食完支煙返入去， 見到佢哋四個女子有講有笑， 大方地行過去打個招呼， F見到我就突然企起身， 好似有啲感到錯愕...........然後正當新娘諗住介紹F比我識之際.........妳好嗎？ 好多年無見喇！.......這句話先在我口中說岀.........F可能仲未回魂隔咗一陣先識反應.........Hi.......好耐無見.......
可能新娘見到氣氛有啲尷尬， 就話乜你哋識得咁啱嘅........介紹先........然後就同先指住W講.......男朋友........再指S講多次.......男朋友........F話唔明.........
試完衫都成9點幾， S提意不如一齊打邊爐， F本來就唔係咁想去.........經新娘講多幾句， 就逼於無奈咁一齊行........
新娘帶咗我哋去長沙灣， 坐低都係叫啲肥牛呀簡簡單單嘅嘢食.........W問新娘子未來老公做邊行， 佢就話做飲食好忙成日都唔得閒...........佢哋七嘴八舌咁講起上來， 可能有我係度嘅關係F始終都唔係咁自然.....
突然間新娘電話响， 收線後話未來老公來緊好快到..........老老實實我只係想嗱嗱聲食完走人， 我買單又點話.........唉！ 點知仲要話等多個........
已經食不知其味， 飲多兩杯啤酒好快要去洗手間， W話佢都要去一齊行..........一路行去洗手間W話不如我哋走先？....我問點解？.......W話你無嘢咩？......我無出聲........W話明嘅！唔好難為自己老公........在W唇上輕輕鍚咗一下.......然後同佢講我去洗手間先..........
我哋三個無走先， 反而經W一講好似將以前同F嘅事放開咗， 其實應該係一早已經放低咗， 只係突然間見返心理上一時三刻的難受........
過咗一陣新郎哥到咗， 經過互相介紹後 新郎哥話老婆點可以叫啲咁嘅嘢招呼朋友， 等我出去睇吓今晚有好嘢， 咁多位有無話想食啲乜嘢咁呀？
我哋就例牌講唔駛咁客氣、 夠啦、 差唔多飽啲客氣說話..........新郎哥就更係聽唔入耳行咗出去.......... 新娘話佢係咁唔好同佢客氣， 佢屋企做海鮮批發呢度都係佢哋開， 新娘仲話都係同屋企人成日來食飯見得多， 見佢人品唔錯咪試吓囉........！
嘩！ 打邊爐打度結婚！ 仲要係筍盤！ 真係比妳十個叻！ 新娘又話佢有個哥都未結婚又無拍拖講笑咁問有無人有興趣？ 我第一時間答........我！ 然後個個笑到碌地.........
新郎哥加料有幾浮誇就唔多講， 總之都係一個字: 貴、 再加多個字: 多， 食食吓F又岀招， 一知道有個有錢阿哥未結婚就立即同新郎哥雞啄唔斷又讚啲海鮮好味夠曬新鮮， 又話要同屋企人來試吓， 又話記得計平啲..........同之前逼於無奈要來個樣唔同曬， 最頂癮F都幾唔客氣直接同新郎哥講， 你老婆話你有個哥未結婚又無拍拖係咪真嫁？ 介紹來識吓好喎......！
可能F知道自己已經唔再係十八廿二， <幸福> 係要自己親手爭取， 但係估唔到F到咗今時今日都係咁無變.........正所謂一山還有一山高、 強中自有強中手......唉！ 施主收手啦！ 妳要點先叫做滿足呢？ 今次唔知又到邊位先生咁唔好彩喇！
食飽飽！ 人生最過癮莫過於有好嘢食又唔駛自己買單.......嗱！ 我有扮過嘢攞張卡出來， 咁當然新郎哥又點會收呢！
新娘話留低等新郎哥， 我哋三個就諗住坐的士， W禮貌上問F住邊， 如果啱路就一齊， 佢話西貢應該唔係咁啱路........
