見有人攪事新郎哥嗱嗱聲走過來話........唔好意思飲大兩杯....Sorry！Sorry！
點知嗰位哥哥仔仲要繼續話: 我要同佢飲....！............... 同我玩嘢！ (當然中間一定加咗好多助語詞)
既然見你老哥咁比面， 唯有陪你癲下！ 同新郎哥講唔緊要， 最緊要大家開心.......
難得個哥哥仔唔肯走， 見你頭先問候得我咁過癮， 攞起支新紅酒同佢講: 來！我先飲為敬........跟著連續飲咗三杯清咗一支， 然後開支新比佢.....同嗰位哥哥仔講: 嗱！ 到你.......當佢飲到第二杯已經開始慢落來........到第三杯飲唔夠兩啖.....竟然當場噴出來...........嘩！ 好彩閃得快， 但係件恤衫都中咗小小， 頂！ 件恤衫又唔要得喇！
再望下嗰位哥哥仔已經坐咗系地下仲要嘔到自己一身都係.........咦！ 真肉酸！ 我以前跟大陸單， 同啲厰佬乜總、 乜總晚晚飲火酒， 我點會怕你吖！ 唔好意思都係咁話喇哥哥仔........
散席後新娘係咁話頭先唔好意思， 新郎哥話今日辛苦曬大家就要我哋揾日一齊落去佢度食飯補數.........S又心直口快咁話: 如果叫埋嗰個醉爆就唔好預我哋........
W同S換好衫同新娘講多幾句就走人， 我嘅主要功能又要開啟........阿四！
