Part XII
打到呢度, 個腦第一次有真空既感覺,唔知想打咩?咩都諗唔到咁.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽佢講完呢句,唔知點解好似崩潰左咁,係咁喊係咁喊,佢依然攬實我..我都感覺到佢係度喊,但無理咁多野,只係想盡情咁喊,可能真係抑壓左好耐,唔知喊左幾耐?但T一直都攬實我,我諗喊左都有半個鐘.
慢慢我平伏返,T好快遞左盒紙巾黎,我好驚比人見到我個樣,因為真係口水鼻涕出晒黎,我仲僕係張枱,羅左幾張紙巾,處理好,先坐返好,T亦都鬆開手,反而係,我見到T2隻眼都紅晒,我問T
我:妳無事丫嗎?
T: 你好衰架
我:下????
T: 妳咁喊,攪到我都喊埋...
我:會架咩?
T: 妳衰呀..到T無端端喊...
我講過,我好驚見到女仔喊,一喊我就好亂唔知點,見到T喊,我個心突然又酸一酸,叫佢唔好喊,一叫佢就攬實我喊,今次無上次咁,相反,我都攬住左T,掃下佢個頭,叫佢唔好喊..幾分鐘後,佢都平伏左..就僕左係我胸口,T然後講,
“如果呢一刻可以停落黎就好喇”,我話比咁大舊豬腩肉包住都話好?T笑一笑,望一望我,就錫左我一啖,我好似比佢呢一吻燒著左咁,成個人都好熱,T開始慢慢一下一下咁點我錫我..慢慢我地個咀就痴住左.....錫左一陣我就縮左,同T講左聲SORRY之後..就捉住佢兩個膊頭
我:唔好喊啦傻婆,
T:邊個做妳傻婆,我不知幾醒,(仲好快轉左第2個話題)D 面凍晒啦,衰人,又要再煮過.
我:唔好意思,最多我幫手一齊整啦
T:咁我又無諗過妳會唔幫手喎傻佬..
就咁,當晚既氣氛就好似忸轉晒,同佢去左廚房整返熱D野跟住可能大家都好肚餓,好快就食晒,我再陪埋佢洗碗之後,就返屋企,出門口果時,T仲錫左我一啖,而我好似面都紅晒就講左聲BYEBYE就走,T講左句,有無錢踏車呀?傻佬.
我另轉笑一笑就入LIFE 走左,返到屋企收到T既MSG,內容係
MSG : 傻婆訓啦,傻佬都快D訓啦,訓醒就會兩過天青
待續..........
[ 本帖最後由 PostitCY 於 2012-1-25 02:31 PM 編輯 ]
