果晚, 我慣常差唔多時間就開cam同佢傾計, 見到K傾緊電話,
我無打字去阻住佢傾電話, 睇住佢傾左大概十分鐘左右佢先收線,
跟住佢話男朋友今晚上左東莞果邊傾生意, 講完電話之後重要去應酬,
K很擔心佢有事, 始終人生路不熟等等.
睇見佢咁擔心我唯有逗下佢開心, 等佢唔好諗住呢件事啦,
同佢嘻嘻哈哈大概十二點左右, 佢拎起部手機, 話係男朋友打來,
我睇住佢接通來電, 對住部電話喂喂左數十聲, 好似電話另一面無人一樣,
之後睇見佢眼神有變, 明顯在專注於電話裡面既聲音, K既咀角正在向下彎,
嘴唇正在抖動, 眼神慘灰了.
佢表情上既變化全都映入在我眼裡, 我心知道,
佢電話既另一面一定正在發生唔好既事情, 起碼對佢一定唔係好事…
其實佢呢個表情既變化直到今日我印象都好深, 我亦都引以為鑑,
提醒自己: 唔好要自己鍾意既人掛上呢個表情…
過左一陣, K呆呆地收線, 我打字向佢作出慰問,
當佢聽到我發出信息既alarm, 才回過神來發現我正在看著她,
她勉強裝出笑容, 急急的打字回應我:
貓貓: 我地講到邊呀? 哈哈
我: 有事發生?
貓貓: 無事, 邊度有事呀, 哈哈
我: 瞎既都睇到有野啦.
貓貓: 你咁了解女人就唔會無拖拍啦, 哈哈
我: 瞎既我都係男人, 估到D野既
貓貓: 男人? 男人估野邊有說服力架, 哈哈
總之當時佢每個對話結尾都會有個哈哈, 每一個哈哈都看得出是皮笑肉不笑,
每個哈哈都打入我心裡面, 真係幾心痛.
之後K好快就關了視像, 過了一會再留下一句: 想要一個男人的肩膀,
可以有人聽聽我訴苦. 我電話號碼: XXXX XXXX.
收到K的電話號碼, 我都有點驚惶失措, 又唔敢即時打電話比佢,
只係Send左一個短訊比佢: 唔好諗咁多, 雖然知道你都好辛苦, 早點休息吧…
大家一定會罵我點解唔即時打電話比佢立即飛過去, 借埋個肩膀比佢就咩都攪掂哂!!
有時對著女生我就係咁笨拙, 情聖從來都唔輪到我來做…
重未有甜, 請耐心等待
