這章還是走甜, 請見諒, 呵呵呵呵~~~慢慢BUILD UP D角色,到埋牙大家先會覺得正, 呵呵~
-第五章 璇美人-
門鈴響起, 阿璇拿著一大包麥記, 旁邊放著一個裝著她畢業作品的行李箱, 喘著氣, 滿身是汗的站在門口
“哇!你使唔使跑黎呀?”
“無啦啦勁大雨呀,你樓下又冇遮冇擋, 真係跑到我呢!”
“落雨咩? 噢, 我依度密室黎, 出面落雪我都唔知架…”我幫她拖行李箱,邊走邊說,”你唔趕時間咪坐陣先囉, 我今晚成晚都喺度架喇!”
“趕就唔趕嘅, 你依度有冇得上網? 我要上網做Research同整Power point呀!”
我在電腦後找到一條LAN線,遞給她,”我依度冇WIFI架, 個個都係插線, 不過條線就唔係好長, 或者你坐過黎我側邊啦, 我清一清檯面俾你”
“Thank you!但我坐喺度阻唔阻你呀?”
“唔阻!”這時我注意到她身上的雨水,”你坐喺度等一等我”
我到浴室拿了一條乾淨的毛巾給她,”抹抹啦, 因住病左Present唔到呀!冷氣凍就出聲呀”
“唔該哂! 你真係好人屎!”
“咁你記住喇,我叫David, 唔係叫 Matthew個Friend!”我
“哈哈! 食野啦 Datthew!”
“頂丫!一陣開大個冷氣凍死你先得!”
接著大家便吃了我們相識的第一餐
“我地幾個,你覺得邊個D衫最靚?”佢邊吃薯條邊問
“梗係你嗰D啦!”
“認真架!”
“ER…我覺得Polly d衫好似靚d”
“車~佢D衫全部Deep V又透視, 你D麻甩佬梗係鍾意啦!”
“哈哈哈! 係呀,男人嘛!”
“我都有件晚裝大露背啦!又唔見你讚我!”
“ER…丫!係個Model, 佢著得唔夠好睇, 影響左你件衫!”
“車, 你作野丫!......”我沒理她, 她繼續吃薯條,”……其實都係架, 因為冇同Model做過Fitting, 係爭D架喇!”
說罷她便轉身出去,我繼續對著電腦工作, 過了一會, 外面的音樂突然大了, 她大喊:”Hey Datthew!”
當我步出房間, 發現她換了那襲大露背晚裝, 站在Backdrop前, 一隻手叉著, 側身望著我…
“條裙係用我Size黎造嘅, 我著應該最Fit啦!”
我看得傻了眼,”真係靚喎!拿, 都話係個Model問題啦!”隱約間, 我發現她是真空的,”不如我幫你影幾張啦!”
“唔好啦,我純粹想Prove我件衫係靚!...同埋我個妝都溶左啦!”
“唔緊要啦!”這時我已經將相機拿在手,”影左唔OK咪Del左佢囉, 同埋Photoshop係無敵架, 幫你上返個妝有幾難!”
“拿,你自己加自己Workload咋,唔關我事架!”說罷她已擺好浦士
我立刻把Studio的燈亮起, 拿起相機便幫她拍照
她越玩越狂野, 一個典型的鬼妹仔, 有時扮瑪麗蓮夢露按著裙, 有時固意咬唇單眼把身俯前, 有時背著鏡頭一隻手打在臀部再回頭顥出大露背, 說真的, 這比整天的Model還要自然還要專業!
拍完照, 她到洗手間換回衣服, 我們回到房間開始執相, 她坐在我旁繼續吃麥記
“拿, 加少少粉底, 少少眼影…”我用Photoshop幫她化妝,”睇下,係咪仲好過化妝師化呢?咁咪變做璇美人囉!哈哈!”
“勁喎Datthew!喂,我想唔要D Byebye肉, 幫我執瘦佢,同埋個鼻我要尖D”
“好呀…睇下!幾FIT! 整大波都得呀!”之後我便隨手幫她誇張地升了幾級
“哇!!!唔使咁大喎!要咁大做乜!”她邊笑邊說邊望著自己的胸, 我視線也落在她胸前
“算係咁啦,香港女仔大部分都係咁Size…”她立刻啤著我,”我意思係你咁瘦,咁嘅Size好標準!”
“兜啦你!咸濕佬!唔好搞我對波喇,你快D做正經野先啦,唔係趕唔切我畢唔到業!”
之後我地各自各做野,有時聽到會唱的歌便一起唱著歌,轉眼間已經凌晨兩點
“唔~~~~唔~~~~唔~~~~”她的電話在震,”喂BB?係呀,我仲做緊呀,嗯…嗯…OK, me too~~ MUAH”阿璇用很甜很溫柔的聲線說
噢!原來她有男朋友...難得遇到個頗合拍的…這時她電話剛掛斷, 畫面上仍會顯示對方名字和通話時間, 我看到一個名字 “Sandy”
LESBIAN!!!!她…是同志?
(待續)
下回: 陳奕迅-兄妹.mpg
