hongkongboy2046

引用:

原帖由 Katrinacat 於 2016-1-9 12:21 AM 發表


C 兄，突然咁感慨，而你嘅答案係.....

呢條問題難答之處係個「最」字。

你問我一生中，邊個係我最愛，我真係答唔到你，因為包括父母丶老公同埋仔女，根本比較唔到。
正如朋友會問，你錫個女多 ...
所以C 兄就算心中有另一位最愛，她又未必適合同你共同生活呢？

看到這段很感慨。

用Dragon師兄的字眼，有一些女性，在我心中無可取替。母親當然是一位。前妻也是。和她經歷的，不可能再經歷一次。現在妻子也是。對前妻，多了一份無奈，一份歉疚。不過就僅此而已。可能因為試過，知道不能共同生活，就只剩下一份遺憾。我其實真的想過，如果二十歲時有後來的見識，結果會不一樣嗎? 可能會，也可能不會。天曉得，反正那
如果沒有發生。

現在呢? 就用最大的愛護，令她一生安好，天天開心。

最愛是誰? 答唔到。好像答唔答到已不重要。

conradt

引用:

原帖由 ge200135 於 2016-1-8 04:38 PM 發表


c兄，人係未真係只有一個最愛？會唔會真係有機會多過一個，只不個另一個一直係心裡面？



http://n2.hk/d/images/r10/mobile.jpg

其實最愛的人可能在現實中並沒有太大機會能在一起。放在心裏面，間中像相薄拿出來細味。不過沒有真正一起生活，很難和現實的伴侶相比

BoyRoy

引用:

原帖由 Katrinacat 於 2016-1-9 12:21 AM 發表


C 兄，突然咁感慨，而你嘅答案係.....

呢條問題難答之處係個「最」字。

你問我一生中，邊個係我最愛，我真係答唔到你，因為包括父母丶老公同埋仔女，根本比較唔到。
正如朋友會問，你錫個女多 ...

師姐所講“就算心中有另一位最愛，她又未必適合同你共同生活呢？”正是我心中所想。我的確有遇上過另一位最愛。但即使讓我重新選擇，我也會揀現時的妻子而不是她。因為妻子才是適合與我生活的人。

wishkitty

引用:

原帖由 dragonbone 於 2016-1-7 10:53 PM 發表
Ai,不如同大家又傾下一個話題，如果有得俾你/妳揀多一次出生既地方，出世既時間，你/妳會都係一樣好似而家咁，定還是會想做第2個國家既人，又或另一時代出世去生活呢？
大家都先講一講先呢～

我都會想係似而家咁.
呢個時代乜野都方便好多. 想食肉可以係supermarket/街市買, 而唔洗自己身水身汗攞槍出去打隻動物返黎, 或者要自己養都幾麻煩. 想傳遞訊息, send個email, 打電話就得, 唔洗養白鴿, 或者要行好遠既路. 又可以揀自己所愛既人相愛結婚, 又時會諗如果冇得揀而被指要同求其係街上面既人都幾驚!

國家都會揀香港. 我幾鐘意中國人既傳統, 有d西方國家影響愛自由.

另外我好愛我而家既屋企人, 生係呢個家, 同家人相處融洽已經好幸運幸福.

GiveUpme

引用:

原帖由 Katrinacat 於 2016-1-9 12:21 AM 發表


C 兄，突然咁感慨，而你嘅答案係.....

呢條問題難答之處係個「最」字。

你問我一生中，邊個係我最愛，我真係答唔到你，因為包括父母丶老公同埋仔女，根本比較唔到。
正如朋友會問，你錫個女多 ...

我都好認同師姐嘅講法，何為最愛？真係好難去答，因為就算你問我，我老公係咪我一生中最愛？我都唔可以肯定咁答你"係"，我記得我嘅朋友年幾前聚舊有同我講過:你當年要結婚，我都感到意外，因為佢會覺得我這位老公，未必係我最愛嘅人，但佢就一定會係能夠同我走進人生下一階段的人。當我聽完佢咁講之後，我都覺得佢都講得好啱。

degree06

引用:

原帖由 GiveUpme 於 2016-1-9 08:30 AM 發表



我都好認同師姐嘅講法，何為最愛？真係好難去答，因為就算你問我，我老公係咪我一生中最愛？我都唔可以肯定咁答你"係"，我記得我嘅朋友年幾前聚舊有同我講過:你當年要結婚，我都感到意外，因為佢會 ...

係自己身邊既人就係自己既最愛:smile_40:

dragonbone

引用:

原帖由 ge200135 於 2016-1-9 12:11 AM 發表
星期五的晚上，突然有啲 miss 當年同三五知己留連酒吧，夜店既日子！

咩啊,師兄就今晚約返佢地出黎,玩返晚先講:smile_34::smile_34:,嗱嗱嗱,要12點前返屋企架下~~~~HAHA

dragonbone

引用:

原帖由 GiveUpme 於 2016-1-9 08:30 AM 發表



我都好認同師姐嘅講法，何為最愛？真係好難去答，因為就算你問我，我老公係咪我一生中最愛？我都唔可以肯定咁答你"係"，我記得我嘅朋友年幾前聚舊有同我講過:你當年要結婚，我都感到意外，因為佢會 ...

