dragonbone

愛是什麼呢?妳/你又會點表達愛意呢?有好多耶，用口講、用行動、如何表達，各施各法，我每樣都有。不如又分享以下呢一樣~~~~我愛妳，我用行動，那麼，用口講出來呢?又有何難?難在，有趣味點又好不好呢?

不如同大家分享下一個無咸味的故事，我的故事。[不喜走咸的就不要看了]
今日見到小朋友玩氣球，好有趣，點解小朋友都鐘意玩氣球既呢?氫氣球就更鐘意了。呢個玩意，我估呢世都唔會OUT。去迪迪尼，家陣仲有閃既添。回想那些年，我在加拿大讀書時，我的女神，佢既詳細資料如果大家有興趣就有機會先再講，今次想同大家分享既係氣球。還記得她其中的一樣滿分，就係成績。佢係堅到讀咩考咩都第一既，都會拎到TOP STUDENT。而我?哈哈，唔好意思，我合格夠分升上去就算數了。所以每年既TOP STUDENT DINNER都會有佢份。咁記得有次又到呢個頒獎既夜晚，我一早同佢約好了，佢食完就會打俾我，而我聽到佢電話後，就開車出去接佢了。今次係DOWN TOWN既一間餐廳。我開車到左門口之後，雖然見D人不斷慢慢食完已離開，但佢呢，係好受同學同老師歡迎既，所以好多人搵佢影相在分享喜悅，所以遲遲都未走得，到佢走出黎既時候，我落車開著車門等她走過來，見佢好開心，擁抱著我最喜愛的笑容。
佢就講: "爭"你喳喎.............( 我就瞪瞪眼,再明白的樣子走去親她。 )
她: 唔係啊~~~~( 我笑笑口,其實意會到。 )
我就講: 係啦係啦，知妳叻女喇，恭喜晒,好未?? ( 我在笑笑口，其實佢有唔服輸同爭勝既性格，唔知點解好想得到我的認同。其實佢讀書比我叻，我到而家都唔明點解佢咁在意我的讚賞。 )
咁之後我就照開車車佢返屋企了，經過Burnaby Mountain,上到SFU山腰一個停車處停下，那是一個可以由山上看下山晚景非常美麗既地點。( 有點似我地香港上山頂望返落黎維港咁，咁當然我指既係角度啦~~~~ ) 我就拿出了外賣甜品和她在車裡食。因為這是中式甜品，要去到有華人地區先有。而今次為左獎勵她，我就開左大約1個鐘頭車去了Richmond買甜品的。而阿N係非常鐘意食的，需知係外國咁耐，其實係會好掛住香港既所有美食。食完我就叫佢同我係車尾拎D野，就拉了車尾箱的鎖叫她自己落車過去拎，她是感覺有點奇怪，因為通常我都會自己拎，但佢都不以為然，走左去車尾。一開車尾箱，就彈出了8~10個氫氣球出來。我好記得佢話左聲，亦好開心，因為係氫氣球，所以一開車尾就會自動彈晒出黎，而當氣球彈開晒之後，亦在車尾出現那個SANRIO既鴨鴨。係，佢叫鴨鴨，因為我唔知佢叫咩名，我只知上次同佢行街時，行經一間店舖，佢無出聲但又望住左好耐，我就估佢好鐘意了。佢好開心，我亦好開心。之後佢就上返車，而我就送佢返屋企了。 ( 大家係咪會曾有一絲念頭，咩話?上得山，又甜品又氣球仲有公仔添，咖輪都無打一個就走?我係唔係打漏左啊，好老實唔係，果時真係無呢D野架衰鬼，而家諗返起都蝕添，HAHA……..講笑。 )

她: 你點知我鐘意"鴨鴨"既? ( 佢當然唔係叫鴨鴨啦，係我唔記得個名了。 )
我: 果次同你行街，入到店內見妳望左一望，果種眼神似望住我喎，即好鐘意果種呢~~~~
她: 似望住你????慳D啦。 ( 她在笑，笑得甜絲絲的。 )
我: 咁如果我陪唔到妳既日子，當諗起我時妳就攬住佢啦。 ( 自此，我記得有次佢邀請我食飯時，我入屋參觀，我見到床上有我送俾佢既鴨鴨呢~~ )

在回程上，我知佢好開心，而車亦播放緊佢好鐘意既黎明演唱會。 ( 如果大家知道邊度有得買返呢隻CD，請講我知，因為我真係買唔返............黎緊呢一節係我其中一段記憶中最深刻的。 )
我女友雖然鐘意黎明，但佢又會鬥下氣講佢無聊的，點解我咁講?因為以下CD播緊既呢一段。係聽緊黎明演唱會時，d明星都好鐘意講下野搞下氣氛，

呢個時候，黎明就係度講: 好多謝大家，不如大家估下黎緊送俾大家既呢首歌係咩呀啦，係表示我對大家既心情既~~~~ ( 呢個時候阿N表現得挑剔。 )
她聽的同時就講: 車，無聊。 ( 但其實佢都係度估埋一份的，我清楚知道。 )
所以我就講: 車，妳咁叻，不如妳估下係咩歌? ( 我聽過隻碟，所以我知道將會係咩歌。 )
黎明接住講: 對不起~~~~
她好快地搶先答: 我愛你!! ( 接著CD傳來那些fans講:我愛你~~~~跟手就全場哄動，同時亦起音樂播出呢首歌。雖然我在開車，但我還是看出她在我面前叻叻的樣子。 )
她: 係咪呀? ( 她望著我等我認同和讚她叻，但我在微笑，還偷笑添，她最初不以為然，想不出個所以來，但佢見我還在笑，開始有點點意會了。 )
接著我講: 哈哈，其實我知架........其實我都愛你。 ( 她就完全猜到了，她猜到我根本不在乎黎明說什麼，她猜到我最想聽的，其實是從她口裡說的那一句: 我愛你~~~~ )

