夜魔瞳

有日，A突然打電話比我，佢問我個日係咪去左同G露營？我話，其實係呀，sorry呀，我唔同你講係因為我怕你唔中意，都唔想影響到你同G既關係呀。A好似喊緊咁話，我唔係要聽sorry，你答我，你係咪同左佢一齊？我話，係呀，對唔住。A話，你知我中意你架，係咪呀？我真係好中意好中意你架，點解...點解我哋唔可以一齊？嗚...嗚...我知...你都中意我架，係咪呀？我話，我知...所以先唔想傷害到你，我中意...但我更中意佢，sorry呀，你係個好好既女仔，只不過...我覺得同邊個一齊唔同揀樣貨物，唔可以就咁互相比較，我知你可能覺得我同你既關係會深厚過我同佢，我都明白，我可以好坦白講我真係深愛過你，都為你付出過好多，但係我只可以話真係timing唔啱，對唔住，你值得擁有更好，你就當我係貪新忘舊喇。佢話，我知，你仲中意我架，係咪呀？可能當初我哋為左不同既原因冇進一步，我哋E+試下發展吖。我話，唔同左就係唔同左，我哋仲可以做好好好好好好好好既朋友架嘛，仲記唔記得呀，傻妹，唔好喊喇。佢話，嗯，我記得...嗚...嗚...但我E+個心真係好痛...好痛...我話，我都明既...你需要D時間冷靜下，乖乖地喇，好冇？佢話，嗯...但我唔會咁易放棄愛你架，嗚...嗚...。

女林

Sorry 太耐無上黎睇故事，，忙到無時間，，，記得繼續更新啊～～

織田信長香

追緊 支持樓主發表心路歷程

夜魔瞳

多謝大家支持先，繼續更新。。。
其實前傳部份已經到此為止，E+開始解釋返其實G一直以來既心理狀態，連接返《三角關係》同前傳部份既故事，首先，係前傳部份我未同G一齊，正處於試探階段，我好想知佢係咪中意我既階段，可能大家唔係好明G個時想講乜，包括我當時都唔明，呢度唔開估住，先繼續發展，到左我同佢去露營，一齊睇星星，佢所講既一句說話，呢度引返出嚟先，｢有時差既只係時間同距離，但係結果可能已經好唔同。｣(呢句包含左佢最深層既一D諗法)，大家可以思考下先，我繼續發展落去先，到左我同S發生左個件事之後，我對G坦白，而佢既回應都包含左一D意思，(太長唔想再引文，希望大家爬返文，不便之處，請原諒)，另外仲有一個伏筆位，就係我生日個晚發生既事，希望大家可以將D線索串連，估下G心入面其實係點諗，我唔想咁快講晒出嚟，比D時間大家諗下。(我都係我同佢坦白左之後，聽到佢既回應，再過一排，先諗返起所有野。)答案兩日後公佈，希望大家可以投入多D，加油呀。

