sam7211

引用:

原帖由 dragonbone 於 2015-11-28 07:44 PM 發表
*第二段，美人痣*

她:梗唔得，既然你聞慣左就唔好停喇，我又唔使轉人添，好啦，以後都係你同我拎課本啦。
我:下，唔係掛。[講完，佢就好得戚的返入房了，自此我就成個書僮咁幫佢手了。]
********************* ...

支持支持。。。

littlemomoko

去到#5架啦? 好耐無入過黎了 開第一個舖既師姐反而好似消失咗咁...

Downsleepless

引用:

原帖由 dragonbone 於 2015-11-28 07:44 PM 發表
*第二段，美人痣*

她:梗唔得，既然你聞慣左就唔好停喇，我又唔使轉人添，好啦，以後都係你同我拎課本啦。
我:下，唔係掛。[講完，佢就好得戚的返入房了，自此我就成個書僮咁幫佢手了。]
********************* ...

Support update soon

JSSWF

係囉, 我都由第一留到而家, 個師姐真係好似消失了

引用:

原帖由 littlemomoko 於 2015-11-28 09:28 PM 發表
去到#5架啦? 好耐無入過黎了 開第一個舖既師姐反而好似消失鰦咁...

cao9nibi

好正的回憶故事，期待更新

Katrinacat

人夫人妻日誌#5，點可以冇咗我呀？

lee1997

thank you your report:smile_40:

