第三十五章．回心轉意
Justin同Joan行到Audree前面，Justin先介紹:「Audree，佢叫Joan，係我新請返黎嘅行政助理。」Audree只係話:「之前喺大堂見過嘞。」Justin望一望Joan:「哦，噉有咩要我去處理?」
Audree話:「Coral嘅連鎖店之前畀人搗亂，佢想搵我地集團翻新過晒所有店，你去聯絡佢地嗰邊嘅負責人啦。」Justin恭敬話:「好，我即刻去辦。」同Joan一齊離開Audree個辦公室，Joan走之前重同Newton對左一眼。
之前Newton屌完Coral之後，Coral同佢講:「你繼續瞓啦，我啲文件要處理。」起身著返衫，Newton好奇問:「集團有咩問題呀?」Coral話:「咪啲店面囉，原來班衰人唔止偷我地啲貸，重整爛晒店裡面啲陳設。」
當時Newton聽過就算，後來佢睇左嗰段新聞，怕Audree會著手搞Coral，諗盡各種方法，希望可以氹返Audree，突然想起Coral講過連鎖店嘅問題，終於諗到一個方法，於是第二日親自搵Audree。
「你重黎搵我做咩?」Audree冷淡對Newton講:「我好似冇嘢再同你傾。」雖然佢個口係噉講，心底裡始終都想見Newton，所以先畀Newton上黎佢辦公室。
「你唔好咁嬲先啦。」Newton一臉笑容:「尋晚睇完段新聞，覺得你做得好好，所以忍唔住要見下你。」慢慢行埋Audree身邊。
「你會咁有心?」Audree揶揄Newton，不過任由Newton行埋佢身邊:「你攬住Coral嘅時候，咩人都唔記得啦，重點會諗起我呀。」
「會架。」Newton故意提起Coral:「本來Coral都想黎多謝你，重有事要求下你幫手，不過又怕你唔想見到佢，所以先冇黎。」
Audree畀Newton氹下之後，已經減少左對Coral嘅敵意:「佢有咁大個集團，會有咩事?」Newton話:「佢啲連鎖店畀嗰個人攪完之後，有好多手尾要跟，啲店嘅陳設爛晒，有排都開唔返，而你集團做呢類修葺工程喺行內數一數二，所以佢先想搵你幫佢。」
Audree恍然:「哦，呢個先係你黎搵我嘅目的。」Newton亦都唔否認:「係，不過唔係唯一，我最主要目的係唔想你同Coral鬥，噉做只會益左其他對你地兩個集團有野心嘅人。」
Audree用內線電話吩咐辦公室出面嘅助理:「你叫Justin出黎。」出面嘅助理答:「知道，Audree。」就係佢地等Justin上黎嘅時候，Audree問:「Jason最近點呀?」Newton笑一笑:「個衰仔依家溝女重叻過我，連啲靚女老師都畀佢搞過晒。」
Audree有啲擔心:「噉會唔會影響佢成績架。」Newton肯定話:「唔會，因為我規定佢一定要成績有進步，先可以溝多一條女，如果成績退步重要過一條女畀我。」Audree忍唔笑出黎:「真係畀你兩個大小不良激死。」
Newton見佢笑返，就知佢已經唔會再嬲Coral:「不如我呢個大不良今晚陪你。」Audree個心好想，不過就話:「你咪好著數。」Newton笑笑口:「你知我最鐘意攞著數。」伸手攬住Audree嘅時候，出面嘅助理喺內線電話講:「Audree，Justin上左黎。」
Audree輕輕推開Newton:「叫佢入黎。」到吩咐完Justin，Newton同Joan對左一眼，心諗:「你呢個女人都幾有辦法，咁快就可以入到黎Audree個集團。」Audree等佢地走左之後，溫柔問:「我想你今日都陪住我，好唔好呀?」Newton輕輕鍚佢一啖:「我係唔會拒絕靚女嘅。」
Audree即上刻起身，拉住Newton離開辦公室，重同助理講:「我今日唔返黎架啦，你同阿梁自己搵嘢做啦。」阿梁即係Audree嘅司機，個助理難得等於放多一日假，心情即時輕鬆:「好，我會通知佢。」
Audree同Newton落到去停車場，Audree問Newton:「你識唔識揸車?」Newton話:「梗識啦。」Audree指住一列名車:「你揀一架，我送畀你。」Newton知佢心意，故意話:「吓，噉我以後咪要做你司機。」Audree即刻話:「好多男人恨都恨唔到。」
Newton笑一笑話:「噉我咪應該覺得好榮幸。」Audree好神氣話:「當然啦。」Newton唯有問:「噉你想去邊?」Audree好有興致話:「今日天氣咁好，我想去沙灘，然後著住bikini玩水。」Newton即刻話:「冇問題，先去買bikini，再去買相機，我同你影一輯寫真。」
[
本帖最後由 netsee 於 2017-8-16 12:18 PM 編輯 ]
