之後果日係星期三，果晚老婆約左Frd跑步，我冇理由留喺屋企架。所以搵左個frd 飲嘢吹水，呢個frd叫Man。佢啲女朋友多到數唔晒。我梗係要請教吓佢，睇吓佢有冇女介紹吓，佢問我想食快餐定長食，我話冇所謂，最緊要唔好痴身。咁佢話都唔係冇嘅，不過呢個女仔要求都幾高，之前介紹過兩三次都睇唔啱，但又冇講點解唔啱果吓抵死。我話咁算啦，我口才又唔好，又唔靚仔，最重要唔係有錢佬。都係唔得架啦，有冇第個啊。
Man話呢個女仔人妻嚟嘅，應該唔痴身嘅，個樣都唔錯，不過係佢條女個frd嚟，所以佢自己唔食得。冇乜所謂，大家成年人各取所需啫，聽晚約佢出嚟食個飯，唔啱咪當識多個朋友囉。
咁我當然同Man講我聽晚唔得啦，我只係可以星期三偷跳。
Man玩開當然即刻明，於是佢話咁下星期三晚食飯，果晚佢同佢條女都喺度，當平常食餐飯了解吓。咁我當然冇異議啦。
果晚好早返左屋企，老婆就十一點先返嚟。佢一返嚟我梗係即刻捉住質問佢去左邊啦。
老婆：嗱，星期三呢就唔係一定唔可以做正經嘢嘅。
我：車。。
老婆：你好想我有嘢咩？定係今日有人玩完返嚟啊。
我：冇啊，今晚同阿Man飲嘢咋麻。
老婆：飲咩嘢丫，落吧溝女就溝女啦。
我：今晚冇靚女啊。
老婆：咁咪好可惜囉。
我：不過下星期阿Man帶件人妻出嚟啫。
老婆：咁快手。
我：識個朋友啫。
老婆：食個朋友咋呱。
我：係又唔錯啊。點啊你個靚仔呢。
老婆：痴線咩，又唔係同事，日日見到佢架？
我：鬼知咩？問吓咋麻。。
老婆：冇啊，係咪好失望先。
我：靚女唔洗失望，快啲沖個靚涼，今晚有我喺度。哈哈。
過程就都係果啲，冇特別就算嘞。
好快又一星期過去。前一晚我同老婆講唔返嚟食飯。老婆當然唔執輸一樣啦。
咁到左星期三晚，我收工就去搵阿Man食飯，當我準時去到嘅時候阿Man話去接條女遲左少少，叫我坐低等，咁我就攞枱啦，待應小姐一句先生呢邊啦，我就跟左佢過去。原來果張枱已經有個女人坐左喺度，一個紮長馬尾，皮膚勁白嘅女人坐左喺度，果日衣著係一件白色鬆身T加長裙。雖然帶左口罩，但係就咁睇已經幾高分，心口唔算好大，睇落都幾高，帶個哈利波凸金邊眼鏡，一個清純look咁。
我於是同佢say 個hi咁坐低左。
人妻：你應該係啊John？
我：係啊，阿Man佢地遲少少。
人妻：哦，係啊，佢地差唔多到架啦，我叫Sugar。你好。
我：Sugar你好。嘩，一聽到個名就甜。
Sugar：識落先知嘅。。
我：我地不如叫杯嘢飲先。你要咩？
Sugar：我要杯白酒丫唔該。
咁我自己就叫左杯沙冰，因為要揸車。
我（搵啲嘢講）：你咁早嘅？收工過嚟？
吹左一輪，原來佢都幾健談。
啲嘢飲到嘞，大家除低個口罩，先見到個樣，都幾順眼，雖然戴住口罩會靚啲。
傾左陣阿Man同佢條女都到啦。
阿Man：唔好意思遲左少少，咁你地唔洗介紹啦。
然後食飯期間都冇乜嘢，係阿Man佢兩隻嘢趕住去食佢地嘅主菜，嘢都未食完就走。果時都重好早。埋完張單我就送Sugar返去。
喺車上都傾多啲私人嘅嘢。知道佢老公係飲食店嘅老闆，晚晚成點先返去，所以佢夜晚好得閒，亦都好悶。佢亦知道我要星期三先得閒出嚟。原來佢以前都有試過做第三者，又試過ons果啲，不過自從結左婚就冇再玩。係最近佢悶得太勁，所以又想玩吓。
我去到佢屋企樓下停低架車，果時9點幾。佢見我冇意思落車。
Sugar：唔。。我老公冇咁早返喎，上唔上嚟飲杯嘢？
我：唔好啦。費時阻住你。
Sugar：咁早返去交人？
我：唔係，不過第一次約會就上你度唔係幾好嘅。
Sugar：你都幾可愛架喎，哈哈。
我：我終於知道你個名點解。
Sugar：吓？
我：因為你嘅笑容同你個名一樣咁甜。
Sugar：哈哈哈。
我：唔知下次重約唔約到你呢？
Sugar：你呀？。。。等通知丫。
我：哦，好丫。
Sugar：Bye。
跟住佢就落車行左入樓。
咁我就返屋企。返到去老婆沖緊涼，咁即係啱啱返嚟。佢沖完涼出嚟即刻行過嚟我度。
老婆：好濃香水味喎。
我即刻有啲心虛：係咩。。
老婆：講吓咋，睇你個樣，有下文喎。
我：冇啊。
老婆：冇？今晚去邊啊。
我：冇啊，食左餐飯咋。
老婆：跟住呢？人地嘅老婆靚唔靚。
我：OK啦，老婆靚啲。
老婆：車，而家你實咁講。
我：係丫麻。
老婆：冇爆房咩。
我：咁又冇，話晒第一次見面。送佢返去嘅時候，佢撩我上佢屋企飲嘢啫。
老婆：嘩，咁進取。
我：係啊，咁我梗係唔會啦，上佢屋企玩，想死咩。
老婆：睇住比人打死你啊。
我：我梗係唔會啦。玩人老婆重要喺人屋企玩，我做唔出囉。
老婆：算你啦。
我：老婆呢，今晚去邊呀？
老婆：冇啊，去左facial咋麻。
我：咁貪靚。
老婆：唔係點引人。
我：ok。不過你而家引唔到人，引到我先。
於是我拖左佢入去沖涼。
老婆：喂，我沖左啦。
我：我未丫麻，谷左成晚，快啲嚟個水中蕭先。
於是同老婆沖左個好舒服嘅涼。
沖完涼出嚟，有個WhatsApp 訊息
Sugar “下星期帶我去邊度玩”