行動回來了.....今天去了剛搬診所的 Dr. Wong 度做手術..
係呢度同大家分享下..作一些 鼓勵..
另外再多謝各位師兄之前的分享...
今天終於完成了很久之前的心願了 ..
第一天,
前一晚我剃光晒d 毛, 仲要剃得好乾淨, (事實係會方便醫生做野的)
am 10:30 到左診所, 坐左五至十分鐘 , 信心十足咁..入去見醫生,
都係問下有d咩問題, 檢查下你係咪真係要割, 再解釋俾你聽要點割 ..等等
又吹左十分鐘左右...護士都差不多準備好了...將手術床就係隔離(幾步路)
首先要除褲到膝蓋, 坐上手術床上 ,準備打麻醉計(共兩支)
第一支打在陽具支點上方, 打落去時唔痛, 但嫌注射耐左d,
第二支打在陽具支點底, 打落去時又係唔痛, 注射中途, 我感覺有dd痛
打之前會搽消毒火酒的, 消毒火洒搽在陰囊上, 會感覺好興的..
打完之後, 著番條褲行番出去坐, 因為醫生話要等十分鐘, 藥力生效才可做手術..
當踏出房門之後, 問題來了, 我發覺雙腿大腿後面有d痺痺地, 硬硬地咁,
個身體仲有D抖震, 咁我就搵d雜誌睇, 企下又坐下咁,
護士就叫入去做手術了, 這次要除褲同除埋鞋,
訓上張床到準備, 我就問護士, 打完針有d咁既感覺正唔正常, 佢話正常,
醫生埋黎準備了, 又吹兩句水, 佢都問我係咪覺得凍,
醫生同護士最後就話勒, 你係緊張得濟, 驚痛, 驚到腳軟, 所以咁..
護士仲幫我搵本野蓋住我塊面, 免得我左望右望, 我索性盡量去睡覺, 無乜特別音樂聽的..
手術開始了, 基本上你一定唔會覺得痛,
但係我全程都係到腳震,身又震...唉!!真羞家..(堂堂男子漢..丫嘛)
你只會覺得醫生掂到你大腿和肚等等的感覺...
醫生係度又噴下野, 又剪下野咁, 最耐係埋尾聯計既時候,
要聯好耐的(我覺得), 中途個護士仲去聽過幾次電話,
感覺醫生好輕鬆, 好快手咁
最搞笑係, 醫生成日都將d架生, 剛用完就放係你的肚上面, 應該係 剪刀 黎的,
手術完成, 包紗布之前, 醫生會叫你睇下佢既作品, 都幾靚仔 的,
包完就叫你抹番陰囊上面D碘, 免得你敏感,
著番褲同鞋, 就出番去等, 等一陣醫生再幫你檢查傷口, 時間大概是 am 11:45
都等左成半個鐘, 因為有其他病人見緊醫生,
再入去, 醫生就話, ok good, 包得唔會太緊, 無問題了..
開左三日 ,消腫同止痛藥, 聽日黎覆診..
走果陣, 其實麻醉藥未過, 你做乜都得, 我係覺得型住尿急咁....
待續..............................
[ 本帖最後由 taiyatwai 於 2009-7-11 01:52 AM 編輯 ]
