dragonbone

大家新年快樂啊~~~~

conradt

引用:

原帖由 dragonbone 於 2016-2-8 01:25 AM 發表
大家新年快樂啊~~~~

各位師兄師姐新年快樂，猴年進步

Katrinacat

祝大家猴年生生猛猛！

hongkongboy2046

引用:

原帖由 dragonbone 於 2016-2-8 01:25 AM 發表
大家新年快樂啊~~~~

祝大家身體健康，事事順心。

Katrinacat

引用:

原帖由 degree06 於 2016-2-7 11:27 PM 發表
cat姐講得啱，愛並不是忍住淚去遷就對方，而是各有各的生活空間。

其實兩個人相處得太緊，會感到壓迫感，有時分開一些距離，再行近的時候，會感到新鮮和舒服。

夫妻之間，既需要兩個人相處，亦需要有自己 ...

如果果段關係為咗愛去遷就對方，最後結果係唔開心、迷失方向，有乜為呢？

兩人相處，如果能夠接愛埋對方優點加缺點，真情流露，就係最舒服

hongkongboy2046

引用:

原帖由 Katrinacat 於 2016-2-8 01:46 AM 發表
如果果段關係為咗愛去遷就對方，最後結果係唔開心、迷失方向，有乜為呢？

兩人相處，如果能夠接愛埋對方優點加缺點，真情流露，就係最舒服
http://n2.hk/d/images/r10/mobile.jpg

兩人相處，有千百種方式。活得舒服，對能夠長久相處很重要。

希望大家新一年活得開心，舒服。

dragonbone

引用:

原帖由 Katrinacat 於 2016-2-8 01:46 AM 發表


如果果段關係為咗愛去遷就對方，最後結果係唔開心、迷失方向，有乜為呢？

兩人相處，如果能夠接愛埋對方優點加缺點，真情流露，就係最舒服

放心放心,遷就既字眼又有點不是自己本身意願而為,咁當然唔太好啦,HAHA.....
ANYWAY,祝大家同另一半開開心心,未有既而想有既快D有,享受單身既亦一樣開心,總言之係開心快樂啦.

dragonbone

見今日大年初一,係一個新開始呢,係呢度都回應埋之前師妹既要求啦~~~~


看完後，我有在想…….我們倆這算是愛情嗎?就算是，應該也是一段沒有開始就結束的愛情。我在給自己這樣的一個答案。

而人生沒有因為誰離開又或失去了什麼而停下來，我依舊要準備新的學期，而那年，我升上中三，開始新的一頁了。

*第16段，最後一回，有緣再會 *

***********************

後記﹕
小李----他依舊在追阿JUNE，可惜到畢業那天還未成功。最開心是他常在我和阿強面前炫耀他和阿JUNE的合照。 ( 但佢唔知，我同阿強不知幾多同阿JUNE既合照，仲要係單獨添啦。 )
老師甲----一個出場不多的人，但原來佢同MS LI同房，知好多野，至少知MS LI手上的手繩，是我送的。所以她常以沒好氣的角色對我說: 俾心機啦，唔好嘥左人家一番心血。 ( 放心老師甲，我會的，其他我不聽妳但呢個我會，真係會……….. )
JUNE----她依舊是班中NO.1，大部份男生的女神。但自從我和她表白成為朋友後，佢對我反而粗魯左好多，會郁手郁腳，為什麼眾人女神都變左格鬥家架，我唔明，但好彩每次打完佢都唔夠我跑得快。( 無錯，果時既低能行為之一就係打完對方就走，走唔切俾人打又會去追返對方打，周而復始，有夠低能，但好玩喎，尤其對方唔夠自已跑同埋係眾人女神既阿JUNE時，哈哈。大家試過未? )
YEN----JUNE的好朋友，其實佢係好架，至少為我喊過，哈哈，她依舊是我們成班人必定存在的一份子。( 唔係認叻，後來我知點解佢會成日出現係我地成班人中，原來佢暗戀我，但太暗了，我係好後期先知......... )
阿強----我的好朋友，自從MS LI事件後，佢教識我應該點同女仔相處，佢教左我好鬼多野，有用無用都好，其實讀書生涯，都真係要識返一個半個賤人先夠過癮。幸好呢條友仔，對我始終係真心既FDS。
Jon----一個出場唔多既人( 係我踢波時出現果位呢 )，但點都要提一提佢，因為我誤會左佢鐘意suki，但後黎發現原來呢條友鐘意男人既，我頂……當堂好驚添。因為其實佢好高大架，但suki講佢鐘意男人man，咁佢應該係果方面既屬性係乸黎，聽完………….仲驚。好彩當日足球比賽輸左，你知啦，贏左，要對佢果隊，我守籠，佢撲埋黎點算??擋波定擋人好?? 哈哈………其實講下遮~~~~
Suki----一個可能大家都好關心既人，事實佢堅係一個好女仔，可惜同佢個感覺始終去唔到果個位，感情唔係人鐘意你你就要受，如果而家講返，應該可以係形容為，友達之上，戀人未滿。因為我同佢，最終都無係埋一齊。但我知，佢其實一直都係有人追既。情況就係有人追佢，而我同佢，黎緊既中學生涯都係一齊，但只係朋友，唔係情人。
MS LI----我想大家最關心既人了吧，佢係我生命中係特別的，我第一次有老師對自己咁好咁關心，果時既我，只知對佢感覺好微妙，唔知果種算愛情未呢?其實我有幫人追女仔的，但我自己唔會，因為..........我怕煩。但MS LI唔會，佢比我仲爽、仲灑脫。而家諗返，佢對我影響幾深，令我知道自己原來鐘意咩野類型既女仔。對佢，我會有好唔捨得好掛住既感覺，但我性格係唔會同人講亦唔似而家可以網上分享同聽意見，如果有，其實劇情發展可能好唔同了。到最後......我記得我仲係外國讀書時，有一次回港其間，約左同成班舊同學係學校開放日見面聚會，當時我已有女朋友，係傾談間班主任出現，我係好開心既，因為她只是老了，精神好好。

