寫第四集之前,我先闡明一點: 小盈是假名,除此之外,其他一切都是真的,包括她的外形樣貌、她的工作、她的藉貫(湖南)和我與她所發生的故事.現在我相信我認識的小盈並非keung264兄認識的小盈.既然搞清楚了事件,我決定寫下去,不會讓此故事爛尾.在此再次多謝咁多位師兄的支持.
呢集會寫我和小盈上酒店後發生的情況.我曾經想skip左呢段,因為當中會有我和她的親熱場面,不過咁又會令故事變得不完整.在兩難的情況下,我只可以用我拙劣的寫作技巧盡量溫和地描寫那時的情況,將對小盈的傷害減至最低.
p.s: 原本呢集叫「天亮以後不分手」,但小弟不才,寫長左,要分開兩集,故此集叫「猶豫」.對於經常改『下集預告』,小弟在此向大家say sorry.
第四集: 猶豫
上集講到我同小盈見面,食完野又揼左腳,正不知有咩節目之際,我提議上酒店休息,美其名為休息,其實係想「開餐」.她原本不想上酒店,當然啦,好人好姐認識你幾個鐘就上酒店,係人都知道你想搞乜啦.我見小盈不想跟我上房,情急下話要返去,老實講我講得出呢句話就預左食白果返歸,點知小盈拉一拉我衫尾,並表示如果我唔搞佢就願意跟我上樓.
「我上到去你唔準搞我架!」或「我上到去你係咪應承唔會掂我先?」呢兩句幾乎係每一位將會被男人帶上房的QQ妹必講的廢話.坦白說,我foc QQ妹的次數不多,但每次上房之前她們例必有這些廢話.而我亦例必用個肺回答她: 「我應承你,我上到去一定唔會搞你」.
我心諗: 上到房唔搞你唔通玩啤牌咩?如果你咁純情就唔會跟我上房啦,多餘.
我地去左不遠處的新X酒店check in,臨上房前我仲問下前台夜晚有冇『歐洲國家杯八強---英格蘭vs葡萄牙』睇.第一,我係標準球迷兼英格蘭的fans,呢場波我好想睇;第二,我想扮野話俾小盈知,其實我想睇波咋,唔係搞佢架,而且亦暗示我今晚會過夜.前者係真心,後者不過是做給小盈睇的功夫啫.
跟住我地上房了.
上到房放低野之後,我就想和小盈親熱了.可能有師兄覺得我當時太擒青,缺乏技巧,應該慢慢黎.我現在諗番起當時都幾可笑,老實講小盈唔係我第一個帶上去的網友,六年前(去台北之前)我在香港都帶過一個icq妹上房.不過小盈同果個icq妹比,不論身裁或樣貌都差得遠了,再加上當時啱啱玩QQ,對內地女仔認識不多,覺得大陸女仔就係咁樣應付架啦,所以咁擒青.
事隔兩年諗番當時的情況,真係幾幼稚,不論大陸妹香港妹都係人,唔應該咁樣分類佢地嘅.
我和小盈一輪拉鋸之後,小盈終於軟下來,她提議先沖涼.說罷她就去沖涼,我坐在床上等他.驀然,我一望梳妝台上的鏡子,我下意識地走上前看看鏡中的自己.我在想: 究竟應不應該食小盈呢?小盈不論樣貌身裁都不太好,根本就不是我杯茶.雖然自己的條件也好不了多少,但此刻我竟然猶豫應否繼續下去.但一想到今天冒死上深圳,又俾左錢(車錢+房錢),如果此時回去又心有不甘,再加上聽到浴室內潺潺的水聲,更激起我的慾念.
想著想著,我低頭不敢再看鏡中的自己,我決定了,今晚一定要食左小盈.
第五集: 天亮以後不分手
[ 本帖最後由 簡東拿 於 2006-5-27 12:16 AM 編輯 ]
