大家好！ 咁多位咁耐無見別來無恙嘛？
本來都諗住寫咗咁耐大家都應該睇到有啲悶， 所以決定停咗佢， 但係自己又衰手痕， 係都要寫下先過癮， 來緊我將會不定期更新， 希望大家唔好介意！
講返倆位公主做姊妹嗰日， 真係大陣仗， 晨咁早五點幾天都未光， 倆位公主已經開始化妝Set頭...........
S化好妝Set好頭戴咗隱形眼鏡......嘩！邊位呀？ 可以同平時變化咁大嘅！
W就唔係咁大變化， 可能平時返工見客都會有小小化妝， 但係化行妝又係另一個W.......
問朋友借咗架車用來招呼倆位公主今日出出入入， 無驚無險又無乜點塞車準時八點到達新娘出門嗰間酒店........
上到房啲姊妹仲係度化緊妝見有啲尷尬我就話落返車等， 得先叫我上返黎......
過咗陣返到上去， 見個個都換好衫， 姊妹團中係得S最威水心口條事業線若隱若現........
離遠見到F禮貌地打個招呼， 點知比S見到.......跟著一早送個怒啤眼神過我嘆！ 唉........！！！！
