粗筆人

引用:

原帖由 MacyMacy^^ 於 2016-9-10 06:39 PM 發表

女人係咁矛盾㗎啦 哈哈

女人對愛情係矛盾圈中走來走去

angelking89

引用:

原帖由 MacyMacy^^ 於 2016-9-10 06:27 PM 發表

唔敢成日搵佢啦
不過今晚約左佢 哈哈

玩得開心D喇.3.~~~等你返黎:smile_o13:

MacyMacy^^

第二日，生活繼續，因為請左一日假，工作上都好忙，令我暫時無乜時間諗同男友嘅事。T & Alex不停send msg俾我，但我通通無覆，而男友就一個電話或msg都無。

放工返到屋企對住4面牆，開始感到寂寞，心情忐忑唔知應唔應該搵男友，最後忍住無搵佢，因為其實都有d嬲佢琴日咁話我。心情唔好時，剛剛好又收到Alex whatsapp...
A「Are u ok?」
我「yes ok!」
A「終於覆我喇，以為你有事呀！」
我「同男友鬧交呀！」
A「Oh why ar?」er... 點答你好？唔通話你知因為你個whatsapp咩？
我「都係d無謂嘢啦！」
A「如果係小事就唔好嬲咁耐啦，嬲得多唔靚女㗎！」
我「係佢嬲我囉～」
A「唔係卦？你做咩激嬲人呀？haha」
我「唉，唔好提喇～」
A「出嚟飲杯嘢？」
我「返到屋企唔想再出去呀～」
A「咁我過嚟車你囉！」
我「嗯～」
於是，佢就開車過來車左我出去飲嘢，不過最後無飲嘢，去左遊車河。或者當時嘅諗法有點自私，有d想同男友鬥氣，越話我有嘢，我咪有嘢俾你睇囉！加上因為寂寞，同想人關心，所以好想有個人陪下。當然應承得佢出去，其實都預左有機會有下文發生，但我諗如果我唔想嘅，佢都唔會夾硬嚟卦？遊左陣車河，雖然Alex不停撩我傾計，但我都比較安靜。

A「你似乎真係好唔開心喎，今晚你同嗰晚食飯完全係兩個人～」
我「係咩？」
A「咪咁啦，話唔定佢聽朝一早就氹番你呢～」
我「都幾難，佢一向都少氹我嘅，今次佢仲要咁嬲...」
A「佢咩事嬲先？」
我「唉.... 其實，係因為你個Whatsapp...」於是我就忍唔住講晒成件事佢聽。
A「都係我衰，口花花，寫埋d咁嘢～」
我「係囉，做乜你咁口花花？」
A「其實我唔係口花㗎，我發自耐心想關心你咋... 你都無講我知你有男朋友～」
的確我又真係無提，唔係想扼佢，而係唔知點樣無端端講...

全晚Alex望我嘅眼神都係好有嘢，但佢並無任何進一步行動，曾經當佢靠得好埋同我講嘢時，我都會諗佢會唔會突然攬住我什至錫我呢？如果真係發生時我要點做呢？但呢d事卻一樣都無發生。問心我有dd失望，係咪我吸引力唔夠？定我自己表錯情，人地真係當我朋友... 不過諗深一層，佢無行動仲好，唔會將件事複雜化。

返到屋企沖完涼，收到佢whatsapp...
A「Macy, 希望同你傾完你會舒服d，同祝你同男朋友好快好返，但如果最後分手嘅，記得話我知，我排定隊呀 haha」
我心諗咁你即係想我同男友好返定分手？

