引用:
原帖由 sunmaru 於 2017-1-22 06:09 PM 發表
佳龍駒證實跑得番,加上234号三隻增程只會更好,大摩三關好有機會全攞,只看去到打吡係边隻赢
《佳龍駒》今日兩倍超值,應該受之前健康疑惑了,匹馬在港跑慣跑熟好著數,雷神話匹馬有2000米長力,相當保留。
《美麗傳承》最後失Q,可能進度未夠夾硬谷,睇身形仲可以有大幅度成長,出腳都俾海外靈活咗幾多。
《鷹雄》毛色得七八分,全程都劣勢直路又遲遲不肯換腳,最後200一換就重新撲上,明顯路短,打比機會不俗。
《喜蓮彩星》肚大如牛直路好重身,都幾犀利,咩馬?
《共創XX》直路又見內閃,匹馬仲系不規矩,馬好要有耐性等。
今日大魔頭場四場兩匹新馬都屬於有用馬,起碼唔會系係4455班馬,詳細就唔知道咩馬,《凱旋之星》今日靠鋪蠻力跑都覺得幾勁,出錯腳但馬有質素,等人介紹係咩。《架勢堂》步姿有點論盡,不過匹馬好受鞭,落腳好重,馬都唔錯。尾場《鷹闖》睇睇張生可唔可以破破近年和大魔失敗合作,嗎馬毛色睇都未變色又淡又旱,不過匹馬幾肯追有d唔肯放棄勇氣。
今年大魔批新馬自購馬質素都好平均幾好,暫時唔見到有低班貨。