我: 老師您好!!
班主任: 無見幾多年啊?真係大個仔左喎。 [ 班主任係我少數由衷尊重既老師。 ]
我: 哈哈，梗係啦，點止，仲靚仔左添架。 [ 我們在笑，跟住班主任忽然一個醒起什麼的樣子，再向我說。 ]
班主任: ai，MS LI返左黎教。 [ 我聽後征一征，我女朋友都聽到。她是知道我某部份的過去，所以她當然知道MS LI的事。 ]
我: 哦，係?真係好耐無見............ [ 太突然，就是現在的我都一時有點反應不來。 ]
班主任: 係好耐好耐啊，強都間唔中返黎探下我，你就咁耐先黎一次。MS LI返左黎2年，佢嫁左人添喇，而家係教員室。你見唔見佢?
GF: 要去見下佢嘛?你地好耐無見了............. [ 女朋友的提議，我是有考慮的。此時阿強從外邊叫喊過來。 ]
強: 喂，成班人一齊落樓下餐廳食果個搵笨午餐啊，快D黎啦。 [ 我們少時飯堂，出名汁多肉少，難得未執，當然值得回味。 ]
我: 都係下次才見吧，總有機會的。 [ 我對我女朋友在說著後，跟著就拖住她，和班主任一起走去阿強方向、離開學校了。 ]

我到最後都無見過MS LI，我不知是因為怕見後會是什麼心情，但她嫁了人，我亦有了女朋友。感覺上好像大家都有了選擇。當然，你說見面好簡單，朋友都會啦，係，朋友都會。但果時既我，選擇左..............有緣再會。

這是真人真事，我的故事，放心，故事中九成是真的，什麼是假?不用說了吧…..猜都猜到啦。
今次係我少數寫咁多的，但寫時我係enjoy的，所以不自覺寫多了，有點不好意思是沒有咸野，連講身材、什麼36c都沒有，為什麼?我中二喳，你估佢地可以有幾好身材先。(其實有架，MS LI好好，suki佢地F3,4,5都好鬼fit同正，但那是以後的事，我就唔想加調味料了。

希望大家唔會覺太悶啦，我亦鐘意呢度無咩人到,haha.............如果大家有興趣既，又或有時間，再同大家分享我其他既往事，有緣再會。

另外補充，唔知大家有無發覺，MS LI我係會keep住用大寫呢?其實佢係我心目中係有別於其他人的，所以她是在本篇中我唯一用大寫黎表達佢既人，一個特別的人。

************************************THANK YOU****************************************

D989@DAIMLER

回到家中

D989@DAIMLER

支持一下