好耐之前都睇過,只係記得你講到條女好鐘意你,你地一齊真係認真的,不過你同條女一齊行埋時佢都仲坐緊台,你叫佢唔做又唔肯,你仲話想搵師兄去試下佢睇下佢出唔出街...好多師兄都吊你話搵人去試佢
你屋企人反對你, 我覺得都係睇你架者, 我覺得可以不理, 而家咩年代? 搵個國內既女人有問題? 初初係就係辛苦d, 佢搵錢係唔可以減輕你負擔, 唔同香港, 習慣下啦!!
而家睇黎你地租左另一地方一齊住, 而佢又終於唔做果行, 不過一個人唔做野點過呀? 我條女都好似你咁係呢d地方識, 佢都同我講唔做野真係好無聊, 都搵左份普通sales去做, 人工雖然唔算多, 都夠佢平時行下街買野下.
我收入兩萬都唔夠, 租左皇崗一單位3000連水電, 香港又要同老豆一齊供緊樓, 不過好在唔駛成日中港上上落落咁返工, d車錢都幾貴架, 而家每月都係岩岩好, 我條女成日話唔好住咁貴啦, 不過我只係覺得住好d舒服d大家開心d, 唔好成日為左d小事左想右想, 想多左自然會嘈起上黎!!