Day3
今日係星期六，平常o既我都會好早訓醒。不過因為之前個晚太夜訓，所以訓到好晏先起身。一起身第一時間check pm，見到佢send左三個pm俾我，個心甜一甜就即刻番覆佢。
當我地pm途中，突然講起要不停delete大家o既pm, 因為我地都唔可以放太多pm o既關係，只有delete先可以繼續傾計。開始時其實都無打算會用其他方式傾計，不過其實我係想，只係唔夠膽講出口。結果講下講下，我地終於都用左第二個方式傾計，即時通訊軟件。
即時通訊軟件o既發明做就人與人之間o既溝通，亦都做就我同佢可以更方便溝通。我真係好興奮，因為點都估唔到我地會利用apps傾計，而且唔需要delete任何o野都可以繼續傾。我同佢不停咁傾，不停咁傾，傾到原來我同事已經到左我樓下接我再出去食飯。相比pm，其實更加唔捨得停止，不過始終唔想得罪同事，所以我地停止左傾計。
食飯，飲o野，我好想快o的完。間唔中去洗手間都會回覆佢send俾我o既message。返到屋企已經差唔多十一點鍾，第一時間又開始番我地停唔到o既對話。傾傾下，大家其實傾到唔捨得停，不過我知道唔可以阻住佢休息，我就建議佢早o的休息。
同佢傾左大半日，開始更加了解佢，更加了解，知道自己對佢o既感覺。當時訓上床，我都可以幾肯定同自己講："應該係 無錯啦"
慢慢就安然進入夢香。
