔使返工，甘我就同佢周圍行下。行行下，行到去海旁，一個充滿回憶既地方。呢到sandy，sara同cindy都有好深刻回憶既地方(因為係呢到追sara既)。行到呢到我同cindy講
「記唔記得呢到，你係呢到曾經好大力甘打過我。」
「乜你甘記仇架，不過當時你抵打架。」
「我知，不過果陣除左你，我諗無其他人可以打醒我。」
「你都知呢，知我重要呢，哈哈。」
「你不嬲都對我好重要架拉，係你唔認同姐。」
「喂喂喂，又講果d野。」
「我講事實姐，如果當初識唔到你，我都唔知今日既我會係點。因為你我改變左好多，因為你我識到sara，因為你我知道比人關心原來甘幸福架。」
「嘩~~~家下雖然好熱，但都唔使講埋d甘肉麻既野呀，我唔係sara，我听到唔會好冧架喎。」
「點解你有事，一直都唔話我知呀。」
「我唔想你擔心囉，而且我識你之前已經知道自己有呢個病。又唔係然之間有既。我知道你得悉我有呢個病，你會好義無反顧甘照顧我。再加上你同sara一齊之後我更加唔想講。」
「你驚我會同sara分手呀?」
「會因為你既行為攪到你地分手。你知你架拉又衝動又唔諗後果。我唔想因為甘我地連朋友都無得做。」
「原來你都會唔捨得我既。」
「你當我冷血架咩。識左你甘耐。」
「我真係好想時間停留係我岩岩識你果陣。」
「你個咸濕仔呀。」
「唔係呀，我唔係甘既意思呀。只係果陣我同你個關係好奇妙。我唔知點講，覺得果陣無甘多煩惱。我有一事，你第一個會出黎幫我。」
「甘如果有一日我唔係到，甘你點呀。」
「喂，你唔好亂講野好無呀。你唔會有事架，我一定唔會比你有事。唔該你唔好再甘講。」
cindy無出到聲，企左係到。
「其實如果果日唔係撞到你，我諗我真係會自殺。我都估唔到會比一個小朋友救左自己一命。所以不知不覺間甘好關心你，仲不自不覺，............仲同你識到家下。我都好意外。呢個月我知你好照顧我，其實已經夠架拉，我真係無諗過我身邊會有同自己無親無故既人甘關心自己。」
「喂，你又做咩講到甘感性呀。」
呢個時候，有一對侶行係我同cindy中間，我好自然甘拖住cindy拉過黎我呢邊。最憎d情侶已經攬到連體嬰甘架拉，仲要目中無，真過份。當對情侶走過之後，我無放開cindy隻手。而cindy都無fing開我隻手，我地一直拖住甘行。
「其實我甘多次同你講我鐘意你，你有無心動過架。」
「喂，唔好成機拖住我，你又同我講埋d甘既野呀。」
「你答我拉。」
「你自己諗下拉，女仔心意你感覺唔到架咩。」
「如果真係同你一齊，唔知會點呢。我以前成日諗架，會諗諗下係到傻笑。」
「傻仔，甘今晚比你感受下囉~~~」
哦?點係點呀，cindy竟然甘講既~~~~~不過我唔理拉。識左cindy甘耐，都係第一次拖住佢。果種感覺好奇妙，好難形容。如果時間停止就好拉。
「輝，記得應承我，你要幫我好好甘照顧sara。你記得呀。」
「呢個我一定會做到，但你都答應我，你都要應承比我照顧你一身一世。除非你嫁左人，同我講我地已經係好普通好普通既朋友。」
cindy听到，好感觸甘望住我。其實我講呢句說話係無陰謀架。只係心底既說話，無諗過話係男女朋友呀，什至係夫妻關係果隻。cindy眼定定甘望住我。我無理到我地身邊既人，之後就kiss左cindy到。cindy都無推開我，果刻個世界好似只有我地2個人甘。如果時間停止就好拉。.............續

DEVIL@CHING

+油+油....支持:smile_40:

123umb

仲有無呀~~樓主
快D出埋個POST佢啦~:smile_38: :smile_38:

forssell427

引用:

原帖由 123umb 於 2007-9-17 01:53 AM 發表
仲有無呀~~樓主
快D出埋個POST佢啦~:smile_38: :smile_38:

下一集如無意外係大結局拉，邊有甘快有得睇呀~~~