引用:
原帖由 dragonbone 於 2017-3-24 02:24 PM 發表 
跑步除左熱身跑,我都會爆下自己既,因為我果度係斜路,我跑1KM上去,真係感覺心跳都幾急同抖晒大氣.但之後順左再跑時就無呢個現象.
相反尋日打波,可能真係起跳,前衝果D爆得緊要,一時間先出現呢種情況,最正係一食左 ...
回應返Dragon兄同coco師姐既問答。
我地做運動，肌肉會燃燒一D「燃料」提取能量。
我所謂既「燃料」主要分3類。分別係血入面既血糖，儲存係肝入面既醣，同埋脂肪。
血糖既好處係燃燒得快，但如果水平大高或太低會影響血液既濃度，導致頭暈得徵狀。
肝醣係由血糖既成份組成。儲存作後備。但需時分解提取能量。殿粉質就係例子，好似如果我地將啖飯含係口一陣會有甜味，口水既酶會將飯入面既殿粉質分解為有甜味既單糖。
而脂肪同肝醣差唔多。係大大後備，分解需要更耐時間。
當劇烈運動時，有機會血糖迅速燃燒，但肝醣仲未分解得切，會造成血糖過低頭暈。
當劇烈情度減低，身體便有空間直接分解醣甚至脂肪提取能量。所以話慢跑對燒脂既效能係最高。
如果血糖過低，適宜食返d含單糖或雙糖既食物或飲品。例如有萄葡糖既得力素，萄葡適，或者有果糖既食物例如香蕉或其他生果。簡單來講，有甜味就得。有幫助迅速補充血糖。又或者抖一陣，等肝醣分解。
至於運動劇唔劇烈，可以從心率反映。但主因係關肌肉燃燒咩燃料事。
