分離
第二日，我返到屋企，除左比阿媽大鬧左我一餐之外，仲話cindy琴晚打過好多次電話黎搵我。我本來都想打返個電話同佢say sorry。但最後都係無甘既勇氣。無耐我收到sandy比我既信息
「其實我知你有女朋友架，你唔使呃我，不過我係認真架，琴晚既事我都無怪你，因為我對你真係有feel。如果你想同我一齊既話，你send個massage比我，如果唔係，我地以後都係唔好聯絡拉。」
之後光仔就打電話黎埋怨我，話我第一日識人就食左人隻豬，仲令佢比阿yen鬧盡袓宗十八代兼斷絕來往。我就張成件事 講晒比佢知，嚴格黎講，我都無攪過sandy呀。
「甘我好唔好send返個massage比佢呀」
「我覺得要囉，無論你想唔想同佢一齊都好。但我覺得佢唔錯呀，雖然我知你一直都好鐘意你個cindy，但你琴晚都同人表白左拉，你都知道係無可能架，點解仲要甘執著呢。男仔唔同女仔，女仔可以接受大過自己好多既男人，但好難容納到比自己細既人，何況仲要細甘多。」
之後佢講左一大論琴晚同阿yen發生既事，但我都無留心聽落去。係一來係到諗緊我應唔應該同sandy一齊，二來係，我真係要放棄一直以黎既堅持?撫心自問，我都知自己同cindy根本無可能，我地就好似2個世界既人，最大問題係年齡。我諗左好耐好耐...諗諗下訓著埋
好快就會考放榜，成績我心中有數，所以無太大緊張。而阿光，你唔好睇佢咸咸濕濕，佢讀書都唔差架。到拎成績單，哈哈~~~~~~~就同我預計既一樣..........唉，而阿光都比佢預期差，只得25分。無錯係25分。佢話佢應該可以拎28喎，真係想請佢食"兜拳窩面"。
「喂，你成績點呀」sandy打比我
「同我之前講既一樣拉，你呢」
「我岩岩好14分囉，等緊學校收唔收」
之後我鼓勵左佢幾句就收左線。sandy點解會打比我?甘我係佢男朋友佢當然會打比我拉。我最後都揀左同sandy一齊，一來我有少少內疚，二來听左阿光講既野好似令我有所領悟。但其實我鐘唔鐘意佢?連我自己都唔知。可能好多人都同我一樣，但其實我一直都忘記唔到cindy。
就甘，又過左一段時間，呢排好悶，已經攪好左我要報讀既學校既所有事情。cindy由果晚之後我同佢一直都無聯絡，而sandy都好少搵。通常都係佢搵我多，最近好似反常甘，成個星期都無搵過我。於是我就約阿光出黎。
「做咩甘得閒呀，唔使拍拖咩」
「日見夜見都悶拉，更何況我同佢成個禮拜都無見面，電話都無過」
「睇黎你仲未知咩事喎」
「吓?...........」
原來sandy父母知道佢同我拍拖既事，佢媽咪初初都反對，但最後都軟化左。但佢老豆就極力反對，話呢個年齡應該係讀書，攪甘多男女關係都係多餘。(呢個咩年代呀)就係甘沒收左sandy既手提，每次出街都只係以佢地識既朋友先可以去，姐係阿yen囉。仲話會送佢去外國讀書，以免夜長夢多。
「唔怪得佢呢排都無搵我拉，原來係甘。」
「甘你唔識搵佢架，你點做人地男朋友架，人地唔搵你，你就唔會搵人架拉。」
講真，我真係好少搵佢，數埋都唔知夠唔夠10次。就係甘，我地約左阿yen出左黎。
「我都唔知點解sandy甘鐘意你」一黎到就用好唔善意既態度話我
「甘衣家sandy點呀」
「乜你都識關心佢架咩」(臭八婆，我忍你)
「佢琴晚先同佢老豆又嘈左輪黎，佢老豆決定要佢去外國讀書呀，但sandy點都唔肯。以前sandy從未同佢老豆嘈過架，今次就為左你而嘈，你都巴閉囉。」
「但其實去外國讀書好呀，好多人恨都恨唔到呀」
「你咩人黎架，sandy為左你同屋企人反晒面，而你就話好，比佢知道一定傷心死呀」
其實我都係有果句講果句姐，到最後如果散左，佢未會話因為我而後悔過去
「不如甘拉，你幫阿輝約sandy出黎拉，得你可以同佢出黎架咋」
「你地諗到既野，你估人地諗唔到呀，我呀同佢出街都係附近咋，仲要好似犯甘定時同佢老豆報到~」
到最後，我地都係解決唔到件事。到左夜晚，我做左一個好大既決定，就係打去佢屋企搵佢。
一打去，好自然係佢老豆聽電話
「你就係果個男仔?」
「係，uncle可以比我同sandy傾2句嗎?」
「有咩好傾?你地年齡甘細，呢d情情愛愛既野唔係呢個時候囉。到你地大左，讀完書都未遲拉。佢已經決定左去外國讀書架拉。我諗你都係唔好再搵佢拉。」
「uncle，我明白你既意思，但sandy都大個女拉，你無可能管佢同邊個做朋友，唔比佢出街掛。我今次打黎只係想同佢傾2句姐。」
我終於聽到sandy把聲，不過，佢只係一直甘喊，而我都係一直講唔好喊拉，呢個癈話。佢越喊，我個心就越唔舒服。而最後我地同佢dad同意下，係佢走前可以見面，好似以前甘。但每一次見面大家都知道離分開既日子越近，只係大家唔講出黎。係佢走之前，我同sandy做左我地之間既第一次，都 係最後一次。(其實係sandy提出，至於原因你地自己諗下拉，我唔講拉)我地傾電話傾通頂。佢一直堅持唔比我送佢機，甘樣佢只會更唔捨得我。但當然我唔會理佢，佢撘11點機，於是我好早起身，去機場等佢。但係我撘巴士果陣，sandy打比我。
「輝，我知你一定會黎搵我，所以我呃你話撘11點既機，但其實我已經係禁區拉。你唔好講野，我驚聽到你把聲會忍唔住喊左出黎，臨走比返少少尊嚴我好無?」
我聽到，無出到聲，因為我眼淚不其然甘流左出黎。我無好激動甘喊，只係眼淚好似積埋多年好耐甘，一次過流晒出黎。
「輝，我真係好唔捨得你........」
「sandy，我愛你」
sandy聽到呢句，仲點忍到呀。於是我地就係喊聲中離別。估唔到，第一次令我流淚既女人唔係cindy，而係sandy。就係甘，我第一次既戀愛就完左。
p.s:我同sandy既故仔可以話告一段落，其實我同佢既野又點會甘少呀，只係唔想張個故仔拖得 太耐。同埋我盡量一日出一篇，見到有d師兄，零晨3.4點都有睇，真係多謝你地支持~~
[ 本帖最後由 forssell427 於 2007-8-24 06:14 PM 編輯 ]
