等待驗證會員
|
2464#
大 中
小
簡
繁
發表於 2007-6-18 只看該作者
6月17日 賽後老點你 + 賭馬心得
6月17日賽事在算係正常場地下競逐,有1隻馬我想講下,就係 冠先鋒 ,呢隻馬雖然今場跑第2,但表現另我再一次睇清楚呢隻馬原來真係好犀利,沿途在不利環境下,又要左穿右插追上黎仲要係追左好長路程,仲要愈追愈近,番黎輸唔夠一個馬位比頭馬,我自己覺得佢輸既原因主要係路程,如我冇睇錯呢隻馬應該係1800以上仲好,我自己保守估計佢下季可以升到上1班,當然馬房點部署我就唔g,但佢今日既表現已經令我留下好深刻印象,就算今場跑多次,我都仍然認為佢一定嬴到今場頭馬 更奇妙 .
馬後炮就講完,講下呢2日大家討論緊既賭馬心態.
首先我要在這裡多謝支持我既巴打,更要多謝相信我心水既網友,但請記住唔係我貼士叻,而係你地有運.就以6月17日賽事為例,除左第1場我冇出心水之外,其餘10場賽事,我自問就交足功課,除左第4場,第8場,第9場我估錯之外,我基本上成績真係唔錯(我並唔係想在這裡吹捧自己叻),好多人會覺得我應該嬴錢,仲可能嬴好多添,但我可以話比大家g,唔係嬴好多(實數唔講啦,因為唔係我想講既重點),點解我嬴得唔多呢,照計我自己出既心水應該係好有信心,仲應該愈中愈多架.主要原因係我經歷過太多先勝後負,先小勝後大負,甚至先大勝後狂負(俗d講係輸怕左).而且我知道自己唔係神仙,我出既心水唔會10場中10場,有時甚至10場可能只中1場半場,又要知道賭馬最主要係靠運氣(奇實唔單止賭馬,賭其他野都一樣),就算賽前做幾多功課,落幾多功夫,只能令到我選馬有範圍,減少買一d冇實力既馬,減少要求運氣既成數,但唔代表實中.我試過一場賽事計到一隻馬冇得輸,仲要有成1x倍win,個次我買得好大,而我之前既過關都係過落佢到,而呢隻馬入到直路仲帶離6,7個馬位,當時我心想真係收小個崩都唔制,結果,佢過唔到終點,因為最後百幾米斷腳.已前講馬既前輩(驃叔)講過,賭錢真係唔可以孤注一擲,呢句說話係真架,我比你一次扑中又點,你好自然就會有第2次第3次,老實講,梗有一次出事.
就以c9仔(amy)為例,佢之前同我一齊賭馬,次次都係希望嬴到一百幾十佢已經好滿意,但昨天點解佢突然會有咁大改變,愈玩愈大呢,主要係人既(貪)念作怪,呢樣野人人都會有,講真,唔貪就唔會賭啦.而佢昨天有2場賽事,好幸運地中左2條大冷QP,我已前都經歷過,比自己預算突然嬴多左好多,個心就一定雄,會同自己講,今日我有運,應該會再嬴多d,跟著落去就因為有本錢,就會愈玩愈大,但當有一場輸左,個心就會好唔舒服,明明嬴開架嘛,要輸番d出去,就好唔忿氣,一動氣就會失去理智,咁就出事,跟著就會愈玩愈多花樣,又3重彩又孖寶又過關,總之有本錢就大包圍咁滯,結果倒頭來跑完馬,唔係得番個吉,係連個吉都冇埋,好多時先勝後大負就係咁樣.
要知道賭錢要嬴已經唔易,就算有得中,派彩多小我地都控制唔到.而且賭錢唔單止係同莊賭,又要賭我地有冇運氣,仲要同我地自己既心理賭,定力一唔夠或心水唔清,甚至貪念一起,就好多時由嬴變輸,我見唔小人,事前賭錢梗係話今次要點要點,唔可以學上次咁冇規律,應該點部署,點樣臨場控制自己,那樣各樣,但最後當佢輸得1,2場,就乜律都唔見哂.
所以我奉勸各位馬迷網友,賭乜都好,用平常心去玩,平均注碼,遇到有心水,都係買多小小好啦,仲要唔好被(嬴)或(輸)控制到自己既心情,而賭馬係長期戰鬥,今日唔得仲有好多過下次,除非我屎左啦,唔係都有排同佢鍊,又何必急於一時呢.
[ 本帖最後由 aanunes 於 2007-6-19 02:24 PM 編輯 ]
|