話咁快又一年， 上年農曆新年喺北海道我進入咗S的身體， 而S就進入咗我同W的生活， 講真開始時我都係抱著見步行步的心態去面對我們的關係， 但係到咗現在好明顯我哋三個都知道唔可以失去彼此.........
今個農曆年我哋無去旅行留在香港過， 但係問題又嚟喇！ S爸爸媽媽今年話返香港過年， 咁S點都要返自己屋企同佢哋住幾日， 本來好似無乜嘢咁， 但係要搬返佢啲行裝過去就大件事， 原來唔經唔覺S啲衫褲鞋襪多到差唔多要揾搬運公司幫手咁滯！
S爸爸媽媽年廿七嗰晚已經返咗來， S問我會唔會一齊食團年飯， 咁問題又再嚟喇.........照正常來講安排應該係咁嘅.......早一兩日先去W屋企食團年飯， 到年三十晚再同W、 S一齊返我屋企食團年飯， 然後返屋企沖完涼來個賀年第一炮........點知家陣就人算不如天算！
就係咁由年廿八開始一連食咗三晚團年飯嘅我， 都可以算係一個記錄......年三十晚食飽飯之後同佢哋去咗行花市， 現在行街好有默契， 一係我拖住W、 S同W一齊行， 再唔係S拖住我W同佢一齊行， 行咗陣坐車返去， 諗住我同W先送S返屋企， 然後我哋先行返過去， 點知S話唔駛......佢話同爸爸媽媽講咗已經同我一齊住唔返去瞓........
唓.....！ 玩嘢咩小姐.......！ 唔早啲講！ 等我之前同妳搬哂啲嘢返去， 咁之後又要搬返過來......！
咦.....！.....咁今晚我諗好嘅賀年節目咪有着落.............
