簡單型容吓Jenny媽個樣,有D似田X妮.佢雖然做媽媽生,但從談吐睇係一個讀過書有教養嘅人,呢D發自內在嘅嘢冇得扮呃唔到人.佢知我U.K返嚟同我好好傾,我哋講起有關U.K嘅嘢,我估佢應該喺U.K生活過.
有晚同老細又去[跳舞],老細醉到揸唔到車,我同Jenny媽扶佢上的士.之後Jenny媽話想食嘢,我地去咗某時鐘酒店(大家咪諗多,冇咁快)對面食粥.(檔粥依家仲喺度,間時鐘酒店就冇咗)一路食一路傾,Jenny媽講咗佢故事我知.佢Form 4就去咗英國,大學畢業後返香港喺Bank做,同個中學同學拍拖結婚生仔,有1仔1女,佢仲俾張相我睇.好景不常,老公股市輸到仆街,穿櫃樋底被發現,佢老细俾咗條生路行,只要塡返條數就唔報警.Jenny媽幫老公跑山撲水欠落1身債,佢以前銀行有個客係呢間夜總會股東就介绍佢入行做媽媽生.幾年來債已還得七七八八,稔住做多1/2年儲筆錢轉行.
我聽完捉住佢手安慰佢祝佢成功,我哋四目交投開始有D過電.我埋單請佢,佢話下次佢請.佢返夜總會開工,我睇住佢背影離去,轉頭見時鐘酒店有Pair男女開完房行出嚟,忽發奇想,唔知Jenny媽會唔會肯同我嚟呢度開房?當時我只係發吓夢,估唔到後來我眞係同佢發生關係.
未完待續
