上個月舊公司女同事結婚， 都唔明點解啲女人一知道有熟人結婚就飛到去話要做姐妹， 真係前世未辛苦過咩.......？
無錯你哋又估中咗W同S就係咁叻喇.......
早兩個月前一返到香港放低行李， 就同佢哋倆個出咗去太子試衫， 上到去基本上都係試吓 fiting 度吓身咁無乜特別，最好笑係佢倆個一輪咀係咁問我著得好唔好睇、 會唔會好肥、 S又話手臂粗見到<拜拜肉>...........當然我哋三個都有啲陏手陏腳嘅身體接觸啦.......當我哋玩到如入無人之境嘅時候， 有個女職員行過來問咗句..........唔知倆位小姐覺得OK嗎？ 登時有啲尷尬.........！ 個女職員行開咗之後， S細細聲同我講.......最衰係你咸濕佬........唉！又係我.......！
到差唔多OK走得之際W收到新娘電話， 佢話同伴娘來緊叫我哋等等幫下眼， 等咗陣一個人出去後樓梯食支煙， 透過防煙門塊玻璃見到電梯門打開， 見到新娘行出來， 跟著佢後面行出來有個我絕對唔會陌生嘅面孔.........伴娘竟然係佢..........世界乜真係咁細咩？.........香港咁多女子點解一定要係佢呢.........？
