星期6，在努力，咁都要抖下氣既，黎個無思分享。
如果你有本事，你會show你有幾多料嗎?
今日同索人妻lunch，佢同我打眼色叫我望望我斜後方向，
我心想: 咦，女喎，後生既，數緊單，幾張chanel加幾張gucci，但只得單，無野係手，2X歲後生女，呢個咩配搭又咩過程呢?唔知大家鐘唔鐘意玩情境估計，我地就好鐘意。
食完時，人妻問我，見唔見到，我答見到啊，後生女，有單係手無貨拎，妳講佢碌男友張卡，叫司機拎走戰利品後，自己再食完野走我都信。
跟手人妻打左我一下，我答: 估錯?
人妻講: 我係叫你睇下佢身材啊，佢個胸又大又肯露，1/3彈左出黎喎，即成個北半球，你無見到咩?
我真心答: 無，堅無，其實我好少望女人，多數人地望我先架......HAHA.....
我原本想講，掛住望佢，邊會望其他人呢~~~~
但人妻就繼續: 後生女黎架，我反而無睇佢數單據喎，乜唔係個個男人都會望胸同樣架咩?
男人望唔望唔係我想講，我反而係度諗，如果你有本事或吸引既地方，會唔會盡show又或show少少呢?
走時我地見番果位少女，佢打緊電話，看她背後，要線條有線條，長窄牛成個下半身shape一流既，我始終無見佢正面係點，但如果加埋人妻描述呢個配搭係成立，佢都真係堅堅地。
女生，有本事，可能真係應該盡show先係。