之後，男友成個星期無搵過我，期間我有幾次想搵佢，但其實都有d心淡，因為同佢咁耐，次次鬧交除非係佢好錯，否則佢都好少會氹我，有時仲會等我自己過左啖氣就算。不過過左成個星期後，覺得咁落去唔係辦法，於是我主動whatsapp佢問佢想點。。。
我「其實你想點？你真係完全唔諗住俾我解釋？」佢好快覆我...
A「ok願聞其詳～」
於是我就直接打俾佢。一開始我地就嘈左幾句，因為我好火，覺得佢好衰，而佢就唔覺自己有錯。講左陣，感覺好心淡好攰，已經唔想再同佢嘈，於是我忍唔住講出分手兩字。我從來都唔係容易講分手嘅人，因為我知道講得就預左會成真，但今次真係好攰，而且我覺得佢已經唔再信我愛我，個感覺好心寒好陌生，佢只係唔想做衰人，咁就等我做提出分手嗰個人啦！

第二日放工，我即刻上左佢屋企，執走自己嘅物品，再留低條key俾佢，影低張相再whatsapp俾佢「Your keys. Take care!」返到屋企，諗住大喊一場發洩下，但竟然一滴眼淚都無，反而個人感覺輕鬆左。

雖然分左手，但我無即時搵Alex，反而佢隔左兩日主動搵我，問我同男友好番未。
我「分左手啦～」
A「真㗎？」
我「呃你做乜喎～」
A「你ok嗎？」
我「ok呀，係我提出嘅，分左反而輕鬆左。」
A「你無嘢就得啦，如果想搵人食飯吹水嘅，可以搵我呀～」
我「ok~」
A「咁我而家排第幾呀？係咪排到去屯門喇？」
Alex雖然把口咁講，但佢又無乜實際肯動，咁講真岩岩分手，其實我亦唔急住要即刻搵對象。

至於另一主角T，好似好耐無出場。。。

其實上次我病假佢話嚟左我屋企附近後，我有少少驚左佢，所以有時佢搵我，我都只係應佢幾句。到後尾同ex鬧交我都無話佢知，而佢亦慢慢少左搵我，我估或者佢見我咁冷淡，都唔想浪費時間係我身上，而且佢應該都有其他引版對象。

但原來我估錯左。。。

angelking89

引用:

原帖由 MacyMacy^^ 於 2016-9-12 01:23 PM 發表
第二日，生活繼續，因為請左一日假，工作上都好忙，令我暫時無乜時間諗同男友嘅事。T & Alex不停send msg俾我，但我通通無覆，而男友就一個電話或msg都無。

放工返到屋企對住4面牆，開始感到寂寞，心情忐忑唔知應 ...

原來你update左, 差D miss左XD
六日過得點呢:smile_o13:
((雖然睇篇文...你而家似負能量多D:smile_o08:

粗筆人

引用:

原帖由 MacyMacy^^ 於 2016-9-12 01:23 PM 發表
第二日，生活繼續，因為請左一日假，工作上都好忙，令我暫時無乜時間諗同男友嘅事。T & Alex不停send msg俾我，但我通通無覆，而男友就一個電話或msg都無。

放工返到屋企對住4面牆，開始感到寂寞，心情忐忑唔知應 ...

先問
Mr T 以退為進？

粗筆人

尋晚夜再吃梭梭大腸腸

先提分手的，並不是壞人衰人

MacyMacy^^

引用:

原帖由 angelking89 於 2016-9-12 01:27 PM 發表


原來你update左, 差D miss左XD
六日過得點呢:smile_o13:
((雖然睇篇文...你而家似負能量多D:smile_o08:

星期六執完屋同阿俊食飯直落

星期日ex無端端搵我
陪左佢去買嘢

粗筆人

引用:

原帖由 MacyMacy^^ 於 2016-9-12 01:57 PM 發表

星期六執完屋同阿俊食飯直落

星期日ex無端端搵我
陪左佢去買嘢

再見ex 有何感覺？

MacyMacy^^

引用:

原帖由 粗筆人 於 2016-9-12 01:29 PM 發表

先問
Mr T 以退為進？

唔係

MacyMacy^^

引用:

原帖由 粗筆人 於 2016-9-12 02:01 PM 發表

再見ex 有何感覺？

心情有d矛盾