等待驗證會員
|
1598#
大 中
小
簡
繁
發表於 2007-6-11 只看該作者
6月9日賽後(被迫)老點人.竟然有人咁鐘意比我老點:096: 先多謝大家比面.:084:
剩番5次賽事就馬季完結,要搵d馬會在剩番落黎既賽事搏老命真係唔易,今次又試下馬後炮講下其他同賽事有關既野.
以前科技冇咁發達既時候,好多時最後2,3分鐘落飛馬都會有表現,當然唔係全部(我就覺得以前d最後落飛馬多數都好準,冇W有P),但呢d馬通常都零舍引人注意.現在科技進步到最後10秒都可以瘋狂落飛,大家要跟都唔容易,但據我自己呢一季觀察所得,現在好多時最後2,3分鐘落飛(著綠燈)既馬,表現已經冇以前咁準,我自己覺得(估估下)有好多都係假燈,至於原因有好多(都係我自己估估下)我就唔詳細解釋,而且一場賽事出馬十幾隻,有時(著綠燈)既馬唔止一隻,有時2,3隻都有,而我只想提醒大家唔好太睇高呢d馬.
6月9日第3場賽事,有一隻馬值得大家研究下,佢就係 12永同歡,呢隻馬早在呢場前3場賽事已經有一位網友(himlees佢分析馬都幾有心得架)提過呢隻馬好似進步左喎,但連續3場都係30倍過外,又冇落飛,又冇乜表現(最叻都係第8名過終點).但到今次賽事竟然由99倍落到51倍(著綠燈),雖然唔算太多飛,但已算係近期小見,而呢隻馬今場既表現可以講係眼前一亮,一出閘隻馬雖然唔慢,但冇乜前速,徐君禮 又推又開鞭迫隻馬跟前,個種搏命法在呢隻馬黎講真係從未見過,騎左差唔多100米終於比佢帶頭添,最後帶到番黎同隻得寸進尺影相得第4,但已經輸比頭馬4馬位.以永同歡今場閘前落飛同最後表現,我諗如果今季再出一定會好多人留意,但我自己就奉勸各位唔好睇得隻馬太高,因為我自己覺得永同歡今場已經跑到好盡,呢隻馬如果唔係徐君禮一出閘就搏哂命搶位,可能番黎又係第8名之後過終點,我自己就唔信佢仍會有進步,因為如果呢隻馬真係叻既,都唔駛等到今時今日先出擊,仲要落飛都搏失,我只想提醒各位網友,如果呢隻馬真係再出,唔好睇太高,而且亦証明左落飛馬唔一定得....講完..:025:
|