講開最愛,講開年代,講開出生地,其實都可以拉埋一齊講.
想問問師妹,如果你地返左去幾10年前可以一夫多妻,遇上而家既老公,佢地有一另一半之後才遇上了妳,說很愛很愛妳,妳地會唔會接受一夫多妻制度下既一起呢?
我深信一夫多妻,還是有最愛的.只是現在演譯得簡單點,條數易計點,一對一,理所當然對方就是最愛了。
講樣野俾大家知,上年我送了禮物給阿N,她為表多謝SEND了一張照片給我。(HAHA.....係咪好鬼含蓄唔似我呢)
照片中她抱住個BB，我忽然很緊張的問，
我:妳的小朋友??
N:唔係,朋友的。
我:啊......妳好靚。
N:多謝。
我心裡再彈出千百字想打想說,但都一一收回了。阿N仍是吸引我的，卻又影響我。一個這樣的人是不是我的最愛呢?
不如係呢個星期六,我再問大家一樣野,如果可以回到過去,俾妳停留妳人生中某一天逗留100日,妳/你會揀邊一日呢?點解呢?係因為最開心?因為發生了後悔事想改變?還是什麼呢?不如我先說說吧,我是會回加拿大的,原因大家也猜到一二吧,但詳細後大家分享時再慢慢講~~~~好無??

hongkongboy2046

引用:

原帖由 dragonbone 於 2016-1-9 10:04 AM 發表


講開最愛,講開年代,講開出生地,其實都可以拉埋一齊講.
想問問師妹,如果你地返左去幾10年前可以一夫多妻,遇上而家既老公,佢地有一另一半之後才遇上了妳,說很愛很愛妳,妳地會唔會接受一夫多妻制度下既一起呢?
我 ... 不如係呢個星期六,我再問大家一樣野,如果可以回到過去,俾妳停留妳人生中某一天逗留100日,妳/你會揀邊一日呢?點解呢?係因為最開心?因為發生了後悔事想改變?還是什麼呢? ....

師兄，一天變一百天，梗係楝開心日子。敝，咁多日子點揀...即刻有十天八天彈出來，全部都是和女人過... 對不起了，爸爸媽媽...

花了一陣子，就選了一個二十四小時。

前面半天，是十二月二十四日。在北歐。那晚參加了酒店的聖誕party，沒有預備聖誕禮物給新婚妻子，她看到有太太收到聖誕禮物，哭了。
第二天早上，十二月二十五日，我們去了坐鹿車。很開心。

記著教訓，妻子要常常哄的...

LittleMissTiny

關於最愛，我也想講講，但有點長，望Dragon師兄勿介意....



用得「最」，就應該只有一位。

我相信如身邊人是最愛，是件幸福事，有咩幸福得過能夠每日都同最愛一齊？

但好多人偏偏覺得最愛卻是另一位，或者有十萬個驚天地泣鬼神的原因令你們無法修成正果，但其實他之所以成為最愛，正正因為你在最愛他時失去他，結果腦袋自動define他做了「最愛」。

身邊那位呢？因為不夠曲節離奇，結果有幸地做了你另一半，但可惜因為生活上的種種煩事，家庭上的衝突，愛被不知不覺磨損，然後你嘆息當初的愛已磨走得七七八八，剩下只有親人的感覺，結果腦袋不爭氣突然又load番你那曾經的「最愛」出來，這時你卻只可嘆息所有只剩回憶，不可從來。

如果，上天突然同你講：好啦，見係你，俾你從頭黎過，聽朝訓醒，枕邊人換成你個「最愛」啦！

你心諗：發達啦呢次，我一定會好好愛佢，好好珍惜佢！

結果呢？

我信有人的確會從錯誤中學習，學識如何好好對另一半，但生活總要過，種種磨損仍然會有，分別可能只在於不同人有不同處理方法，讓磨損減到最低。然而，作為大多數的凡人，可能只會重蹈覆轍，你曾經的問題再一次與你的「最愛」發生，你們一樣要為錢煩，一樣要為管教子女而爭辯，他一樣會日日嫦娥上身管你話你.... 更甚是，你發現原來「最愛」比你之前的另一半更難相處，好地地的一個美好回憶從此破滅！

然後，腦袋又話你知：「最愛」個definition 有變，佢已upgrade成「黃面婆」/「死佬」。而突然你竟開始掛念之前那「另一半」，原來當初之所以是最愛，只因你得不到，現在失去的變成「另一半」時，你才驚覺他才是你想朝夕相對的人！

當然，總有人會話：「No no no, 我肯肯定當年那個就是「最愛」，點都唔會係而家身邊那個，如何改變從來都唔會變！」就當你岩，可惜現實是人生只活一次，上天唔會見係你而送你多一次機會。既然身邊人已陪你走到今天，對於你，他也一定有其重要性吧！既已如此，還是那句老土得不能再老土的話最合用..... 施主，珍惜眼前人吧！

至於我，最愛的一定是家人，那個由愛情、激情轉變為我家人的他！至於從前的那些他、他、他.... 與他，就好好地留在回憶中吧！