呢幾日不斷下著連綿細雨,就像我的心情,陰陰沉沉的…..
第五集: 天亮以後不分手
上集講到我帶小盈上酒店,經過一輪拉鋸後,小盈終於軟化下來,她先去沖涼,沖完之後她裹著浴巾出來.我笑了笑,自己就走入去沖涼,我一邊沖一邊驚小盈會偷野,又驚小盈會走,怱怱忙忙沖完涼後,就包住個身出浴室了.
小盈仍然在房內,她坐在床上看電視,她漫無目的地按搖控器,可以知道她有點緊張,我走向她身旁坐下,接著就發生關係了.
完事後,我倆各自沖涼,同樣是她先我後,我沖完涼,望一望放在床頭的手錶,時間大概是十二點左右.我心想離英格蘭vs葡萄牙場波仲有幾個鐘,訓陣先,點知小盈搖醒我,唔准我訓.
「你訓覺啦?你唔理我啦?」小盈有點撒嬌說.
如果男人鍾意一個女人,個女人同佢撒嬌,一般情況下男人係會好受的,會覺得條女好可愛,好sweet.但若然唔鍾意果個女人呢,就會覺得非常反感兼嘔心,當時我屬於後者.
「乜你唔攰嘅咩?成十二點啦,我一陣仲要睇波」我說.我當時完全冇心機同小盈傾計.
點知小盈一聽我咁講,搖得仲大力d,她說: 「你起身呀,我有d野問你」
我勉強坐起身,說: 「問咩呢?」
「你當我係你女朋友嘛?」她說.
我望一望小盈,發覺她一臉認真,我知出事了.
「當…..」我細細聲說.
「咁你愛我嘛?」小盈再追問.
小弟有個壞習慣,就係野可以亂食、QQ女可以亂加,但對著一個自己不愛的女人,我絕不會亂說那三個字.
我冇答她,開了電視,扮睇.小盈見我冇反應,再追問: 「你愛我嘛?」
我見小盈一問再問,覺得佢有d煩,就講左句: 「我唔適合你架.話你知啦,呢個禮拜我同幾個女人上過床啦,你係第三個」
我本來只想打發小盈,沒想到她竟然眼有淚光.我見到佢d淚水在眼眶內滾動,雖沒有流出來,但那種想哭想哭的樣子令我的心一下子軟下來了.
「對唔住呀…..」我連忙道歉.
「你知道嘛?我原本都唔知道我鍾意你架,但頭先你講果句說話,令我的心好痛,我知道我可能…..」小盈嗚咽地說.
我知道今次玩大左了.老實講,我一直以為大家都明白彼此的角色,明白這是一夜情,天光之後各行各路.但現在她這麼一說,我覺得好像超乎我的意料之外了.
我把小盈摟入懷中,和她聊心事,都是聊一些彼此的事情,譬如以前的感情事啦,興趣愛好等等.聊著聊著,我發覺小盈除了對感情比較執著以外,她人算是蠻爽的.
傾傾下,時間不覺又過左兩個幾鐘,電視上兩隊球員分別唱國歌準備開波,小盈說想睡覺,我本來好想睇,但無奈準備關電視.
「你睇啦,你等左成晚啦」小盈說.
「但係你眼訓喎…」我說.
小盈擰擰頭,示意沒關係,她訓低打側身說: 「阿簡,你睇啦.電視開著我一樣訓到架」
講真,果一刻我有d感動.我真係好想睇果場波,我走過去將電視90度角轉到朝向門口,再擔張椅子坐過去,以免電視發出的光影響小盈睡覺.
我將音量調至零,咁大個仔,第一次冇聲睇波.
我一邊睇波,一邊留意小盈的睡姿.平時我睇波係好專心的,特別係呢d大賽波,但今晚唔知點解有點心不在焉.我望著小盈,我在想:“離天光只有不足三小時了,難道我應該天光之後跟小盈分手嗎?”
呢場波真係好精彩,雖然英格蘭最後點球輸左.英格蘭由領先一球到完場前被迫和;從加時被反先到再迫和,最後互射十二碼輸埋.完場後我有點失望,但當我關掉電視走上床,望著熟睡中的小盈,我突然有種充實的感覺.我情不自禁的攬著小盈,我跟自己說要和小盈試下發展,我知道:天亮以後不分手
這一夜,雖然我訓得好短時間,但睡得好甜.
下集預告: 起疑心
