我終於同佢講第一句野 : 唔該你.......
其實我同佢都坐得幾遠, 基本上係一頭一尾, 只有咁岩去pantry或者toilet先會撞到....
但係仍然未開始任何進一步發展, 連say hi, 點頭都冇. 當然, 我開始留意到佢既存在.
有一段時間, 佢冇反工, 我以為佢resign左.....後黎先知原來佢去左旅行. 有時, 會專登行去佢果邊, 扮搵下野, 睇下佢個背影.....
around 咁樣望黎望去, 都望左半年, 佢亦都越望越勁, 我以為只係自己FEEL到, 原來我d飯腳都見到佢望我. 佢地就開始好八婆仔咁話, 喂, 果個人成日都望住你.....有一次, 仲因為掛住望我, 唔小心撞左落我個同事到, 佢地同反我講, 我笑到爆.....
直至某一日, 我要開會, 見一個新客, 要做d document既野, 又要用公司既system, 但係我發覺我搞左好耐都搞唔掂, 唯有搵人求救......一行去佢果邊, 冇人........得佢一個坐向度. 咁唯有硬住頭皮問佢, 我交低左比佢之後, 又入反conference room開會. 但原來佢都唔識, 佢幫我打電話問佢d同事, 我開完會出黎, 已經6點幾, 見到枱面有d document, 係佢幫我整左, 有張memo, 佢寫低左電話no. 叫我有咩唔明再打比佢……
結果, 我自己又執一執d野, 搞左好耐, 以為整得掂, 拎入房比呀姐睇, 話我整錯晒, 唔係咁咁咁.....都真係鬧得幾甘, 而我好委屈, 我真係好努力咁去整, 咁整唔到都唔關我事架......結果反出黎, 谷到對眼紅晒, 想喊, 坐左向個位度決定.......執野走, 放工 ! !
第二日反到黎, 其實仲未settle件事, 又要搵人求救.......
我又走去佢個位.......咁就正式開始左我地既對話.........
{待續}
[ 本帖最後由 psky115 於 2012-4-20 04:09 PM 編輯 ]
