6月17日 賽前老點你 預計明天在正常場地進行賽事,所以就有以下提供,如臨場落雨,大家可以唔信我,當然唔落雨都可以唔信我 :032:
第1場 新馬 冇提供,因為未見過佢跑我冇咁叻估得中..但大家可以參考其他人既post..
第2場 呢場我睇就好簡單,如果 2快上快 和 11火流星 都冇表現,乜馬都可以跑入黎,5好當家 當然正路馬,但大熱門唔駛我講你地都知道好啦,而且我唔慣貼大熱門,所以唔講啦,搏冷 就 2快上快 和 11火流星,唔敢話2隻都一齊係到,但我估最小都有一隻有3甲掛
第3場 呢場我覺得可能係全日最難玩既賽事,最好就唔玩,但我咁爛玩(爛賭 :032: ),都要揀2隻玩下.呢場好多馬都未顯露過實力,但有過表現既馬又唔覺得佢特別叻,如果因為咁而熱門就唔抵玩,所以我會搏番d有得分既馬,5順利贏 和 9宇宙良駒 都係可以考慮玩下 W/P,但我信心唔大,玩小小算.
第4場 呢場我只喜歡一隻 4錢順來,揀佢原因係我估計明天泥地賽事會在正常天氣下進行,而呢場馬我估計冇步速,4錢順來能跟能放,路程又好,磅又唔重,其他馬又睇唔通,就一隻W/P算.
第5場 5班賽事都幾混亂,好彩仲有績可跟下,我比較喜歡 2隻馬 11千里馬 和 12勇敢,呢2隻都係近期跑得算唔差既馬,只係形勢或檔位問題致敗,就W/P,Q/QP玩下,有得分嘛 :085:
第6場 又係另一場好難玩既賽事,但好彩有好多馬都見過佢跑,而且我估全日爆得最甘既可能係呢一場,因為我覺得太多馬似好非好,所以唔提供啦,至多出2隻冷門比大家參考,就係 6再度豪情 和 9大紅人,跟唔跟自己諗,懶得分析...:096:
第7場 呢場能夠跑頭3甲既範圍馬應該離唔開 2權勇駿,4更奇妙,5南莊好運,6魯班精神,7常山鎮寶,8紅酒甜心,12冠先鋒.我當然唔係提供咁多隻啦,我只提供 12冠先鋒 比大家參考,12冠先鋒上一場如果唔係遇到慢步速,我睇頭馬應該係佢,咁快再出應該都係想搏,就12冠先鋒W/P,腳大家自己搵.
第8場 我喜歡 7驊中龍,原因係 賀賢 呢場出2隻而且連新勝既 歡笑星 都唔報呢場,同場又有同馬房既 8原小子 我又覺得呢隻唔似樣(如果睇錯當我唔好彩),又由 楊啟棠 換上 韋達 跑盃賽,正路睇都係想搏,就簡單d買W/P,如果要搵腳,我會在 2勁力寶蹄,3盈綵,10贏得精彩呢3隻入面搏冷.
第9場 提供 2隻馬大家參考, 2真旺財(追) 和 4勁彩寶蹄(放),一放一追,睇下點跑,2真旺財 上場用 湯智傑 後上不及,今次用番 韋達 跑,最衰排大外檔,唔敢話佢嬴,但位置有機會.而 4勁彩寶蹄 純粹搏冷,搏佢放到番黎入腳就好好分 :131:
第10場 其實呢場真係覺得有信心既馬就冇,但爛賭要搏就搏2隻心水 4高耀之威 和 7健康特快,呢2隻其實冇乜好講,2隻都係近賽跑得近或有表現,1冷1熱玩小小啦,至於其他可近既馬有 8海之逸,12歡笑星,13永旺駒, 3隻入面比較喜歡 13永旺駒,可以跟前,有形勢之利,但又唔似嬴得.
第11場 喜歡既有 7多快樂 和 8時尚風采,只係比較喜歡,信心唔太大,但因為檔位好,希望有形勢之利入哂黎啦.
[ 本帖最後由 aanunes 於 2007-6-16 05:23 PM 編輯 ]