dragonbone

*第三段，生日快樂*

而我被人傳MS LI鐘意我，就係發生係我生日上開始。
***********************

你生日係點慶祝架?我講緊讀書喎，而家出黎工作既你可以要飲好食好再收禮物，開開心心既。但讀書時會簡單得多，有班朋友知己，一齊食下飯就可能已經好開心。真係大搞，咪唱K囉，最叻係咁上下。我呢?比較平民D添，通常朋友會一齊食LUNCH就算，4個人食3個人出錢，生日果位就FREE一次咁上下。最叻最叻再黎就係大家夾錢買份簡簡單單既禮物俾壽星仔/女，而家諗返起，果時係好WARM，亦好開心既。
而今次生日，阿強居然叫我LUNCH唔好出去，我心諗，下?生日都係學校食就算?但過左唔夠一陣，阿強就拎住蛋糕過黎，講真，我係開心既，但條死仔出名孤寒，點解會咁樣呢?原來蛋糕係有幾個人夾份既，阿JUNE、阿強、YEN、小李，同埋足球隊中最FDS果幾個，呢個時候阿強奸笑，原來隔離班既suki都黎埋。我估大家都會係讀書時期有d妳鐘意我，我又追你既puppy love，而suki就係一直都暗戀我果位，但唔知點解全世界既人都會知既暗戀囉，而好老實，我當佢係契妹看待。無錯，你唔鐘意人，又唔係玩唔埋，最好有距離既親密就係上契。咁係班房內切蛋糕當然開心又好氣氛啦，而死仔強就發功了。
強:suki，唔係要壽星公自己切蛋糕食下嘛? [ 呢句真係中正要害，suki好快快手拎起手上果件蛋糕就餵埋黎，好老實，我係有d尷尬既，原因係阿JUNE係度，我有D介意佢點諗，而在旁的其他人仲係度起哄，咁我係男仔，suki都遞到埋黎，拒絕佢會好難為情，所以我都係食左既(點解呢幕我記得咁清楚呢?因為早排執屋，原來餵食蛋糕呢一幕係被人影低左 ) 就係我食完成班人拍手同一齊笑既時候，死仔強就走埋黎搭住我........]
強:嘿嘿.........主菜家陣先黎啊~~~~[他指住那件切落沒人敢碰的蛋糕，再同時成班人靜左一陣，我跟著大家的視線往班門口看，原來MS LI都黎左]
我:.................
強細聲道:唔係佢，邊得黎搵人贊助個大蛋糕先~~~~做兄弟係咁啦掛 [ 我黎唔切反應佢隨即就走去門口，成個小春子咁接MS LI埋黎坐，我真係奈條死仔唔何。而MS LI黎到我亦好禮貌行埋去 ]
我:MS LI您好。
MS LI:喂喂，做咩生日都唔同我講聲架?
我:哦，唔好意思，我唔知........ [ 我唔知咩好呢?我唔知講咩好就真................. ]
MS LI續道:阿強講我知我先知喳~~~~
我:哦，係咩係咩?
死仔強:MS LI，黎，食個蛋糕先。[ 呢個時候小春子拎住個蛋糕俾MS LI，我就遞上支叉，MS LI準備接之際 ]
死仔強:咩話，DRAGON你想餵MS LI? [ 我愕然，一時間做唔出反應。]
MS LI:咩呀，而家我無手自己食咩? [ MS LI在還擊 ]
死仔強:唔係架，suki頭先都餵DRAGON架~~~~[ 我堅O咀，平時既反應呢一刻都欠奉 ]
MS LI: suki?邊個suki啊? [ MS LI唔知唔出奇，因為suki係隔離班，MS LI無教佢但好有可能只係認得佢，而suki就膽粗粗行左埋黎 ]
suki: MS LI您好，我係suki啊。 [ suki斯文，但唔柔弱 ]
MS LI: 啊，我認得妳了，妳咪係隔離班既? [ 唔知而家既制度，而當時黎講，學生係唔可以入人地班房架，即suki唔應該係我班房度出現。 ]
suki: 係......我而家返過去架啦。[ suki正想走 ]
MS LI:唔使啦，今日DRAGON生日，一齊人多開心嘛~~~~[ 跟住大家一齊成班人有傾有講，講真，係開心既，而呢個時候 ]
MS LI對我講: ai, 生日快樂喎。 [ 她從袋中拿出了一盒禮物出來。講真，我係surprise的，MS LI的出現，係意料之外，她買埋禮物，就真係驚喜了 ]
我: 多謝MS LI，我無估到MS你會買禮物俾我呢~~[ 我是真心多謝的，因為講真，我未收過老師送既生日禮物 ]
MS LI: 你開心就得了。 [ 呢個時候路人甲乙丙都見到，分別起哄起來。 ]
路人甲: MS LI，我又要。
路人丙: MS LI，點解我無既?
MS LI: 多事，你地生日喇咩?
路人乙: 我下星期生得架啦~~~~
我幫口: 生瘡就有你份。 [ 我地成班人一齊哈哈大笑，而時間都過得好快，LUNCH亦都就完，係MS LI準備離開時。 ]
MS LI: ai,你既生日願望係咩呢?
我: 唔知喎，會係咩呢?哈哈..........[ 果時既我無多想，但在旁的阿強又出現了。 ]
死仔強: MS LI，黎緊我地有比賽啊，不如黎睇我地比賽啦!
MS LI: 幾時?
我: 下星期，但對手好強，我估我地多數都係............
MS LI: 好啦，睇下點啦，如果黎到，我就黎啦~~~~[ 成班隊員聽到都圍埋黎，仲叫埋同班既女仔黎打氣添。]
我陪MS LI返教員室，全程都有講有笑。
MS LI: 今次係我第一次買禮物俾學生。
我: 真係多謝MS LI，我會返屋企先拆架 [ 我成日都諗，人地送禮物俾自己，最好係之後先拆才有禮貌，但奇怪既係，我送俾人既野，我係鐘意對方即時拆開睇佢反應既]
MS LI: 唔，希望你鐘意啦，睇見佢就會諗起你，因為真係好鬼似你架，無時停，哈哈。[ MS LI講呢番說話時望住我既眼神好特別。 ]
我: 哈哈，係? [ 我亦望住MS LI，MS LI其實唔係好高，眼旁有粒痣。 ]我很自然地講:MS LI原來你對眼幾靚架喎，今日妳無戴眼鏡我先有留意到添。
MS LI: 哈哈，點啊?生日就做好心，定有禮物收就連把口都乖埋?
我: 咁又唔好咁講，我不嬲都直話直說架，哈哈。 [ 此時LUNCH聲響起了，我就返回課室了。而事後我好記得，MS LI就無再戴眼鏡了。]

……TO BE下回……

dragonbone

引用:

原帖由 阿銘~~~ 於 2015-11-28 05:32 PM 發表
哈哈，師兄真係開鋪喎!
支持!!!!

開下咁啦，但個舖等大家睇架喳，哈哈，歡迎自出自入。

dragonbone

引用:

原帖由 Downsleepless 於 2015-11-28 06:47 PM 發表


我有理由懷疑c兄係幾吸引嘅（死）靚仔一名Lor
Ms Li 都被你電到，咁June 呢？

而家係老坑一名了。哈哈。
JUNE嘛，不賣關子，好快就有答案的。