Part14
信息
C:我地都係做番朋友,我暫時唔想拍拖,我唔想我既女朋友成日猜疑我,對對唔住..
我見到個信息再次因為呢個男人流眼淚,而我更加知道我會繼續因為佢而流眼淚....我即刻打比C,但係我寧願C唔好聽呢個電話好過聽,因為...
C:點啊?做緊野啊,係咁啦
我:咁我...晏d再打....
已經,已經....收左我線,點解會咁?沈晚都唔係咁架?點解我會咁蠢同佢講d咁既野?點算?佢唔聽我電話啫,但我send信息一定睇到架嘛..
信息
我:係咪我做錯d咩?
C:你成日係到試我,係到套我講說話,我頂唔順架!
我:我改啊,我今晚想見你,我今晚去你到啊..
C:唔洗啦
我:唔好啦,我唔想咁啊,我會改,我唔會再試你,再叫你陪我出街
C:你睇下你,又比說話我聽啦,算啦,我地做番朋友啦
我:唔好算啦....
呢句「唔好算啦」,我再睇唔到佢既回覆,佢個晚都無聽我電話....
我喊住打電話比老死....
我:佢唔要我啦,佢話同我做番朋友,點算啊?
老死:都話你一定會喊......
我:我好想同番佢一齊,點解....?
我講到無哂心機收左老死線....
到左夜晚我仲打比C,佢終於肯聽我電話,但佢今晚把聲特別溫柔....
C:做咩啊?
我:唔好唔要我啊,我改啊,我會聽哂你話,我依家上黎你到啊
C:咁等你上到黎我先講我地會唔會一齊番....
我收左線之後諗左一諗,我做咩咁賤格送上門求人,傻架咩?我知道雖然自己口講就好似可以放低佢,但其實啊妹因為呢個男人變哂,壞哂,衰格哂....希望咁多位珍惜"第一次"
啊妹會準備開新post講啊妹之後發生咩事,感謝大家用時間心機睇我既過去!
完
