引用:
原帖由 big-eye-hen 於 2017-8-9 02:07 AM 發表 
好文，加油❗
謝謝。
=====
第三集
每朝，我大概八、九點醒一次。
有時係自己醒，有時係阿華佢哋發訊息嚟整醒。阿華有段時期幾乎日日發幾次訊息嚟，朝早一次、黃昏一次、夜晚一次、臨收工一次。
我唔係同佢特別好，做我哋呢行，有時迎合吓啲人客，等佢哋覺得同妳好好，無非希望佢繼續幫襯。好多人話我唔係幾識做呢行，又唔識氹男人、又唔鍾意講埋啲咩我愛你之類。但係依然一路總有好幾個好似阿華呢啲人，幫襯唔算多，好歹叫做穩定嘅人客。佢鍾意日日發幾個訊息過嚟，我冇法阻止佢，唯有儘量應酬佢，無非係想多一個固定嘅客。以人客嚟講，有個幫襯咗多年，幾乎個個星期六會嚟幫襯一個下晝嘅客，對我算唔錯，見我身體唔好又買養命酒俾我，又教我買啲好穩陣嘅股票。佢嚟到好多時淨係傾吓偈、瞓吓覺，因為佢老婆要去shopping做facial，佢就上嚟瞓個覺，打個飛機。而佢不但連電話號碼都唔俾我，慌死我哋會騷擾佢，連whatsapp、微信都冇，永遠只有佢嚟幫襯嘅時候至會打133嚟，平時絕對唔會煩住哂，多年嚟穩定咁幫襯，呢啲就係我哋行內認為嘅好客。
好多時，八、九點醒過，除非有咩事，我會再瞓，十一點幾醒。起身去廁所，食少少嘢，做面膜，化妝，換做嘢嘅衫，有時間嘅話落街買少少嘢中午整嚟食。有時啲客中午十二點就話要嚟，我就做埋嘢先出去食嘢。
我做嘢着嘅衫，以少布為主。裙短到剛剛遮住條底，心口一定要俾人見到條事業線。我初入行嘅時候着牛仔褲做嘢，問個客做唔做第二part，佢話，阿姐，妳著到咁，邊有興趣呀？最初，唔知道要俾人客揸波，試過俾客投訴，阿姐，俾啲手癮嚟過吓至得㗎。
後來見啲姊妹着到好性感，佢哋話要咁樣，啲男人至會有性趣。
今日中午本來約咗阿偉食飯，佢話有啲嘢俾我。有個客話十二點嚟，我就同阿偉取消今日食飯。
點知個客遲到，佢中午飯都唔食上嚟打轉飛機，我餓住幫佢按摩，然後轉身，幫佢起機，跟住手作。呢個客係好快攪掂嘅，chok兩、三分鐘就射嘢。但佢一定要按，而且仲要幾足吓，所以都幾攰。
手作嗰陣佢唔鍾意瞓低，要坐起身，等佢可以抱住我揸我波。佢好鍾意錫我，我唔想同佢錫咀，但佢興奮嘅時候會有啲夾硬嚟，我又唔想佢冇癮唔再幫襯，唯有儘量俾佢碰到兩、三吓咀。我哋大都唔同人客伸脷、濕吻，真係有好感或鍾意嘅話至會，我識咗阿偉半年先同佢濕吻，以前拍拖都絕少少濕吻，但阿偉好鍾意，而且似乎幾叻，係佢教識我。有次同佢濕吻，佢突然話我叻咗，有冇同人客練習過，我話頂你，你見我開頭有冇同你濕吻？一路都冇咁樣嘅，係同你先至會，第啲人客對我做的乜我都唔怕話俾你知，就算有日真係同第個客攪嘢都會話你知。
呢個客high嗰陣想攪我下面，我叫佢喺底外面唔好伸手指入裏面，但好多男人high起嚟就想犯規，千方百計想摸入去。我根本唔想，唯有同佢鬥快，儘快chok到佢射嘢。男人一射嘢就崩潰，我就嗱嗱聲起身，攞紙巾俾佢，跟住自己去洗手。
好多人客就係咁樣沉迷喺我哋呢度。佢哋幫襯完，想返尋味又唔想使錢，就會平日得閒無事發啲訊息、公仔嚟撩我哋傾偈。阿華、麥包就係咁。又有啲幫襯妳多啲就覺得妳係佢嘅於是日日打電話嚟問長問短，好似阿佳呢啲。
