第二十三章．同性之路
就喺當晚，準備要用晚膳之前，Coral爸爸就同佢朋友喺客廳飲住紅酒，好開心喺到傾偈，期間提到佢地嘅仔女，佢個朋友提出:「如果Terry將來可以同Coral結婚，我地成為親家就好啦。」
Coral爸爸笑左一聲:「我都希望係噉。」佢個朋友又話:「所以我今次帶埋佢黎，係等佢同Coral熟絡下。」就係呢個時候，Coral衣衫不整，喊住衝過黎:「爸爸，Terry強姦左我。」
Coral爸爸就同佢朋友同時都嚇一跳，Coral爸爸一方面安撫Coral，又吩咐所有傭人去搵Terry，冇幾耐聽到Terry叫:「放手啦，你啲下人有咩資格玷我...」原來佢知衰，正想要偷走，畀其中一個強壯嘅男傭人捉住帶入客廳。
Coral爸爸叫個男傭人放開Terry，Terry重喺度嘈:「依家咩咁大件事啫，女人遲早都要畀人玩架啦，而且唔好唔記得，你個集團重要求我地幫架。」佢爸爸喝佢:「收聲啦，衰仔。」
Terry心知佢爸爸實會包庇自己，就聳一聳膊頭，唔再出聲，果然佢轉頭拉Coral爸爸埋一邊講:「你唔好報警，我會帶個衰仔返去，重重噉教訓佢，如果報左警，Coral要出庭作證，就算再後告到我個仔要坐監，一定會畀傳媒報導，到時佢都冇晒臉啦。」
Coral爸爸話:「噉點得呀。」Terry爸爸就話:「如果你報警，我唔會幫你架，噉你辛苦創立嘅集團就要倒閉喎，你諗清楚呀。」Coral爸爸冇出聲，似係一時間決定唔到。
Terry爸爸為左要佢答應:「噉啦，大家一場朋友，最多我加多兩成畀你，另外再補償返畀Coral，你知我都好鍚Coral架。」Coral爸爸諗左一陣，無奈噉望一望Coral，微微點頭。
原來Coral爸爸之所以邀請佢呢個朋友去佢屋企，係因為集團喺資金上出現問題，需要佢出手幫忙，而Coral天生麗質，個性又溫馴，發育後更係婷婷玉立，甚得Coral爸爸個朋友鐘意，希望佢可以成為自己嘅親抱，先夾硬要Terry跟埋黎。
Coral望住佢兩父子走:「爸爸，點解任佢地走，唔報警呀?」佢爸爸一臉歉疚:「對唔住，集團資金出現左問題，如果報警，佢話明唔會幫我，況且對你嘅名聲都唔好啦。」
Coral淡淡話:「我畀人強姦又好名聲咩?」佢爸爸唯有話:「噉就報警啦，爸爸最多唔要個集團，都要為你攞返個公道。」Coral望一望佢爸爸:「算啦。」跟住行返入房，佢爸爸微微嘆一口氣，跟住吩咐管家，要佢指示所有傭人唔可以將今日件事講出去，否則一定會追究。
幾日後，Coral爸爸得到佢朋友嘅幫助，解決左資金上嘅問題，而Coral收到由Terry爸爸送嘅一層豪宅同埋一筆巨款，Coral本來拒絕接受，不過佢爸爸要佢收，以表示唔會再追究。
期間Coral一直都好唔開心，喺學校只要有男同學想行埋佢身邊，佢就會好驚噉即刻走開，又唔會再同男同學講嘢，嗰時佢同Jenny已經係好朋友，Jenny見佢變得好抗拒啲男同學:「Coral，你冇咩嘢呀嗎?」Coral只係搖頭:「冇嘢。」又話:「都係你對我最好。」
Jenny見Coral冇解釋，諗住佢只係發下小姐脾氣，就撟住佢手臂:「梗係啦，我地係好姐妹。」Coral提議:「放學之後，我帶你去一個地方。」Jenny話:「好呀。」Coral就話:「你問都唔問去邊就話好。」Jenny笑一笑:「怕你帶我去賣咩。」
兩個女仔放左學之後，Coral就帶Jenny去到一個豪宅區，Jenny知道Coral有錢，就講笑問:「你想買樓呀?」Coral只係話:「你跟住黎啦。」最後佢地去到一間豪宅門前，Coral用鎖匙開門，做左個手請要Jenny入去。
Jenny行入去屋，雙眼被屋內陳設所吸引:「唔好同我講，呢層樓係你架，我一定會羨慕死。」Coral話:「唔使羨慕，你鐘意嘅，我地可以隨時黎住。」Jenny好開心話:「好呀，我咁大個女都未住過咁大間屋架，一定好舒服。」
呢個時候Coral從後攬住Jenny，輕輕話:「都係女仔有安全感。」Jenny轉身問佢:「你呢排做咩呀，好似有啲怪怪地。」Coral話:「冇呀，不如今日就係呢到過夜，聽日係星期六又唔使返學。」
Jenny冇考慮就答應，打手機返屋企講低之後就同Coral一齊參觀間屋，Coral話:「其實我都係第一次黎。」Jenny話:「你爸爸對你真係好。」Coral只有隨便話:「算係噉啦。」
兩個女仔最後入到睡房，Jenny見張床好大，就即刻瞓落去，Coral就話:「今晚我地一齊瞓呢到。」Jenny話:「好呀，可以傾天光。」Coral提議:「我地重可以一齊沖涼添。」跟住就喺Jenny瞼前除清晒身上嘅衫...
