引用:
原帖由 bettywongpc 於 2009-8-11 11:39 PM 發表
很不高興﹐我做了一個很錯的決定...我今天致電給我前夫﹐想問問他的意見﹐.....這些東西﹐還瀏覽這些網頁﹐立即起了無名火﹐說了很多很難堪的說話。他說我怎樣做人母親﹐又說一定是我管教不善﹐寵容他玩電腦。他又說了一些侮辱我們兩母子的說話﹐說甚麼 “爭甚麼﹗爭了個咸濕仔回來”(當年我們為了兒子的撫養權鬧上了法庭)﹐說他這麼早發育一定是咸濕的報應.﹐最後更叫我小心我兒子會對我做什麼。.......但係事後自己反省﹐他也有點道理﹐是否我平時管得他太鬆﹐而我是否應該限制他用電腦的時間﹐或是裝什麼過濾器呢﹖這個問題真的很頭痛呀…
首先 你個仔睇 色情網頁並不是你的錯. 如果你前父話 個仔 "早發育一定是咸濕的報應" 倒不如話 係佢自己啲咸濕野遺傳比個仔啦! 個仔佢都有份架. 其實你應該高興個仔唔係比佢養 如果唔係比佢知道個仔睇色情網頁一定打到佢飛起!
如果你覺得你可以 限制到佢接觸色情資訊咁你就錯啦. 唔好話 過濾軟件 起唔到作用 (網上的色情資訊 多不勝數 根本冇可能全部都過濾掉的) 就算比你 Lock 住部電腦 , 你又可以限制到佢 去同學屋企睇咩 ? 你限制到佢 買報紙咩? (報紙而家好多色情廣告 登埋色情場所啲地址出黎都有) . 呢個就係我建議你同佢講的原因, 因為實際上係好難限制到佢接觸到色情資訊的. 唯一可以做的就係 教佢正確的性知識 和話比佢聽 上網有好多色情資訊都係假的 或者係唔健康的. 要等佢覺得佢可以同你講性的話題而又唔會比你罵 (我相信佢咁夜睇色情網頁都係唔想比你知比你話啫) 咁你先可以教到佢架!