幸好呢個客唔算口水多過茶，唔係好似嗰條楊過之子咁自我陶醉，打完飛機仲唔滿足，意猶未盡起勢要嘍你宵夜呢樣嗰樣。佢打完就乖乖地去沖JJ，然後着衫、找數、走人。
跟住我好肚餓，衫都冇換就落街，去附近買啲嘢返嚟煮。
附近有個豬肉佬知道我做呢行，成日問我使唔使佢嚟幫襯一吓，我好老實，話唔使。佢又問我有冇得開大，我話冇，佢就話有冇攪錯，好多女仔都俾㗎啦，加錢啫。我話人哋係人哋，我冇。我怕咗佢周街講呢啲嘢，自此唔再幫襯，做呢行啫，都唔想周街俾人講（後來呢個豬肉佬唔知點樣搵到我舖頭，每個月幫襯一、兩次，我唯有照做。佢試過幫襯完冇錢俾，叫我落豬肉檔搵佢攞。不過佢好有信用，每次真係會俾返）。
買完餸，喺左近買少少日用品就返舖頭。返到舖頭樓下，突然有條友同我講嘢，條友大大份，一睇個樣就知道係出嚟玩。佢話我好靚，吸引咗佢跟蹤咗我七條街，我話吓，使唔使呀？佢講得出我頭先去過邊，做過乜。然後佢問我係咪喺左近的骨場做，我基於不妨多個客人，就承認，仲俾咗微信佢。佢話佢叫Bobby。
第二日中午，我主動約阿偉食飯。食食吓，Bobby發訊息俾我，我叫阿偉幫我覆，順便俾佢知道咩事。
阿偉知道阿佳、阿華呢啲人嘅存在，每次佢嚟嘅時候，總會遇到佢哋發訊息、打電話嚟。有朝好早，我仲未起身，叫阿偉買早餐上嚟俾我食。嗰陣好早，芬芬哋都未醒，我唔想開燈整醒佢哋。我哋喺床上睇手機，我俾啲嘢阿偉睇嘅時候，阿華又試whatsapp嚟。冇啦啦攞我張相去整咗個頭像，仲問我覺得靚唔靚，又話我靚過千語BB（我後尾屌鳩佢叫佢唔好侵犯版權，佢死都唔肯換返個頭像）。另一次阿偉夜晚十一點幾仲同我一齊嘅時候，阿華又whatsapp嚟，我唔知道邊個，攞起手機一睇，係阿華，佢話：想妳。
阿華攞我張相做頭像，阿偉好自然留意到佢，就問我呢條友乜料。原來佢好早已經知道阿佳、阿華佢哋嘅存在，又唔知點解知道阿佳賣喼、我同阿佳去過東莞睇貨呢啲事情。我唯有照直講阿華的確日日發訊息嚟。我話我做呢行，人客要咁做，唔通我唔啋佢、要我封鎖佢好唔好？相反阿偉絕少主動發個訊息嚟，更加唔好講電話從冇打過一個俾我。佢話佢唔敢搵我，我就話佢，成日都要我主動，我係女仔嚟㗎。
為咗令佢唔好諗太多，有啲乜嘢事，我儘量俾佢知。所以，我俾佢知道Bobby嘅事，俾佢聽Bobby嘅訊息，仲叫佢覆Bobby。
Bobby起勢問我舖頭喺邊度，係咩場。我就叫阿偉幫我寫飛機場。佢就話，屌，鬼唔知飛機場咩，想睇吓有乜嘢玩。原來佢一心諗住同我開大，我話冇。之後我一路冇講地址俾呢條Bobby知道。
有次，一個老細上嚟幫襯，話我生得靚，問我有冇興趣去佢間K場試吓。唔使幫人打飛機，淨係陪吓客人，俾人客抽吓水，就有佣。當然如果我搏啲，冧到客人多啲打賞嘅話就係我嘅。
我見下午有時候冇乜生意，就搵一日去試吓。點知錢好少，不如喺舖頭打住機等吓人客好過。
我主動講呢單嘢俾阿偉聽。佢問有冇啲咩，我俾佢知道我俾人客摸胸、隔住褲摸下面。佢問錢多唔多，我話計時數的話仲少過舖頭。
之後我再冇去呢度。
[
本帖最後由 dcat20 於 2017-8-9 01:55 PM 編輯 ]
