叫人換好床單，盡量咁還原日頭既環境之後
我都太攰咁訓著左
係訓到蒙蒙濃濃既時候，聽到門鐘響
門鐘響完之後就到電話響
原來s小姐係我房門口
我就拿拿聲去開門俾佢入黎
s：你可唔可以穿番條褲先？
我當堂醒晒，原來我著住條孖煙通，上身打大赤䠴（好在條野好安份）
我著好左之後又去開門
佢入到黎之後
s：乾淨過今朝喎
我：我有叫housekeeping 入黎
s：咁d垃圾又唔倒既？
我：（pk！原來今日早餐＋午餐d盒盒袋袋）係喎！？
我立刻攞起個電話叫人收埋走（果陣時已經成8點）
s：你都幾大食喎？咁多外賣
我：我醒左500台幣叫酒店d人幫我買，叫佢地樣樣執d番黎，點知買左咁多
s：哦…！我買左粥俾你阿！你見點阿？有冇好d？
我：唔該晒！有食藥，好返好多啦！
s：唔怪得之啦！咁你尋日去左邊到玩？
我：我邊有阿！！老細未返阿？你唔洗同佢出去？
s：你唔好扯開話題！！我地食完飯，老細同佢地去左唱k，佢叫我返黎買野俾你食，睇下你死得未
我：多謝關心！
s：快d講！唔係話俾老細知你尋日出去浦，今日又帶女人返房！！！
我：咩丫！！！？拿！野可以亂食，說話唔可以亂講，雖然你係我女朋友（＝ ＝各位冇睇錯）
s：咁你快d講！！
我：你用咩身分黎問我先？
s：both！！
我：秘書小姐！！我有醫生紙架，我病假緊，我私人時間黎唔關你事
我：阿女朋友，個醫院咁多人，要排隊架！！你入急症都要排起碼3－4個鐘啦
s：點解成間房都係女人香水味？
我：我點知阿？我都聞唔到，可能d housekeeping有噴過野
s：（攞起個電話）請問你們收房間時，會用空氣清新濟嗎？
s：好…好…麻煩你了
s：咁你快d食野啦
我：我唔食啦，你食埋佢我冇胃口，我訓覺
s：你豬黎架，你訓左成日啦
我：病人咁就梗係訓覺啦，唔通去飲酒咩
跟住我就冇理s大覺訓，跟住佢都訓埋上黎
佢唔知幾點就走左。
第二日就如常返工，同q小姐whatspp，
但之後果2日都冇再見佢。
check out果陣，我行出房果陣
突然有個清潔姐姐行埋後講
姐姐：先生，這幾天幫你噴的空氣清新濟可以嗎？聞得習慣吧？
我：非常好！這幾天謝謝你了（我就俾左500台幣佢）
返到香港之後繼續有同q小姐keep contact
待續……
下part後門之譋教
[ 本帖最後由 天天天明 於 2012-10-30 10:26 AM 編輯 ]