我和她在一起，I LOVE YOU我會講，但中式的我愛你卻很少，奇怪，為什麼呢?不知道，但用這方法先逗她說，卻有另一番趣味。阿N被我一逗，在失笑，也在拍打我，但我在開車，她當然只是形式上輕輕力而已。其實這樣的相處最叫我輕鬆。因為和愛人一起，可以將自己的真釋放出來，就是最舒服寫意的。

呢篇係舊文，多謝米師兄提醒了我，我修正了再登出來的，當中女主角就是阿N了。

D989@DAIMLER

引用:

原帖由 dragonbone 於 2016-1-29 11:42 AM 發表
愛是什麼呢?妳/你又會點表達愛意呢?有好多耶，用口講、用行動、如何表達，各施各法，我每樣都有。不如又分享以下呢一樣~~~~我愛妳，我用行動，那麼，用口講出來呢?又有何難?難在，有趣味點又好不好呢?

不如同大家 ...

繼續出好文啦,師兄!

hongkongboy2046

引用:

原帖由 dragonbone 於 2016-1-29 11:42 AM 發表
愛是什麼呢?妳/你又會點表達愛意呢?有好多耶，用口講、用行動、如何表達，各施各法，我每樣都有。不如又分享以下呢一樣~~~~我愛妳，我用行動，那麼，用口講出來呢?又有何難?難在，有趣味點又好不好呢?

不如同大家 ...

師兄演繹相處輕鬆很生動。

那隻鴨叫Pekkle, 全名 Ahiru no Pekkle。 是我最喜歡的公仔。有一隻常掛在我的背囊上。

和現在妻子剛拍拖時工作忙，很多時都不能哄她睡。不過有一次買手飾時送了一隻河馬公仔，有錄音功能，我就唱了一首安眠曲。那隻河馬小姐一直在她床上，又搬了到我們的床上。現在壞了也還在。

可能買過隻都好喎。





[ 本帖最後由 hongkongboy2046 於 2016-1-29 12:17 PM 編輯 ]

GiveUpme

引用:

原帖由 dragonbone 於 2016-1-29 10:17 AM 發表


好,整個all day breakfast, haha.......
講開早餐,大家鐘意食雞蛋嗎?如果食,鐘意點整呢?

蛋，我超鐘意食㗎！無論佢點整我都鐘意，至於鐘意點整，我個人就好喜歡炒蛋，因為炒出嚟好多囉！哈哈！講開炒蛋，我好喜歡食"蝦仁炒蛋"，通常去出街食晚飯小菜，我一定會叫呢味餸。其次我就好喜歡食"蒸水蛋"，咩都唔需要加，好簡單咁蒸一碟或者一大碗水蛋，咁我就已經可以送白飯。哈哈！講起都好想食添！

hongkongboy2046

引用:

原帖由 GiveUpme 於 2016-1-29 10:56 PM 發表


蛋，我超鐘意食㗎！無論佢點整我都鐘意，至於鐘意點整，我個人就好喜歡炒蛋，因為炒出嚟好多囉！哈哈！講開炒蛋，我好喜歡食"蝦仁炒蛋"，通常去出街食晚飯小菜，我一定會叫呢味餸。其次我就好 ...

蝦仁炒蛋好味，我還喜歡番茄炒蛋，很好送飯。

Katrinacat

引用:

原帖由 GiveUpme 於 2016-1-29 10:56 PM 發表


蛋，我超鐘意食㗎！無論佢點整我都鐘意，至於鐘意點整，我個人就好喜歡炒蛋，因為炒出嚟好多囉！哈哈！講開炒蛋，我好喜歡食"蝦仁炒蛋"，通常去出街食晚飯小菜，我一定會叫呢味餸。其次我就好 ...

流晒口水......正

cococaobrownie

引用:

原帖由 dragonbone 於 2016-1-28 06:49 PM 發表


師妹,而家先有機會睇妳留言呢.呢度既師兄都好好喔,講晒我心中所想呢.
我亦係人上司,講真,最近我在為下屬表現開會,檢討,唔同部門,都會有自己既立場.
懶既下屬唔難管,難既通常係好既下屬,又或"盡責"下屬,佢地有時 ...

thanks 師兄
呢兩日都有再檢討，同埋咁岩又係時候做年度review，同上司傾左唔少野，都幾有用
接住落黎就係另一個挑戰，要改善自己既不足，2016年都唔係容易既

degree06

引用:

原帖由 cococaobrownie 於 2016-1-30 12:26 AM 發表
thanks 師兄
呢兩日都有再檢討，同埋咁岩又係時候做年度review，同上司傾左唔少野，都幾有用
接住落黎就係另一個挑戰，要改善自己既不足，2016年都唔係容易既

挑戰係一種推動自己進步既動力:smile_40:

D989@DAIMLER

引用:

原帖由 degree06 於 2016-1-30 12:32 AM 發表
挑戰係一種推動自己進步既動力:smile_40:

梗係要

D989@DAIMLER

上嚟一陣