Part XIII
收左佢MSG 果晚訓得好好,好似好耐都無試過!第2朝起身,見到有2個MSG,一個係F,1個係T,我選擇睇左F果個先,
F既MSG大約係:恭喜你識到T咁好既女仔,同T傾左一陣,知佢會對你好好,咁我個心都安樂D,我係對妳唔住!但我真係好鍾意妳,不過已經過左去,祝你同T有好結果. MISS U, Your Sweet.
T既MSG大約係:我好似好多野都比唔上F,同覺得F係你心目中既地位好似無人代替到,原來呢個傻佬,曾經有一個咁好既女仔鍾意,我諗我點都代替唔到F
睇完2個MSG,但睇完真係好唔開心,好矛盾,好複雜,F呢個MSG到底佢想點? 另一方面我知T對我係點!
好複雜,但唔想係一個咁既環境同T開始,因為我只會將對F既感情投放晒去T度,當有一日我醒左,發覺原呢個係T唔係F既時候,只會令大家唔開心,我知T對我好好,唔想傷害佢,最後我回返佢地MSG.
回F MGS: THX 妳仲咁闗心我,我都希望妳同A可以開開心心,祝妳地開心幸福. P
回T MSG: 比小小時間我,我想處理好我自己D野先,我唔想妳做F既替身,傻佬想同傻婆有好結果.
同F,好間唔中都仲會MSG,(而家已經無)
而同T,我地都有MSG/MSN,佢無迫我,我地好多生活上既事分享,但好明顯見到T既MSG好多都欲言又止,我知佢唔想迫我,我地就過左差唔多半年咁樣好似網友既生活,好少傾電話(事關我本身都唔係好鍾意講野既人,因為返工已經成日要對住D客,又成日開會放左工,好想可以比把口休息下,但又好鍾唱K,哈哈),有一日,我打左個電話比T
我:T係度嗎?
T:唔係喎.
我:咁可以叫一叫傻婆聽電話嗎?傻佬想搵佢
T:傻佬搵佢做咩呀? 傻婆好唔得閒喎
我:傻佬好掛住傻婆,好想見佢.
T:無出聲,但聽到T喊左.
我:對唔住..
T:傻婆等左呢句說話等左好耐 (跟住喊得仲勁)
我:咁傻佬E+黎搵妳好唔好?
T:仲洗講,快D渣火箭黎精神病院,傻婆己經掛住傻佬掛到傻左.
我:乜..唔係本身都傻左架咩?
T:仲講...快D啦..
我就一個箭步出左門口,同飛的沖去精神病院(即係T屋企)
待續..........
