P進來第一句"嘩! 你間屋咁亂呀~~ 你病就唔好食煙啦, 攪到間屋咁嗅" 邊說邊將手上的東西放下. 的確我間屋真係好亂, 亦都充滿煙味. 我沒神沒氣的說"男人間屋就係咁啦, 你中五識我果時, 我都有食煙" 我雙眼一直隨著p走, 很有攬著她的沖動. 她放好東西, 稍稍清理我的狗窩(女人就係咁), 但沒有找到一個好位置可以坐下, 沒辦法下就坐到我床邊來, 我就一直倒在床上繼續扮死. 這時她才問"你有無睇醫生呀? 醫生話你咩事" 我一副病容"發燒呀, 呢兩日都係屋企, 無去睇醫生." 她一聽"唔係呀, 發燒唔睇醫生, 你什麼人來的? 現在我同你去睇, 你換衫啦" 我裝沒事"唔啦, 得啦, 你走先啦, 無謂傳染你" (我覺得自己對她的態度很有問題), 她聽了好像有點不開心"點解你要咁呀? 病又唔睇醫生, 又食煙, 你今晚有無食野呀, 我買左粥比你", 我照樣"無胃口呀, 我遲少少食啦, 你早D返去溫書啦", 她嘆了一口氣"點解你要咁呀, 發生咩事攪到個人咁無神氣?" 我聽了心中一份激動"無野呀, 你唔駛理我啦, 得啦" 她也有點激動"你自己都唔關心自己, 咁其他人關心你都無用" 我冷冷的說"從來無人關心我, 我個人一直都係廢人" 她聽了靜了下來, 良久"即係我關心你, 擔心你都係白費啦!?" 說完她轉身準備離開.
"即係我關心你, 擔心你都係白費啦" 字字打進我耳中, 我有無聽錯!!!??? 我本能地拉住佢 "點解你要關心我!?" (好無謂既問題.......), P無答, 只係想甩開我隻手離去, 但我就捉得更緊............. 佢終於開口"你比我走啦, 好嗎? 我唔知點樣去表達, 但係我想你心入面應該明白!" 講真我果刻唔明, 因為我從來無同一個女仔有談到深入感情事, 亦從來無去真正了解一個女性. 我問"你可唔可以清楚D講我知, 我真係唔明, 我係好鐘意玩, 但真正感情上, 我係好傻..........."(第一次認死狗).
P低下頭"其實你係第一個咁大膽既人向我示愛, 當時我唔敢接受, 因為我都唔知點面對, 亦都係我心目中, 我覺得兩個人要走在一起, 係需要先認識才可以拍拖, 當時我對你認識好有限..............." 這返說話, 直到今天我仍記在腦中, 我一直很認同, 要有真正的感情, 的確需要先認識才可以兩人走左一起, 並非先拍拖才後認識. 我很慚愧"好對唔住, 我明白啦"(我再一次認死狗).......! 我捉著她的手仍舊未有放, 接著說"我無野, 現在好好多, 只係想係屋企休息, 如果明天未好, 我就去睇醫生, 好嗎?" P聽完後, 本來激動的心情有點軟化"你係先好講, 唔係我明天實來捉你去" 我聽完也面露笑容"咁你明天可唔可以係唔係都來捉我去呀?" 她笑了, 之後甩開我的手"食野啦你, 唔好再食煙啦, 我唔鐘意人食煙既" 我即時會意"知道, 我即刻食晒D粥, 亦都唔食煙啦" 的確又那天開始, 我介了煙, 就是為了她 (人應該為別人改變自己嗎? 這個是到今天仍在問我自己的一個問題)
從那天起, 我兩的關係開始向前走, 我亦努力的去讓她認識我. 我很努力去改變自己. 我們一直保持好朋友關係, 直到她大學畢業, 我們才正式拍拖, 那年我已23歲.......................待續
[ 本帖最後由 Alden72123 於 2013-11-28 12:59 PM 編輯 ]
