第二十八章
「志強, 你快的放番我個女先啦….」 「喂, 嗱, 唔好亂黎呀, 你想要點就即管講出黎, 但最緊要就唔好開槍呀….」 「媽…..子健…….」
「錢, 我要錢, 就係妳個死八婆, 累我無左成千個, 而家我就要妳還番哂比我, 至於妳個女, 就要跟我番去我度住, 等妳比夠錢我之後, 我先至放番個女黎比妳!」
子健聽到咁, 即時心入面就好緊張, 襯志強正同緊可兒講緊數嘅時候, 子健正靜靜咁想向志強黎個突襲, 但志強瞄到子健正想有所行動之際, 手槍突然好快就轉向子健方向, 可兒見到咁, 即時就衝上前雙手緊捉住志強手上嘅槍。
已經強拉到自己嘅下顎位置, 「開槍啦, 開槍打死我呀, 我要呢一槍將所有野都還番哂比我個女同呀成的屋企人, 開槍呀!」 「媽…..唔好呀…..」 「可兒, 快的放手呀…..」
可兒正用力掹住志強手上支槍嘅板機位置, 志強勢估唔到可兒會有的咁瘋狂嘅反應, 手指正比可兒用力襟住, 子健見到咁, 亦上前強行將巧兒拉開之後, 跟住就再幫手用力拉開可兒下顎位置嘅槍, 但可兒死意已決, 「巧兒, 呀媽對妳唔住!」 手指底下再一發力…「媽…….」
板機已按, 咔, 但就無子彈發射出黎, 子健見到咁, 跟住即時就再同志強扭作一團, 巧兒已經衝到上前攬住已經呆左響地上嘅可兒, 「媽…...」
子健同志強再打左一輪之後, 突然, 一輪急促嘅腳步聲響起, 「全部人停手, 警察!」
眾人被帶哂番警署之後, 經初步調查之後, 原來志強正係警方追捕緊嘅一名通輯犯, 而所涉及嘅案件亦包括恐嚇, 勒索, 強姦, 非法藏有槍械等嘅罪名。
但另一個令人更汗額嘅消息就係, 剛才志強手上果支手槍, 經檢查之後証實為係一把真槍, 但好好彩, 當時把槍正值發生故障, 所以子彈響發射嘅時候正被卡住響管道之內。
可兒一路以黎最擔心嘅事, 一切都響今晚之內正式咁宣佈結束。
子健經律師朋友陪同之下, 三人亦相繼可以離開警署之內, 但響打鬥之時, 因為三人都有表面傷痕, 而可兒嘅情緒亦有的激動, 所以跟住落黎佢地亦被送到醫院度需作進一步嘅檢查。
醫院內, 子健響巧兒陪伴之下, 敷藥之後就已經可以出院, 但可兒因為情緒極唔穩定, 而且由始至終都無出過任何一句聲響, 所以醫院方面已經比佢注射左鎮靜劑同需留院觀察多一日。
子健同巧兒番到屋企之後, 子健同巧兒講, 「巧兒, 放心啦, 已經唔會再有事發生架嘞!」 巧兒望住子健手上的傷痕, 「子健, 對唔住, 係我地兩母女累成你咁樣, 嗚…..」
巧兒正喊到收唔到聲, 子健見到咁, 即時將巧兒攬在懷中, 子健摸住巧兒把秀髮講, 「巧兒, 唔好喊, 所有嘅事都唔關妳事, 而且, 事情都已經成為過去, 就等妳呀媽出院之後先再去諗其他嘅野啦!」
可兒終於出院嘞, 呢日之後, 子健就同巧兒兩母女就繼續一齊響屋內共同生活, 而且, 三人嘅感情亦已經變得更為親密, 而子健同巧兒, 雖然表面上就無話正式成為一對戀人, 但二人日常嘅生活響可兒眼中, 根本就已經同係佢嘅女婿無咩分別。
「巧兒子健, 我要出去買餸, 你地兩個諗到想食咩一陣就記住 whatsapp 比我呀!」 可兒出左門口之後, 巧兒即時就飛撲到子健身上。
「呀媽出左去嘞, 我地仲唔快的爭取時間啦!」
「嘩, 妳使唔使急得咁緊要呀, 不過妳估妳老媽子佢知唔知我地不嬲都有野嗱!」
「唔知佢知唔知道呢? 不過佢都無再問我同你的野好耐, 而且我地又無響佢面前表現到好親密咁, 佢應該都唔知道掛!」
「喂, 入面果條成日浪住嘅黃色底褲仔係咪妳架? 好 cutey 喎!」
「果條係呀媽架!」
「哦, 罪過罪過, 喂, 開波囉, 不如今次試吓響廳呢度攪吖?」
「唔好啦, 一陣呀媽漏左野番轉頭我地咪死火, 我地都係快的入房先啦, 今日可以唔使戴呀!」
「真嘅, 咁就嗱嗱林快快趣先嘞, 我等左妳呀媽出去買餸好耐架嘞!」
兩個人即時嘭嘭聲咁走入房度關埋道門。
門口之處, 可兒正靜靜咁聽住屋入面嘅動靜, 到聽到屋入面嘅關門聲響之後, 跟住佢先至面帶住微笑咁行去襟 lift 開始準備落樓。
一星期後, 晚飯期間, 子健同可兒巧兒講, 「呀妹 book 左星期日響佢屋苑個會所度食自餐同游水, 到時我地成家人都一齊會去, 但大佬到時亦會去埋, 咁唔知到時妳地同唔同埋我一齊去呢?」
可兒搖住頭講, 「唔嘞, 果日你就同巧兒兩個一齊去啦!」
子健再講, 「其實講真都唔怕嘅, 而家我地成家人都知妳地係同我一齊住, 而且….佢地都知道件事已經成為過去, 同亦知道妳地亦曾經救過我, 所以佢地響我面前都無再講過妳地的咩難聽嘅說話, 其實我都有問過佢地, 而佢地亦都無話過會反對!」
(待續)