站在雨點下

你幾忍得Wo

夜魔瞳

未入正題講下D插曲先。。。
我生日個日去左同G開party我相信大家都知，不過個時我仲同緊S一齊，冇幾耐之後，S問我生日個日做咩會同佢哋開party?(S係因為佢屋企人唔比佢太夜返屋企所以同唔到我慶祝)我係IG見到你哋個晚D相。我就話，咁人地咩都準備好晒，唔通話唔去咩？佢話，你同佢哋咁FD架咩？我就話，OK喇，你唔中意佢哋？佢話，係好唔中意，仲有個條八婆做咩影大合照都要企你隔離架，都唔知佢博乜？你呀，咪痴埋佢到添呀，可能佢想食左你。我話，都係影張相姐，好小事咋嘛。佢話，E+就影相姐，遲D...可能想...，妖，提起都嬲，唔好講佢，我親手整左份生日禮物比你呀，不過...你都知我藝術天份幾高架喇，唔準笑我架，我整左成個月架喇。佢拎左一大張卡出嚟，上面貼左好多我同佢既合相，又寫左一大段野，講我同佢由相識到E+既故事，我個刻真係好感動，以佢既能力，我睇得出佢真係好比心機整張卡比我。佢話，中唔中意呀？我話，中意，點會唔中意。佢話，你要貼係床頭，日日都對住佢，知唔知呀？我話，依，咁肉麻，唔好喇。佢話，我哋咁恩愛，肉麻D有乜所謂喎，仲有要用黎警戒你，唔比你帶女仔返屋企，上你張床呀，你個衰人。我話，原來你咁比心機整係有目的既。佢話，咩喎...咁你係成日有好多女仔係身邊呀嘛，點知你會唔會咩架？我話，我點會呀，傻喇。佢話，如果...你真係有乜需要...記住搵我，我係你女朋友黎架。我話，我有乜需要？係你有需要咋掛。佢話，依，蝦人既，唔理你呀。

夜魔瞳

好喇，繼續更新。。。
其實我生日個晚同佢兩個一齊訓都覺得有D唔妥，就算係幾好朋友都冇理由接受一齊同自己男朋友訓掛，之後，我有同G傾過，佢話，其實...其實我覺得你應該同A一齊先啱，雖然我真係好中意你，但係你同佢相處既時間長咁多，你之前都中意佢，而佢又中意左你咁耐，我覺得自己好似做左第三者咁呀，好似拆散左你哋咁，我唔想咁，如果一定要有人痛苦既話，我願意係我。我話，如果你係咁諗就錯喇，愛一個人唔在乎於你同佢相處左幾耐，係，我認我曾經中意過A，但你都識講之前呀嘛，你唔需要覺得內疚，或者想補償D咩，仲有就算佢係中意我又點，我愛既只會係你，我明你都唔想佢唔開心，但感情係唔可以咁樣交換架，而且佢E+都好似放開左喇(當時唔知A仲未放低)，何必要咁諗辛苦自己呢？總之我以後淨係會愛你一個，你根本唔係咩第三者，以後唔準你再咁諗。佢話，其實當初我都好猶豫究竟同唔同你表示我既心意，我知你同A關係真係好好，如果呢個時候走多個人出嚟，可能令大家都辛苦，但之後你同我既關係都愈來愈好，我就更加清楚我係好中意好中意你，直到我生日個晚，我真係覺得好開心，你肯陪我過生日，仲比我咁任性咁唔比你走，我就好想同你講我係好中意你，多謝你呀。我話，你係我女朋友，仲講咩多謝，我明你當時係點諗，不過過去就係過去，我同A既感覺都已經係過去，我E+心入面就只係得你，你唔好再做D咩傻野喇，傻豬。

夜魔瞳

好喇，要講既，或者真係講晒，都多謝晒大家咁耐以來既支持，我E+應該會開始構思多重結局既情節，歡迎大家比下意見，而女主角既名我已經諗好，先行公佈先。。。
G:呀敏
A:呀瑩
S:呀怡
其實都係名一個，唔知大家覺得點喇，我就覺得唔會咁混亂(因為有D同真名一樣)，我會再諗下D情節安排係點，希望可以細緻D同合理D，都希望大家會繼續支持小弟，記住比下意見呀，多謝晒咁多位，尤其是一直由頭追到尾既讀者，當然都多謝中途加入既新讀者，希望大家都中意之後既故事(可惜唔再係真人真事，不過都請大家支持下)

夜魔瞳

如果係睇開我既讀者，都歡迎大家黎睇我既新post《第一次是你》，係分享關於我既第一次經歷，我發現我都係中意寫返真人真事多D，不過《三角關係》既多重結局，我都會繼續構思，以迎合唔同口味既讀者，但可能要花多一些時間，大家可以睇住我既新post等下先，要大家等真係唔好意思。

多謝各位既支持。。。