真厲害,出去一陣子回來看看,已有百多人回帖,當中很多都說我不是,但我不介意,我唔否認,佢今日貼2場波已中一場,一場仍然在比賽中,無論贏輸我都會講同一樣野,我想帶出既係,我係澳足搏做左咁耐,由入行到現在做左落釘仔呢個位,我都唔敢同人講一場波有獨家堅料,我諗好多人唔知咩叫落釘仔,落釘仔既工作主要係負責每一場波要開既係咩盤,每晚半夜5個人就要上英國d網度吸收人地開d咩盤,我地就要做分析,每天返工每天學習,我唔敢講我係專業人事,但係我夠膽講一句,呢個香港冇實中既貼士,亦都唔會有獨家堅料,就算我地行內比出黎果d都係一D專業人事用好多時間分析完一場賽事自己既心水..心照啦樓主,
你話果d獨家料係你心水定真係料,我唔想知,我只會笑你真係無知,唔好似住自己有多小運有多小人信你就覺得自己係神,一場波幾時開盤,幾時轉盤,轉左幾次盤,幾點轉盤你又知唔知,你d獨家料係獨家定有毒心照啦,咩叫獨家料我就話你聽,好多時d大户落飛果d就稱為獨家料,呢d飛多數係場波進行中先會落大注,唔會好似你講到幾個鐘前就有獨家料,教下你,而家明入錢落你袋,睇番成個討論區個個人都推介,比心水,比貼,但冇人好似你敢講話獨家堅料,有留意你發帖就知你仲未成熟,一定係小朋友一個,一個連最基本誠信都冇既人,佢講既野可信嗎?如果你話心水都還好,人地跟唔跟你買一件事,但係好多無知既人一睇到你講係獨家堅料就信到十足,你咁樣真係累死人,冇咁既料就唔好扮有料,你都係想人注你意咋?對於你既水怪我真係唔想多講,廢事教醒你做人,我回帖係想看見既人睇清楚,繁事唔該中肯d睇一件事,一個咁有問題既人都要肓目支持,一定會累死你地,有人話我唔扺得你贏幾多錢,唔該節省小小啦,一場波落200幾300萬果陣你仲係你媽媽肚裡面,最後就想話,如果你地都仲覺得佢係仍然支持就繼續,無架,成個討論區都當佢神咁拜,我就係做衰人,冇所謂啦,遲d你地就會明我咩叫用心良苦,祝福你地一句,真係真心,一個人唔會一世都行運,佢所謂既獨家料唔會場場都必中,大家小心,賭錢要適可而止,我親眼睇見好多人走佬,跳樓,祝君好運啦...
[ 本帖最後由 扮西晒野 於 2006-9-9 06:50 PM 編輯 ]
