打印

今次真係婚前試愛(性愛),泥足深陷!(updated P.11,12,14) 結局(P.14 #208)，後記(P.16)

收藏 | 訂閱

239 84.2k

skyman1234

等待驗證會員

skyman1234

201^# 大中小簡繁發表於 2012-6-21 只看該作者

多謝咁多位師兄師姐嘅意見，小弟稍後會交代返琴晚發生嘅事！

tenjiroy

等待驗證會員

tenjiroy

202^# 大中小簡繁發表於 2012-6-21 只看該作者

講真你想要有女朋友感覺既女仔，返上大陸玩一夜咪算羅，做咩要上身呢:smile_39:

tisssue

等待驗證會員

tisssue

203^# 大中小簡繁發表於 2012-6-21 只看該作者

引用:

原帖由 主音仔 於 2012-6-21 03:34 AM 發表師兄。。。見你見完佢都未更新話我地知個結果。。即係你又同佢咩緊啦。。。做男人既然身邊有個。。無論好與否。。對要一心一意。。如果你咁落去好易相失。。。女人係好醒架。。。唔好以為佢會一直唔知。。。佢遲早會 ...

唔好一直以為佢唔知!!講得好

skyman1234

等待驗證會員

skyman1234

204^# 大中小簡繁發表於 2012-6-21 只看該作者

琴晚，小弟出左去搵阿May，我地約好左之後去餐廳食飯，閒話唔多講喇，入正題！開門見山，我同佢講話仲有大半年就要結婚，同佢嘅關係唔能夠再維繫落去，佢個反應係出奇地冷靜，我就綜合哂所有我要面對嘅問題，逐一同佢解釋，佢都好耐心咁聽我講，當時我嘅心情真係好難受，難受在佢聽左我講咁耐，都無話過我，怨過我半句。事實上，我地從來都無真正認識過對方，包括大家都唔知大家全名，住邊，邊度返工，佢話預左有呢一日嘅出現，因為我地任何一方想退出其實都好容易，只要唔聽對方電話，唔覆對方whatsapp，拍拍欏有走左去話都咁易。而我琴晚肯出黎，佢覺得我都算肯負責任，唔係一走了之果隻。講到最後，佢都話好清楚，好明白，佢甘願放手，但佢問我可唔可以陪埋佢最後一晚......放工待續...

tisssue

等待驗證會員

tisssue

205^# 大中小簡繁發表於 2012-6-21 只看該作者

引用:

原帖由 skyman1234 於 2012-6-21 02:25 PM 發表琴晚，小弟出左去搵阿May，我地約好左之後去餐廳食飯，閒話唔多講喇，入正題！開門見山，我同佢講話仲有大半年就要結婚，同佢嘅關係唔能夠再維繫落去，佢個反應係出奇地冷靜，我就綜合哂所有我要面對嘅問 ...

陪埋佢最後一晚...唉:smile_39:姐係日日都最後清貨,今日執笠咁解囉...冇得救,你識得難受佢既感覺,咁你屋企果件既感覺又點呀?!

watergor2012

新手上路

Rank: 1

watergor2012

發短訊

加為好友

206^# 大中小簡繁發表於 2012-6-21 只看該作者

又陪多一晚，死梗！！！

taiko

等待驗證會員

taiko

207^# 大中小簡繁發表於 2012-6-21 只看該作者

引用:

原帖由 skyman1234 於 2012-6-21 02:25 PM 發表
琴晚，小弟出左去搵阿May，我地約好左之後去餐廳食飯，閒話唔多講喇，入正題！開門見山，我同佢講話仲有大半年就要結婚，同佢嘅關係唔能夠再維繫落去，佢個反應係出奇地冷靜，我就綜合哂所有我要面對嘅問 ...

出得黎玩邊到有得怨 !!?? 食得咸魚抵得渴啦...
你拍拍欏柚走條女都吹你唔漲嫁Bo, this is the rule of the game !
正等於你出去玩得就預左最差係咩都無哂,
所以做好覺悟先出黎玩, 出得黎玩預左要還呀!!:smile_39:

skyman1234

等待驗證會員

skyman1234

208^# 大中小簡繁發表於 2012-6-21 只看該作者

琴晚發生嘅事真係好戲劇性，諗番好似一套電影咁！
之前講到佢問可唔可以陪埋佢最後一晚，我嘅回覆係一個微笑，再一個點頭，果一刻我又軟化左喇！大家一定又會覺得我好失敗...
我地食完飯，就去左爆房，一入到房，佢錫左我一啖，跟住就攬住左我，我亦都攬住佢，只係大約過左一兩秒，我感覺到佢個身軀微微咁顫動，我望一望佢，兩行眼淚喺佢面上流緊，一向以來，我都好怕女仔喺我面前喊，我又被擊中致命傷喇...
我摸一摸佢個頭問佢:傻妹黎架，做咩喊呀？唔好咁啦！佢話真係好唔捨得我，唔想我走。講到呢度肯定好多人會覺得我又把持唔住，唔好意思，唔係！之後我雙手禁住佢膊頭，從我嘅懷抱中將佢推左出黎，我話不如我地唔好搞喇，我真係唔想再錯落去！我地坐低再傾下計！果一刻我終於都大腦戰勝左細佬，其實未必個個男人都淨係識得用下面諗野！我終於可以為男人爭番口氣！
我地坐左喺床上面，我拎左部手機出黎，入返黎我呢個post，逐頁俾佢睇番我呢個post同各位嘅留言(對唔住！好似出賣左大家)。
我話我由認識你開始嘅故事，我放左上黎，之後逐一解釋俾佢聽我點解會有咁嘅決定，真係好多謝每一位留言過嘅師兄師姐，你地幫左我好多，雖然我呢個post真係俾人插得好厲害，但就係因為你地一致嘅狠狠地插小弟，我先識得點做先覺得係正確。
講左一大輪，我唔理佢明又好，唔明又好，反正我都講左我嘅立場，最後我同佢講將來你一定搵到好嘅男朋友，我會祝福你！之後佢竟然問我:如果我第時有男朋友，我地會唔會做到淨係性伴侶嘅關係，你仲會唔會好似而家咁樣咁決絕咁對我？我答佢:傻啦，你有男朋友都唔洗搵我啦！

臨別始終都要有收場白嘅，我話過左今晚之後，我唔會再搵你，你又唔會再whatsapp我，大家唔好再聯絡對方，離開房之前，我地黎左個goodbye hug！之後送左佢去搭車，我亦都回家去喇！返屋企途中，聽住首<好的事情>，歌詞都幾應景...

我地嘅故事到左呢度應該都已經完結喇，至少我地今日都無再whatsapp對方，就當發左場夢...